Mhorfell Academy and The Onyx Blood Disease (Published under PSICOM)

Chapter 1 - Forbidden Name

[ R E N N E I ' S  P O V ] 

17 years ago ... 

Masaya naming in-envade ang dressing room ng bride para makigulo at para makita na rin namin ang itsura ng kaibigan namin sa napakaespesyal na araw na ito. Kapwa mga nakasuot kami ng mga gown na kulay black at white. Ito kasi ang napili ng ikakasal na kulay para sa motifs at iba pang detalye para sa kasal nila.

Pinalibutan namin si Alex na sa ngayon ay nakaupo sa harap ng napakalaking salamin. Wala kaming masabi. Bagay na bagay sa kanya ang wedding dress niya. "You're so pretty!" bigla naming narinig ang matinis na boses ng isang batang babae sa may pintuan. 

Akala ko hindi na siya ulit makakabisita sa amin eh. Ako na ang lumapit kay Charlene at binuhat ko siya papalapit kay Alex na nakangiti na sa kanya at handa na siyang yakapin. Pagkabigay ko kay Charlene kay Alex, iniupo niya ito sa mga hita niya upang mas malapitan niya itong makita. 

"And you look so cute!" sambit ni Alex habang pinipisil ng marahan ang pisngi ng bata. 

"I'm not! Pero ikaw, you're so beautiful! I wish I can be as pretty as you when I grow up." tila nagtatampong hiling ng bata na siyang ikinangiti naming lahat. Sigurado namang lalaki siyang isang magandang dalaga. Nasa batang edad pa lang siya pero halata mo na ang mga features ng mukha niya na siyang kakaiba talaga. 

"Siyempre naman. I bet you'll even be prettier than me when you grow up." this time inayos naman ng kaibigan ko ang flower pin na nakalagay sa buhok ni Charlene habang nakikipagkulitan dito. 

Masaya lang namin silang pinagmasdan, hindi antala ang mga mangyayari sa mga susunod na taon. Tanging pinayo namin nina Dereen at Fiacre sa mga sarili namin ay ang kalimutan mo na ang bagay na iyon at magsaya lang. Kumilos ng parang walang masama na mangyayari at ngumiti ng wala kaakibat na pag-aalala at pagkalungkot. This is our bestfriend's wedding! Of course, we should be happy! 

Mga ilang minuto ang dumaan at dumating na si Janice para ipaalam sa amin na ready na ang limousine na sasakyan namin at kailangan na namin bumaba para hindi kami mahuli sa schedule. Ibinaba na ni Alex si Charlene para i-check ang sarili niya. Dali daling tinulungan nina Courtney, Thelina, at Kia si Alex sa mahabang laylayan ng gown niya. Walang oras yata na hindi naging maingay ang kwarto nang dahil sa amin. Pati sa paglabas, rinig pa rin ang mga paalala ng mga babaeng heads kay Alex. Pinauna muna namin silang makalabas since ang pinakaimportante na mga tao sa araw na ito ay ang bride at groom. Si Janice naman na ang kumuha kay Charlene at katulad ng iba ay bumaba na rin sila. 

Naiwan kaming tatlo sa silid. Tahimik ang paligid kung kaya't dinig ang pagbuntong hininga namin. "Any news?" Fiacre asked. Napapikit ako ng mariin. Simula ng malaman namin ang katotohanan mula sa kapatid ni Mr. Devroid ay never akong nagsayang ng oras para lang makahanap ng resolba sa problemang ito. God knows how much effort I exerted just to save my friend's life pero wala, wala akong magawa kundi ang umiling.