نبدا أحداثنا بيوم جديد
قامت لين بحماس وشافت نواف كيف نايم ابتسمت وراحت أخذت شاور سريع ولبست بنطلون اسود وسيع وبالوفر ابيضّ نشفت شعرها ورفعته على فوق ابتسمت من شكلها وتعطرت وطلعت برا تشوف البنات
هيام :صباح الخير ياحلوه
لين :صباح النور وش تسوين
هيام :والله تشوفين كل وحده عليها صنف فطور
لين :واو جوي أنا بسوي بان كيك
هيام :خلاص تم
دخلت شوق :سلام
لين وهيام :وعليكم سلام
هيام :هلا بزوجه اخوي
ابتسمت شوق :هلا فيك تبوني أساعدكم بشي
لين :لا ياقلبي ارتاحي
شوق :لا شدعوه مابينا ترا عادي
لين :خلاص تعالي ساعديني بسوي بان كيك
ابتسمت شوق :تم
دخلت الهنوف :هلا بالحلوات شنو تسوين
لين :هلا بخاله كل وحده تسوي صنف اكل
الهنوف :ياحياتي انتو يلا سوو شغلكم بروح اشوف خالتي
لين :تمام ياقلبي
صحى نواف شافها مو موجوده جلس على الجوال وشيك على قروبات شغل وبعدين قام توضى وصلى ولبس ثوب وطلع تنحنح
فتح الباب وراح بسرعه لعيال شافهم
خالد :هلا بنواف
نواف :هلا فيك
فواز :صباح الخير
نواف:صباح النور الحين وش الوضع جوع والله
ابتسم خالد :تسوي لين الفطور
نواف :يوه يالبيه
ضحك خالد عليه
فواز :اي بعد الفطور خلنا نروح نجيب أغراض علشان المزرعه
نواف :والله تم
خالد :صح بسالك كم بقى ونرجع للرياض
نواف :ان شاءالله شهرين ماودي الاجازه تخلص
خالد :اي والله ان شاءالله سنه جديده حلوه
نواف :بأذن الله ان شاءالله
فواز :شكلنا مو متعدين الديره حنا
خالد :والله أختك بعيوني وانا بيتي عند بيت نواف علشان كل ماملت بنت اختي جت عند بنت عمتها الي هي زوجتي
ضحك فواز :شكلي بصير معكم
نواف :والله الحي الي أنا فيه راقي
فواز :يعني
نواف :اي بالله قدامنا الأبراج حقت المملكه يازين من حي هادي مره
فواز :بأذن الله معكم بنت الباطن صايره صديقتهم
كلهم ناظرو لبعض وضحكو
نواف :خلاص بأذن الله شهرين وانت خذ البيت الي عندنا أريح لك ماتاكل هم زوجتك
فواز :خلاص تم
الجد راكان:إذا ماعليك امر ناد لي أحفادي خلونا ناكل زي قبل سفره وحده
عبدالله:والله ي يأبه الحين كلهم كبار
الجد راكان:البنات متغطيات محتشمات ماعليهم
عبدالله تنهد :خلاص سم ياطويل العمر
الجد راكان :ناد لي العيال والبنات خلهم متغطيات
عبدالله:ابشر
الجد شعلان:يوه أيام اول مافي مثلها
الجد راكان :وان شاءالله مع أحفادكم
عبدالله وطلال :بإذن الله يابيه
محمد :اي بالله بنتي ماودي تطلع تأكل مع الباقي
الجد راكان ؛والله يامحمد إذا ماطلعت مع البنات لانت ولدي ولا أنا ابوك
زفر بغضب محمد (غيرت محمد على بنته مو طبيعيه )
محمد :يصير خير يايبه
الجد راكان :محمد اول الحضور بنتك واتمنى إن ماتطلع وشف وش يحصلك
عبدالله:خل البنت مع بنات عمامها لاتصير متحكم صدقتي ماتقوم تدانيك
محمد :ان شاءالله
الجد شعلان :اي بالله يلا ياعبدالله قم ناد
عبدالله:سم
قام عبدالله وناد بنات اخوانه كلهم وبنات اخته
وراح ناد عيال كلهم
