Just The Benefits (PUBLISHED)

Kabanata 17

#JustTheBenefits

Kabanata 17 

Nasa coffee shop ako ngayon at naghihintay sa pagdating ng iba ko pang mga ka-grupo. Mabuti na lang talaga at approved na ng professor namin ang proposal na ginawa ni Shiloah kaya naman hindi na kami nahihirapan. Hindi ko alam kung paano ko siya pakikitunguhan ngayon. It was kinda awkward but I had to deal with it. Graduating na ako. Kaunti na lang naman.

Isa pa, as I have thoroughly thought about it, wala namang masamang nangyari sa pagitan namin ni Shiloah. Siguro hanggang doon lang talaga kami. And Candy's a good girl... Masyado lang akong naging judgmental sa kanya. Nakikita ko naman na masaya sa kanya si Shiloah. She's a good influence... I think. She's bringing Shiloah out of his nest. Napapansin ko na mas nagiging komportable na si Shiloah sa mga atensyon simula nung naging sila ni Candy.

Sikat si Candy sa school dahil well... marami siyang naging boyfriend na sikat din sa school. Kaya naman simula nung maging sila ni Shiloah, napunta na rin kay Shiloah ang spotlight kahit na ayaw niya man. Mukhang gusto naman talaga niya si Candy dahil kung hindi, sa palagay ko hindi niya titiisin ang lahat ng atensyon. In the short time we spent together, masasabi ko na isa sa mga bagay na ayaw niya talaga ay ang atensyon.

He must really have liked her.

Lunch? Nagtext na naman sa akin si Quin. Palagi na lang niya akong sinasamahan lately. Hindi naman ako makapagreklamo dahil wala naman ako ring kasama. Hindi pa rin kami nakakapag-usap ni Mari. Gusto kong magsorry pero hindi ko rin alam kung saan ako magsisimula... I kinda feel that she was right.

I kept on having this weird thought about Parker. Hindi ko alam kung paano ito lumala ng ganito. Nagsimula lang 'to simula nung maging malapit kaming dalawa ni Quin. Siguro dahil nakakasama ko na iyong kaibigan ni Parker at nalalaman ko na kung ano ang mga nangyayari... Dati kasi kapag hindi kami magkasama at hindi ko alam kung nasaan siya, inaassume ko lang na baka kasama niya sina Archer. Sila lang naman kasi ang kaibigan ni Parker maliban sa mga teammates niya sa soccer. Pero ngayon, alam ko na kahit sina Quin ay hindi nila alam kung ano ang ginagawa ni Parker. And that fact was making me more doubtful than ever.

What was he really up to?

Busy. Reply ko sa kanya. Nagsabi lang siya na itext ko siya kapag tapos na ako sa kung anuman ang ginagawa ko. He's really nice to me. Medyo nakakapanibago but I needed someone like him right now. Kailangan ko lang talaga ng makakausap dahil baka mabaliw na ako kapag wala akong mapagsabihan ng mga naiisip ko. This—being without Parker—was nothing short of torture.

Wala pa rin ang mga groupmates ko. Malapit ko ng maubos ang cake na inorder ko. Nakatingin ako sa cellphone ko. I wanted to give in and text Parker. Gusto ko lang namang malaman kung ano ang ginagawa niya... What was he doing that he can't even see me? Ang huling kita namin ay noong bigla na lang siyang sumulpot sa townhouse na mayroong dalang dinner. Even that dinner was awkward in itself. Alam niya na hindi ako masaya sa mga ginagawa niya. He was making an effort to make us okay but it will never be enough. Hanggang hindi siya nagiging honest sa mga nangyayari, para lang kaming naglalaro. Laro na walang katapusan hanggang sa hindi niya sinasabi sa akin kung ano ba talaga ang nangyayari.

Ilang minuto pa ang lumipas nung dumating na sina Candy at Shiloah. They were talking about something and laughing.

"Hi! Sorry, medyo na-late," sabi ni Candy. She placed her bag on the empty sit. Tinignan niya si Shiloah. "Baby, iced coffee?" sabi niya sabay ngiti. Tumango lang si Shiloah at saka dumiretso sa counter. Bumaling na naman sa akin si Candy. "Hinintay ko pa kasi si Shiloah mula sa rehearsal."

Ah, oo nga pala. Kasama nga pala si Shiloah sa performance para sa university week. Gusto kong pumunta para mapanood si Shiloah... Bahala na nga. Next week pa naman iyon.