المغُوار "أحفاد الدُرباس"

البارت التاسع والعشرون²⁹

بســم اللـــــه الرحمـــٰــن الرحيــم

المغوار "أحفاد الدرباس"

بقلمي انـا : مآريآ

تفاعلوا لطفـاً🔥🤝🏻

ـــــــــــــــــــــــــــــــــــــــــــــــــــــ

بيارق

الدرباس : اذاً ليـش ماگلتيلي تحبين ابن عمج سُلطـان؟؟

_ بلعت ريكي بخوف ومتت خجل وخوف  خصوصا هاي اول مرة يحجي وياي بهيج موضوع ممتعودة احس بس واحد يطخني ابجي

الدرباس : انه ربيت احفادي وصرت الكم صديق المفروض كلشي يصير وياكم تجون تگلولي ، افنان لمن شافت نفسها تحب حيدرة اجتلي وگالت جدي اكو ولد بالجامعة يحبني ويريد يتقدملي وانه ابد ما عارضت لان حبهم طاهر

وافنان اجتلي وگالت هاي يعني هي تدري بنفسهة ما مسوية شي ما يرضي الله ، ليش يا جدو انت ما گلتيلي ؟؟ وبقيتي تتأذين لوحدج وكابتة بكلبج

بيارق بخجل : جنت مفكرتة حب مراهقة وطفولة ويختفي لمن اكبر بسـ..

الدرباس : وان كان بيارق ازعل منج اذا يصير وياج شي وانه آخر من يعلم هذا يعني انه مو عزيز عليج لان لو عزيز وتحبيني بأقل تفاصيلج تبلغيني

بيارق  : لا والله جدو اني احبك وانت حيل عزيز عليَّ والله اسفة والله ما جان قصدي

_ حجيتها ونزلوا دموعي بهدوء من الموقف المحرج الي تعرضت الة سحبني لحضنة وقبل راسي وخلاني هيج لبضع دقايق ابتعد ومسح دمعتي

الدرباس : خليها ترجية بأذنج انتوا ترباتي وانه ابد ما اشك بيكم اشك بنفسي بس مستحيل اشك بيكم واتمنى ما تخيبوون ضني

_ هزيت راسي وهو صار يسولف عن الحب وشلون الامام علي يحب فاطمة الزهراء وانو الحب لازم يكون حب عذري طاهر وعلمني ووعاني

بيارق بخجل : زين جدو انت منو گلك؟!!

الدرباس : ادري من زمان بس مغلس بيارق جدو انه ربيتج وكبرتج بايدي واعرف شنو تحبين وتكرهين  معقولة ما اعرفلج !؟؟  بس طول هاي السنين اگول اصبر الدرباس اصبر يمكن هسة تجي وتكلك يمكن باجر بس صارر سنين انه اوهم نفسي وبيارق ماكو؟!

هواي اجولج خطابة جنت منتظر الرفض منج حتى اسئلج عن السبب واخذها فرصة ، بس للاسف انت جنتي توافقين

بيارق : لان مأيسة من سُلطان ومستحيل احد يقبل لا بابا ولا امي ازوجة وهو اصلا ما يفكر بيَّ ويكرهني صدگني وهذا احد الاسباب الي ما خلاني اگلك اني احب سُلطان