بعدك يابوي اصبحت حياتي وهم

27

دخول ابو تركي ل المستشفئ سبب رعب وخوف عليه واخذها فيصل عشان تشوفه دخلت المستشفئ وشافتهم واقفين قدام غرفه من الغرف ركضت لعمها حمد بخوف: عمي جدي بخير صح؟
التفت لها حمد بغضب ودفعها علئ الارض بقوه طاحت ع الارض والتفتت له بصدمه وصرخ حمد بغضب: كل مشاكلنا منك الله ياخذك ويخلصنا منك ان شاءالله
ليش جايه انقلعي قلعه تقلعك انقلعي من حياتنا
فيصل بعصبيه: حمد امسك السانك افضل لك واحترم الي تتكلم معها
التفتت روين ل ام تركي الي صرخت بغضب: اطلعي اطلعي الله ياخذك دمرتي عيلتنا من لما جيتي لها الله يلعنك من بنت الله يلعنك
وقفت روين بمساعدة فيصل الي شد علئ يدها يطمنها تقدمت سميره منها تردف: روين اطلعي من هنا انتي تجيبين المشاكل لنا
دفعتها بقوه وهي تصرخ بصوت يكساه الحزن: من لما دخلتي حياتنا كل شي تدمر كل حياتنا بسببك تدمرت

مسكت سيلين سميره: سميره خلص يكفي
ضمها فيصل لصدره واردف وهو يناضر ل تميم تحديداً: تذكر انك خسرت اختك ل الابد ب افعالك هاذي، من اليوم انت ماراح تشوف روين بحياتك وانا نفسي بحرمك منها ياحقير
طلع وهو محاوطها وركبو السياره وهو يحرك يتوجه لمكان هادي عشان تهداء،،

سيلين ناضرت ل الموجودين بعد خروج روين وفيصل واردفت: كان لازم الكلام هاذا يطلع منكم؟؟
حمد: سيلين لاتنسين انها السبب بالحاله الي وصل لها ابوي
سيلين ب استهزاء: لا والله؟
ترا جدي هو الي وصل لهالحاله وبسبب افعاله!
قد مره فكرتو كيف حياة روين مع فيصل؟
البنت يومياً وجها يذبل من البكاء والقهر وانتو بس همكم العيله الي انبنت بقوانين غبيه مالها معنا
صدقني اذا مات جدي الحين بيكون ضلم روين الي مستحيل تسامحه وبدل مايتعذب بالدنيا يتعذب بالاخره
كلكم راح يفوتكم كل شي لما ربي ياخذ امانته والبنت الي ضلمتوها وطردتوها مافكرتو تتاسفو منها
تميم: سيلين مو وقته كلامك هاذا
التفتت سيلين له بحده: ااه متئ وقته؟؟
وانت تسمي نفسك اخ لها؟؟
صدق انه كلمه تجيبك وكلمه توديك انت مريض ومتقلب مزاج وغبي لانك ماتفكر بالمنطق ولانك مو رجال
حمد: سيلين!!!
سيلين بعصبيه: نعم نعم؟؟
كلامي غلط مثلاً؟؟
ترا كلكم مرضاء حطيتو حرتكم ببنت مالها علاقه بكل الي انتم تسوونه
التفتت وهي تتمتم بقهر وحقد: اغبياء ومريضين!!

جلسها علئ الكرسي الي بالحديقه وجاب لها مي وجلس بجانبها يمد لها المي، اردفت روين وعيونها حمراء من البكاء واردفت: بموت بس وكذا اخلص من كل شي
نزل المي ع الطاوله واردف وهو يناضر قدام: تفكرين انه ينتهي عذابك كذا؟
وش يعني تقتلين نفسك؟؟
شوفي انا فكرت بهاذا الشي مره مرتين ثلاث بس قلت بعدها بدل مااقتل نفسي راح اترك الي سواء فيني هالشي يموت مية مره
امشي قدامهم تبتسمين بمجرد ماتبتسمين صدقيني بيموتون من القهر
استعملي عقلك لمره وحده ياروين
كان ينتضر جوابها بس كانت ملتزمه الصمت طلع جواله وهو يوريها شكلها بالكاميرا: شوفي نفسك اجل
وش تشوفين؟
روين بذبول: وحده ميته
فيصل: انتي غلطانه!
لاتقولين هالشي، راح يحاسبك الله عليها
روين: هل يحاسبنا دائماً؟
فيصل: يعرف من يحاسب روين!
الف مره حاولتي تنتحرين بس ماتعرفين الاشاره الي ربي بيرسلها لك؟؟
روين: ايش؟
فيصل: الصبر، ان الله مع الصابرين
لان ربي يحبك مايبي ياخذ روحك فيه ناس تحبك كمان وتحب وجودك معها
روين: لا انا محد يحبني لاتكذب اكثر
مسك يديها: بالعكس انا احبك وابيك جنبي روين ولو انك ماتبغيني
مسك جواله يتصل علئ ريناد الي ردت وحط سبيكر واردف: ريناد انتي عندك العيله؟
ريناد: اي متجمعين ليش؟
فيصل: حطي سبيكر بسالهم سوال!
حطت ريناد سبيكر واردف فيصل وهو يناضر ل روين: ياجماعه انتو تحبون روين صح؟
الكل: اكيد، اي، معقوله محد يحب الحلوه، نعم، اي رغم سوالفنا القليله معها بس احبها
فيصل ابتسم من لمحها تبتسم بهدواء واردف: اجل اكلمكم بعدين
قفل الخط والتفت لها يمسك يدها: الكل يحبك ومايبي فراقك روين

