بعدك يابوي اصبحت حياتي وهم

37

مسكت الشرطه حمد وركبت روين السياره مع فيصل وكان فيصل ماسك يدها ويسوق كان يناضر قدام بصمت وهي تناضر ل النافذه التفتت له تردف: فيصل
فيصل بحده: اسكتي!!!
روين: فيصل وش فيك؟
فيصل: وش راح يكون فيني؟
روين انا احبك انا مو بس احبك انا اعشقك روين انا اخاف اخسرك بسبب هالشي
الحين لو قتلتيه وش بيصير؟
انتي بتسلمين نفسك ل الشرطه اكيد، وانا؟
مافكرتي فيني انا روين انا مااقدر ع بعدك
روين: فيصل اسمعني والله اني انقهرت ماقدرت اسوي شي ترا ردت فعلي طبيعيه
وقف فيصل قدام البيت ولفت نضره سيارات الشرطه الي امام بيت عيلة المنصور ونزل ونزلت روين وتقدمو يشوفون الشرطه يقبضون علئ ابو تركي التفتت روين ل فيصل: وش فيه؟
فيصل: شكلهم عرفو بجريمته!
روين: اي جريمه؟
فيصل: ذبح بنته قبل ٢٦ سنه وهاذا غير تزويره وعقوده والفلوس الي يسرقهم
روين ضحكت بصدمه: معقوله؟
فيصل: ماتشوفين كره ابوك له لانه عارف ابوه زين الحين انتهت السالفه
التفت يمسك يدها بقوه من شاف نضرات ابو تركي ل روين نضرات حقد وكره بس وروين تناضره ببرود ركبو ابو تركي السياره يروحون، التفت فيصل يردف: امشي
توجهو يدخلون وكان البيت هدواء بحكم انها الساعه ١٢ الليل دخلو جناحهم تنزل عبايتها روين وتجلس ب ارهاق: اههخ تعبب
جلس بجانبها يردف: روين اسف بس فعلياً اعصابي تلفت
ابتسمت روين تضحك والتفت عليها: ليش تضحكين؟
هاذا وانا معتذر
روين بضحك: فيصل انتضر تمر ع المشكله ساعه ع الاقل
ضحك فيصل: ياخي مااقدر اتمشكل انا وياك ومانتراضاء احس فيه شي
روين وقفت: ان شاءالله دوم تكون كذا
يلا انا ببدل وانام لاني تعبانه
راحت روين وتنهد فيصل براحه واطمئنان من لما انسجن ابو تركي وحمد حس براحه وكان هم وانزاح عن قلبه، بس سالفة ابوه وزيارته له مازاره ولا شافه من لما طلع من المستشفئ كان يفكر بس مستحيل يفكر انه يروح ل ابوه لانه خايف من شوفته يخاف يضعف للحضه عدل نفسه يشوف روين تخرج من الحمام لابسه بجامه تجلس ع الكرسي تحط كريمات، اردف ب ابتسامه: روين
ناضرته روين من المرايه: هلا؟
فيصل بروقان: وش رايك نرقص؟
روين ضحكت: لا فيصل الكل نايم اخاف يصحون
وقف فيصل يطلع جواله يحطها ع غنية "sway" يتقدم منها يمد يده لها وابتسمت هي تحط يده بيدها ويرقصون مع بعض ويحاولون يقلدون الاجانب برقصهم، رغم بساطة هاذا الشي الا انه كان شي عضيم بعلاقتهم نضراتهم المحبه لبعض كانت كفيله تخليهم يعيشون الف حلم وحلم،،،

{اليوم الثاني، بيت عائلة التركي}
نزلت سيلين من الغرفه ولازال وجها عليه علامات الضرب من جدها الي قبل مايروح ضربها، وقفت من سمعت عمها ابو سند يردف: ابوي كان لازم ينسجن من الاول
اردفت ام تركي: كيف هاذا ابوك!!!
ابو سند: اي يمه معك حق هاذا ابوي بس ابوي سواء العمايل السوداء وطبعاً عشان نداري نفسنا قدام الناس قلنا انهم توهم يعرفون انه ذبح اختي عبير
ام تركي: مو هاذا الي حارق قلبي انه ابوك همه الناس هاذا غير اخوك انا وش اسوي فيكم اه وش اسوي
اردف ابو سلطان ببرود: نبداء بالمهم
ام تركي التفتت له: وش المهم غير قصة ابوك واخوك؟؟
ابو سلطان: اليوم بيجي الشيخ ويكتب كتاب ادم ع سيلين
ام تركي وقفت: ايش ايش؟؟؟
وابوك مو راضي ينكتب الكتاب؟!!
ناضرها ابو سلطان بكل برود: اي وابوي مو راضي لان رايه بمستقبل بنت مايهمني لاني ادراء بمصلحتها
ام تركي ضربت يد بيد بقهر: لاحول الله تستهبلون انتو ابوك مو راضي وهو بالسجن انتو بعقلكم شي؟؟؟
وقف ابو سلطان بغضب: يعني ايش اسوي مثلاً؟؟؟
اروح ادفع فلوس حرام عشان يطلع؟
حتئ البيت الي حنئ فيه من فلوس الحرام الي جايبهم ابوي
كل شي كان تحت يده حتئ عيالي كانو تحت يده اول واحد ولدي سلطان وبسببه فقدته وسكت ثاني واحد مين؟؟؟
بنتي سيلين او سميره يمه؟؟
تنهد يهدي نفسه يلتفت لها يكمل: انا ماابغئ افقد عيالي زياده وبنتي تحب ادم وادم يحبها وماراح يكونو غير لبعض!!!
التفت يخرج وشاف سيلين الي ناضرته وصدت عنه حس بحزن وقهر لما شاف وجها الشاحب والمليان بالجروح تقدم منها بس هي التفتت تتوجه لغرفتها،،،

