الشخصيات
-
الجد :راكان بن الزايد :عصبي وكلمته تمشي مايحب كلمه لا وأغلى حفيداته لين وعنده حفيد غالي بعد اسمه نواف
الجده :حصه حنونه وتحب الكل وماتحب المشاكل
طلال بن راكان
الهنوف بنت شعلان
الأبناء
نواف بن راكان
فهد بن راكان
ديم بنت راكان
ملاك بنت راكان
سلطانه بنت راكان
عبدالله بن ركان
آلمها بنت شعلان
الأبناء
لين بنت عبدالله
لمى بنت عبدالله
دلال بنت عبدالله
نايف بن عبدالله
محمد بن راكان
ساره بنت المنير
الأبناء
غلا بنت محمد
سلطان بن محمد
راشد بن محمد
الجد شعلان بن الزايد : شخصيه حنونه عكس اخوه راكان
الجده منيره بنت محمد
الأبناء
الهنوف بنت شعلان شخصيه عرفنا عليها
آلمها بنت شعلان شخصيه عرفنا عليها
خالد بن شعلان
(بالديره )
الجد راكان:وشلون مو جاين بالاجازه أقول دقي على عبدالله يالله جد انه عنيد ورأسه يابس يجي يعني يجي من زمان عن الغاليه لين وشوله العناد
طلال:خلاص ابشر ولا يصير بخاطرك إلا طيب بس لا تتعب علينا يالغالي
الجد راكان :اي زين وين نواف توكم جايين و ماجاني
طلال:والله مابي أزعلك يالغالي بس هو بالندن للحين
الجد راكان:وشوله الخساير وليه هو هناك ها
طلال :تعرف يبي يجتاز الإنجليزي يبي يكمل علشان يرفع راسنا
الجد راكان:والله ماعندك سالفه مير دق لي على عبدالله على الأقل واحد من أحفادي الغالين عندي
طلال :ابشر يالغالي
الجده حصه :الهنوف اخبارتس من زمان عنكم مير شوق قتال وانا خالتتس
الهنوف :والله عارفه يابعد حيي بس البنات ودوامتهم والله يلا يلا
الجده حصه :وينهم مير ماسلمو عليه
الهنوف :راحو يرتبو غرفتهم شوي بيجون ولا تزعلين بروح أشوفهم
الجده حصه :روحي يلا
(العاصمه رياض )
عبدالله:آلمها متى يخلصون البنات أبو نواف من قبل شوي وهو يدق
آلمها :بكرا باذن الله
عبدالله:ناديهم لي أبيهم
ألمها :ابشر
لمى :لين ياخي خير جيبي الي اخذتيه يويلك من أبوي سلامات
لين :روحي بس مابي يعني مابي 🙄
لمى :يعني ذي تشميقه
لين :مالك دخل
دخلت المها:يلا أبوكم يبيكم
دلال:ماما شوفي لمى تتهاوش هي ولين والمحاضره ماركزت عليها والله يويلكم مني إذا صرت محاميه بظلمكم
آلمها:يلا يلا روحو وبعدين نتفاهم
لين :اففف يماما أفف
لين :هلا بابي حبيبيي وراحت تجلس بحضنه حبيبي بابا
عبدالله:غاليتي انتي جعلي مانحرم منك اجلسو
دلال :بابا حبيبي شبغيت
عبدالله:ابي بناتي عندكم مانع
لمى :لا ياعيوني ماعندك وابشر رح انشب لك
عبدالله وهو يضحك :اسمعو نبي نروح لديره عند جدكم قرب رمضان
لين :يسس جدي راكان بشوفه يسس
عبدالله:ترا نجلس للعيد ونبي نطول بعد لا تغثوني نبي نرجع من زمان عن أبوي واتوقع حتى جدكم شعلان جاي قبل العيد بكم يوم
المها:اي والله إني اشتقت لابوي واشتقت لأختي الهنوف
عبدالله:بكرا ان شاءالله ترجعون من دوام نمشي جهزو غراضكم
لين:ابشر بس ابي العيد ماشرينا
عبدالله:مع بنات عمكم ان شالله
دلال :تمام ياعيون بناتك
(يوم المنتظر)
عبدالله :لين دلال لمى نايف
الكل :هلا
عبدالله :يلا توكلنا على الله
نايف:بنات وربي إذا ماسكتن يؤيلكم مني
لين :بابا شف نايف يع غثيث
عبدالله:نايف خل خواتك
لين :اي صح انطم
عبدالله:لين خلاص
نايف :شفت يا يبه
عبدالله:أص خلاص كلكم اسكتو
دلال:بابا ماعليك بزارين
المها:خذ القهوه حبيبي
نايف :افا عيب قدامنا حبيبي
عبدالله :نايف خلاص يويلي
لين :بابا حط أغاني على الأقل مانسمع صوت نايف🙄
لمى :ابي يوم ماتشمقين
لين :وانتي شدخلك
لمى بهمس :اسكتي ي حبيبه نواف
لين :وربي يويلك مني
عبدالله:وش تقولن اسكتن
دلال: بسوق عنك تكفى
نايف :خلاص أنا ماسقت عنه تجين انتي تسوقين
دلال :ترانا مو مثل شي
عبدالله وقف طريقه وخلا دلال تركب بداله وركبت المها ورا
دلال :حره على قلبك يانايف
نايف :يبه شفها
لين :ابي أغنيه
عبدالله:ابشري
الاغنيه لو يوم احد .
