بعدك يابوي اصبحت حياتي وهم

11

ماحست ب اي شي من الكف الي توسط خدها والكل وقف ونطقت ام تركي: حمد وش سويت؟
كان حمد واقف فوق راس روين بغضب وحده: مو لهاذي الدرجه وصلت فعايلك يابنت اخوي
غمضت عيونها قبل تسوي شي ووقف تميم بغضب: احترم انك عمي بس لاتمد يدك علئ اختي
حمد صرخ بعصبيه: تعرف هالقليلة الأدب وين كانت كل هالايام
وقفت روين وبحده: أنا مو قليلة ادب فاهم أنا ابوي رباني احسن تربيه فاهم
حمد وعيونه حمراء من العصبيه فكرة انها كانت بمدرسة عيال تذبحه من الغيره: اجل وش افهم وجودك بهالمدرسه الغبيه تكلمي
قال آخر كلامه بصراخ وهي نزلت دموعها وبقهر وألم: قول اي حاجه بس لاتطعن شرفي لاني بنت محمد فاهم أنا مو من هالنوع

ناضر تميم ل روين بصدمه: كنتي بمدرسة عيال؟
كانت روين بترد، ضرب ابو تركي عكازه بقوه ونطق بحده: حمد هاذي مو عوايد الرجال، مدة يدك علئ بنت اخوك وهالكلام التافه
من متئ عيلتنا تمد يدها علئ بنت؟
وبصوت حازم: اعتذر من بنت اخوك احسن لك
حمد بقهر: يبه تعرف هي وين كانت انتو ماتستوعبون؟؟
كانت بين عيال بمدرسة عيال كانت فاهميييننن استوعبو!!!

ابو تركي ب امر: حمد الأمور ماتنحل بهالطريقه وانا أعيد كلامي ل آخر مره اعتذر من بنت اخوك
تنهد حمد بغضب وهو يناضر ل روين: أنا اسف
طلع حمد ونطق تميم بقهر وهو يناضرها: ليتني مادورتك
الله يلعن الساعه الي شفتك فيها
ضحكت روين بصوت عالي وب استهزاء نطقت: انت لو كنت جنبي وسالت عن اخباري كنت ماقلت هالكلام بس شقول غير انك ماوفيت ب أمانة ابوي لك رحت تأسس شركة ابوي وتكبرها كاني محتاجه ل الفلوس
التفتت ومسك معصمها تميم وبحده: تضنين بكلامك هاذا راح انسئ فعلتك؟
ناضرته روين ب استهزاء: اي فعل؟ اوه عفواً قصدك أفعالك انت صح؟؟
ماقدر تميم يتحكم بنفسه وضربها كف، شهق الكل بصدمه وزادت عصبية ابو تركي وكان بيتقدم بس وقف لما روين صرخت بقهر ودموع: الحين جاي تحاسبني اناا وكل شي صار بسببك تدمرت وينك من سنين وليال تركتني ورحت ولا كاني اعني لك شي كنت بعز حاجتي لك والحين تحاسبني علئ افعالي؟!!
طلعت شهقه منها تعبر عن ألمها وتعبها: الغريب وقف معي وساندني وانت؟؟
وينك؟؟
ضحكت من بين دموعها: تعرف تطلع كلام وتعرف تألف قصص
صرخ تميم: اي قصص قصة انك رحتي لمدرسة عيال وسمعة ابوي مافكرتي فيها
روين بغصه: ابوي لو كان عايش كان ماسمح لك تمد يدك علي
غمض عيونه وهمست وهي تناضره بحزن: قبل ما أوجعك بكلامي، كون واثق اني أوجعت نفسي الف مره
توجهت لغرفتها ودموعها ماوقفت من النزول، ناضر تميم ليده الي نمدت علئ اخته تمنئ لو انقطعت ولا مد يده هاذي اول مره مايتحكم بعصبيته ويمد يده عليها رفع راسه لجده الي يناضره ب اسف وطلع،،

نطقت ام تركي بحزن: لو انك مامديت يدك عليها يكون احسن ياولدي
تميم بالم: ليتها انقطعت يدي قبل ما أمدها
طلع تميم ونطقت ام تركي وهي تناضر ل البنات: لمو السفره وخلو الخدم ينضفون السفره
وقفت سميره: من عيوني ياجده