نزل من الجناح بعد ما ارسل جده الخادمه تناديه ل المكتب طق باب المكتب وجاه صوت جده، دخل فيصل: هلا جدي فيه شي؟
ابو مطلق اشر ع الكرسي: اجلس يافيصل اجلس
جلس فيصل: سم
ابو مطلق: سم الله عدوك، اسمعني ياولدي ل الاخر ولاتقاطعني
هز راسه فيصل وكمل ابو مطلق كلامه: بنت عمتك دانه ابوها كشفها تكلم واحد
عقد حواجبه فيصل بتعجب: كيف؟؟
ابو مطلق: ابوها الحين متحلف فيها وحابسها واول واحد يخطبها بيزوجها علئ طول
فيصل: طيب انا وش علاقتي بموضوعها كامل؟؟
تنهد ابو مطلق بحيره: تتزوجها
وقف فيصل: ايش؟؟
اكيد تمزح ياجدي
ابو مطلق: لا ماامزح بس ياولدي هي كشفها ابوها وو...
قاطعه فيصل: وانا وش دخلني هي الي سوت بنفسها كذا واذا انت بتنقذها انا ماراح اتزوج احد ولا تحطون بلاها علي
ابو مطلق: فيصل
اردف فيصل: جدي انا اموت ولا اتزوج على روين انا ماصدقت تزين حياتنا فجاه تجيني بسالفة الزواج وليش انا خصيصاً؟؟؟
فيه هتان ورواد ماتزوجو زوجهم انا بعمري ماراح اتزوج علئ روين وماراح انزل دمعتها
ابو مطلق: تحسبني ببكيها؟؟
انا احب روين بس بنت عمتك بتموت بسبب عملتها وانت الوحيد الي اثق فيه
فيصل: انا ماهماني اي شي بس اني اتزوج علئ روين بعمري مابسويها لو علئ موتي
طلع فيصل بعد كلامه ومسك راسه ابو مطلق بحيره وهو مو عارف كيف يتصرف بالموضوع،،،

{الليل، بيت عائلة التركي}
كان شعور سيلين بهالحضه غير كان شعور غريب جداً ماكانت فاهمه ع نفسها ابداً نزلت تقول ل الشيخ انها موافقه وتوقع وهي خايفه وقعت وايديها ترجف ووقفت تتوجه لغرفتها تجلس ع طرف السرير تحضن نفسها وتناضر ل قدام بدون اي شعور دخلت سميره ب ابتسامه تمسك يدها: وش شعورك وانتي ماخذه حبيبك وغصبن عن الكل
كانت سيلين مطنشتها وعقدت حواجبها سميره: سيلين وش فيك ياقلبي؟
فيك شي؟
التفتت سيلين لها تبتسم بتعب: ايه كان لازم اضحك معكم كلكم من الاساس صح؟
وقفت: المهم انا بروح ازور روين يمكن اغير جو شوي تمشين؟
وقفت سميره: تمام اجل بروح اقول ل امي والبس بروح اشوفها كمان
هزت راسها سيلين بهدواء وطلعت سميره تقول ل ام سلطان،،،

دخلت مع ابو مطلق بعد ماتفاهم مع ابوها تتوجه لغرفتها تبدل لبسها بعد ماقالت لها الخادمه انه سيلين وسميره بغرفة الضيوف مع روين وبلقيس، قررت تلبس فستان ازرق مخصر وقصير ولبست اكسسوار وكعب ابيض ناعم وتركت شعرها مفرود ع كتفها وحطت مرطب ع وجها وجل ع حواجبها ورطبت شفايفها تنزل وتدخل: سلام
التفتن لها يبتسمن: وعليكم السلام
بلقيس بعجله: دانه شفتي احد من الشباب طالع برسله ل البقاله؟
ابتسمت دانه تناضر ل روين: اي شفت فيصل ووقفت معه اتكلم معه
انصدمت بلقيس من جراة دانه واردفت روين تعقد حواجبها: وش تكلمتو فيه؟
دانه ب ابتسامه استفزت سيلين: قلت له اني معجبه فيه واحبه وهو قالي انه يحبني وو
قاطعها كف من روين وصراخها: انتي وش تقولين ياكذابه!!
وقفت سميره تمسك يد روين: روين
مسكت خدها دانه بصدمه لانها اخر شي توقعته انه روين تضربها،،

"يتبع"