هاذا أنا من كثر مافكرت فيك
ناديت لك والكل منا في في بلد ..
لين كانت تغني وبذا البارت صرخت وهي تغني
لمى: بهمس واضح انك تبينه اسكتي خلاص الحين يشكون
دلال :جد لين شوي شوي حبيبي
لين :ماقدر يابنت ماقدرت أتحكم
لمى:خلاص أص
(بالديره )
راكان :اسمع متى يجي نواف الغالي
طلال :ان شاءالله بكرا قبل رمضان
راكان :حلو يعني فرحتني والله يمدي اسوي العشاء ولا
طلال :ماله دا راكان :اسكت وقلي يمدي ولا
طلال :اي ان شالله الفجر يوصل لديره
راكان :حلو يعني ان شالله عشاء بكرا بس اخوك وينه
طلال:يبه تقصد مين ترا كلهم بطريق محمد و عبدالله
راكان :الحمدلله أقنعته اجل
طلال:ان شاءالله
راكان:شكل واحد منهم وصل خلينا نروح نشوف مين
وقف برا يشوف مين البنت الي تسوق
طلال :بنت عبدالله دلال
عبدالله:كفو بنيتي
طلال:اي ماشاءالله
وصلو وقفت سياره ونزلو
لين :جدي حياتي اشتقت لك وهي تحضنه
راكان :هلا بالغاليه هلا بحفيدتي الي مالها مثيل
لين :يحياتي وكلهم سلمو ودخلو للبنات وراحو يسلمون
بنات اشتقت لكم والله
ديم :وجع ان شالله ماصدقنا نتقابل
ملاك:جد باقي غلاوي ونكتمل
لين :بنات جايبه لكم سوالف خيال
سلطانه :بنات صح بكرا في عشاء
لين :اما ليه
دلال :ليه العشاء
سلطانه :اخوي نواف بكرا يجي
لين تغير وجها وصار احمر
لمى :اوه بنات شوفو مين صار وجه احمر
ديم :منجدك تحبينه
لين :خير اسكتو بس جايبن موضوع ماله داعي
سلطانه:نشوف مين يختار انتي ولا غلا
لمى :شدخل غلا
سلطانه :تحبه
لين تغيرت ملامح وجها وقالت :بروح لامي احس دايخه من طريق
لمى:بنات لاتقولون قدامها كذا وبعدين جدي يبيهم لبعض وانتى عارفين على دخله غلا :هاي بنوتات
لمى:أهلين غلا
ملاك:اشتقنا لك
غلا :اي وين لينو
سلطانه:تقول إنها دايخه
غلا :اها بسم الله عليها بروح لها
سلطانه :تمام
ديم :وجع سلطانه لعد تجيبين طارى غلا لين تعرفينها
سلطانه :شعرفني للحين تحبه
لمى:تدرون يابنات تحبه يمه حبها له غير ياحظه بس بهالحب
ديم:اي والله نواف اخوي مايستاهل
سلطانه:حتى نواف يحبها تدرون
دلال:خلاص امشو لينو ماتستاهله
جلسو بصاله
الهنوف:اشتقنا لكم والله جعلنا مانفترق ودايمه هل قعده
الكل :آمين
صار اليل وجلسو برا وهم يضحكون
ديم :من زمان عن سهره ذي
لين:جد
ملاك:صح لولو اخبارك الحين
لين :الله لولو من وين جايبه الاسم
ملاك:قبل كان في شخص يناديك 😉
لين وجها احمر سكتت وهي تلعب باصابعها
سلطانه:يويلي خلاص خلوكم عنها عيب
غلا:منو تقصدون
دلال:محد ياروحي المهم الجلسه حلوه
لين:جد خلونا نرقص
(((اليوم المنتظر )))