اردفت روين وهي تناضر لعيونه: فيصل
ابتسم فيصل: عيونه
روين: انت تحبني صدق؟؟
ضحك فيصل وهو يقبل خدها: اكيد احبك واموت فيك
ابتسمت وهي تحط راسها علئ كتفه وهو حاوط اكتافها وهو يحس بسعاده تامه،،،

كان واقف بسيارته قدام المستشفئ كان ينتضر خروجها مرت خمس سنوات وهو ماشافها ونفسه يشوفها ويفهمها نزل من السياره من لمحها تخرج وتوجه لها يمسك يدها، التفتت بغضب من حست بيد شخص علئ يدها: اتركني ياقليل الا....
سكتت من شافته وبردت اطراف جسدها كان ببالها الف كلمه وكلمه واردف ادم ب ابتسامه: اشتقت لك سيلين
غمضت عيونها وبلحضه رفعت يدها تضربه كف علئ وجهه وغمض عيونه من قوة الكف واردفت سيلين: واحد وقح للحين تضهر نفسك قدامي ياوصخ
التفت لها واردف: سيلين ان....
قاطعته سيلين وهي ترفع اصبعها بوجهه بتحذير: ان شفت وجهك اقسم بالله ادفنك بمكانك
لاتفكر اني ممكن ارجع لواحد حقير ووصخ لهاذي الدرجه
توجهت لسيارتها من قالت كلامها تروح، ركب سيارته يلحق سيارتها ويلف السياره يصير قدامها فتحت النافذه وهي ترفع صوتها: بعد عن طريقي احسن لك
ادم فتح النافذه يردف: ماراح ابعد لحد ماانتي تفهمين
رفعت حاجبها من العناد واللعانه اللي هو فيها ونطقت بصوت اعلئ: افتح الطريق احسن لك
هز راسه بالنفي ابتسمت تفتح شباكها الايمن علئ جهة سيارة ادم وبكل خبث طلعت السلاح من درج السياره ورفعته تصوب علئ كفر سيارته الامامي واطلقت وصوبت علئ الكفر الخلفي وصوبت عليه وبسرعه لفت سيارتها بتفحيطه وبصوت عالي دعست علئ البانزين وحركت بأستعجال ماشيه
عض علئ شفايفه يغمض عيونه ويفتح الباب ينزل التفت ع السياره يشوف الي سوته وكيف كانت حاقده عليه وهاذا ابسط انتقام تسويه له ولأهانته لها،،،،

{المستشفئ، غرفة الانتضار}
دخلو ل ابو تركي وهم يتحمدون له بالسلامه وجلسو همس ابو تركي بتعب وصوت مبحوح: وين روين؟
تميم بحده وغضب من روين: لاتفكر فيها ياجدي هاذي قليلة ادب
حمد بحقد: اههخ لو بيدي اقتلها
سند بملل: هالوقت مو وقت كلامكم ف اسكتو احسن لكم
بعد دقايق انتهت الزياره وطلعو وبقت ام تركي وابو سلطان عند ابو تركي انتضار،
كانت الساعه ٨:٠٠ الليل، توجهو تميم وحمد لبيت المنصور ودخلو واستقبلهم فيصل الي تافف بملل: انتو ماتملون وانتو تلاحقون البنت تراكم مريضين
حمد: مالك خص وين روين؟
تقدم ابو مطلق: اهلا وسهلا تفضلو ل المجلس ودقايق وراح ننادي روين تفضلو
دخل تميم وحمد وهم عارفين ابو مطلق الي مايحب يقفل بوجه ضيوفه الباب ف دخلهم جلسو وبعد دقايق دخلت روين ووقف تميم وحمد واردف تميم بحده وقرف: امشي قدامي بسرعه
فيصل: خير خير وش عند ام الي جابتك تاخذها بارده مبرده!!!
حمد: انت بتطلقها وغصبن عنك فاهم امشي انتي قدامي بسرعه!
روين بحده: انا مو طالعه وفيصل ماراح يطلقني لاني ابغاه ومستحيل اخليه يطلقني فاهم ومو رايحه معكم
تقدم منها تميم يسحب يدها وبعصبيه: امشي معي ياوصخه امشي!!
رمت يده بقوه وبحده وغضب: قلت لك مو رايحه انت ماتفهم
رفع يده تميم بيضرب روين بس قاطعه صوت شخص: تميم!!!
التفتت روين لمصدر الصوت وبردت اطرافها وبهمس وصدمه: يبه!!!

"يتبع"