"اليوم الثاني"، نزلت ومسك يدها فيصل يسندها عليه يدخلون البيت وقف الكل من شافهم وكانو بالمشب الي بالحديقه ناضرهم فيصل وتنهد، تقدمت ام مطلق تردف بحزن: تعالي يابنتي
فيصل: لا ياجده انتي ارتاحي انا اوديها ل الجناح وانا بجلس معها
ام مطلق: بس
قاطعها فيصل يميل راسه: جده
تنهدت تهز راسها ب ايجاب، مشئ ولازال ساندها، التفتت ام مطلق تحط يدها ع عيونها تبكي تقدم ابو هتان يحضنها ويبوس راسها: بياخذ جزاه حمد تطمني
ام احمد: انا الي قاهرني انهم كيف لهم قلب يذبحون حفيدهم كيف؟؟؟
ابو مطلق بحقد: هاذا شي طبيعي بالنسبه لهم نسيتي بنتهم الي ذبحوها عشان شي تافه
ام هتان بحزن: حسبي الله ونعم الوكيل حسبي الله
تنهد الكل بحزن يجلسون والصمت مخيم عليهم،،،
دخلو الغرفه يجلسها ع طرف السرير يجلس ع رجليه يمسك ايديها ودموعها لازالت تنزل اردف بحزن: مايكفي بكئ؟
وقف يجلس بجانبها يبتسم: تعرفين؟
قابلته قبل اجيك، تعرفين ايش قالي؟
التفتت له وعيونها محمره وبصوت مبحوح: ايش؟
فيصل تنهد يرفع يده يمسح دموعها يردف: قالي لاتنزل دمعة اختي مره ثانيه
تقدم يبوس خدها يبتعد يكمل: واترك ابتسامتها دايم ع وجها
ابتسمت تصد عنه وضحك هو عليها يردف: اعرف انك حزينه بس الحزن هل بيرجع تميم؟
تميم راح ل الي ارحم مني ومنك حرام تسوين بنفسك كذا
رفع يدها الي ماسكها بيده يبوسها يردف: دايم اعرفي انه هاذا قدر ربي روين
اردفت روين بصوت مبحوح: بس هاذا اخوي
صدت تشهق ببكئ وتنهد تميم بقلة حيله يحضنها ويربت ع راسها بحنان وحزن،،،
دخل ادم المكتب ووقف محمد بخوف: اخوك وينه راح يدوركم؟
رفع راسه ادم وانصدم محمد لان ادم كان يبكي ل اول مره بعد موت امه، تقدم منه بخوف: ادم وش فيه؟
صاير شي ل اخوك واختك؟؟؟
التزم ادم الصمت ومسك كتفه محمد يهزه بخوف: تكلم فيه شي؟؟؟
طاح ادم ع الارض يبكي بعجز وجلس امامه محمد يحضنه بقوه ويربت ع راسه يردف: تكفئ يابوك قولي وش فيه؟
فيه شي وش فيك؟؟
اردف ادم ببكئ: ماكفاهم يبه ماكفاهم ذبحو امي
شهق ب انهيار يصرخ: ماكفاهم!!!
بعد عنه محمد يحط ايديه ع وجهه يردف: ياولدي بناخذ حق امك وانا حلفت اخليهم يندمون
ادم: بس يبه فات الاوان ذبحوه ذبحوه
محمد عقد حواجبه: من ذبحو؟
ادم حط ايديه ع الارض ومنزل راسه يردف ب انهيار: ذبحو تميم يبه ذبحو اخوي
وقف محمد بصدمه يحط ايديه ع المكتب يرمي الاغراض الي فيه يطيح ع الارض يصرخ بحزن وقهر قهر بعمره ماحس فيه طيلة ال ٢٦ سنه من الحزن والقهر والذل صراخ يحمل حزن كبير بقلبه، وقف ادم يجلس امام ابوه ويحضنه وابوه يبكي،،،،
بعد الي سووه عيلة التركي بتميم زاد الحقد بقلوب عيلة المنصور ومحمد وادم ومر اسبوع ع موت تميم والئ الان الحزن بقلب الكل،،،
{بيت عائلة المنصور، وتحديداً المكتب}
ابو هتان: العيله هاذي زادت عن حدها ولازم نوقفهم يبه
احمد: مو هاذي المشكله ياخالي المشكله حمد هرب هرب الكلب
كان ابو مطلق واقف ويناضر النافذه واردف بهدواء: توقعت انهم يتأدبون بعد موت سلطان بس الواضح ماتأدبو
ابو هتان: وش راح تسوي يبه؟
التفت ابو مطلق يناضر ل احمد: تروح تطلع الاشرطه وتسلمهم ل الشرطه وكمان حمد اذا مامسكته الحكومه اذبحه اذبحه وخلص عليه
ابو هتان: بس يبه حنئ مو نفسهم
التفت ابو مطلق عليه: هم خلونا نفسهم ابو مطلق ان ماانمسك من الشرطه راح يضل ورا روين وادم وراح يذبحهم وحمد ان ماانذبح راح يذبح روين وهاذا هدفه من السالفه كامله
ابو هتان:بس الاشرطه يبه وش فيهم؟
تقدم ابو مطلق يجلس ويبتسم بهدواء: الاشرطه فيهم فيديوهات يودونه ورا الشمس هاذا غير الصور الي فيهم اوه بيخلونه يموت علئ طول
ابو هتان: يبه...
قاطعه ابو مطلق بخبث: هو ماكان بيذبح تميم كان بيذبح ادم تعرف ليش؟؟
لانه خايف اني اسلم ل الشرطه الصور والفيديوهات
بس مادام انه مد يده ع حفيدتي وذبح حفيدي والله ماراح اخليه ينام الليله الا بالسجن
احمد قم روح سلم ل الشرطه كل شي ودور ع الكلب حمد
وقف احمد وداخله سعاده: سم ياجدي
طلع احمد واردف ابو هتان: يبه انت متأكد؟
اخاف محمد يزعل
ابو مطلق: تطمن محمد ماراح يزعل مادام انهم بياخذون جزاهم
أنت تقرأ
بعدك يابوي اصبحت حياتي وهم
Randomتعيش ب امريكا بس فجأه امها ترجعها ل السعوديه الي أهل ابوها يعيشون فيها وهي ماتعرف اي حاجه
