Alkia Kingdom: Beyond the Ranking Quest

Chapter 20: North Gate Keeper

UNEDITED. SORRY SA TYPOS. ENJOY READING!

DENISE

Hindi ko naisip na nagsisimula na pala ang lahat. We're just inside a game and we thought that everything that happens were just normal. We never thought that from this day forward, everything will drastically change our pace, lives and beliefs.

Tahimik na tinunton namin ang daan kahit hindi namin alam kung saan kami mapupunta. What gate would lead this path to? Iniisip ko ngayon ang ginagawa ni Sky. Nakilala na kaya nila si Ara? O hindi pa? Handa rin kaya sila sa pagsubok na ibibigay sa kanila? Sino kaya ang mapagtitripan ni Ara? Si Sky? I was totally distracted with the thoughts of him. I want to witness and see what Sky will do. What he can do? I wondered if he will dump Ara? I grinned. That will be entertaining. Bumuntong-hininga ako at napailing sa sarili. Hindi ko dapat iniisip si Sky ngayon. Tiningnan kong muli ang likod ni Fire. I should have been thinking about Fire. Hindi ko alam kung bakit siya nagkakaganito. He's acting weird. I should talk to him. Hindi ko dapat palipasin ang oras na hindi kami nag-uusap pero wala pa akong lakas ng loob.

Napansin ko ang malalim na pagbuntong-hininga ni Ice habang nakikipag-usap kay Fire. She was confused too while looking at her brother. Nakatagilid ang mukha niya dahil sa pagtingin kay Fire. Napapansin ko ang pagkunot ng noo at pagsasalubong ng mga kilay niya. Gustong-gusto kong alamin kung ano ang pinag-uusapan nila pero baka maabala ko lang sila. Baka lalong mawala sa mood si Fire. Baka masigawan na naman niya ako na hindi naman niya ginagawa noon. Wala kasi sa karakter niya. Naninibago ako.

Kumunot ang noo ko dahil naramdaman ko na naman na tila may sumusunod sa 'min. pasimpleng kinuha ko ang bow na nakasakbit sa likod ko. Tila mga anino silang nagtatago sa mga patay na puno. Bilog na bilog at malamlam ang buwan na nakadaragdag sa tensiyon sa paligid. Hindi ko alam kung sumisikat pa ba ang araw sa lugar na ito o pulos kadiliman na lang. Napansin ko ang mga anino nila na humahalo sa kadiliman ng gabi. I deduced that there were four secretly tailing us. All my senses were now alive for possible attacks.

Nagulat na lang ang mga kasama ko nang biglang nagsitalunan ang mga halimaw sa direksiyon namin. Hindi ko agad sila nabigyan ng babala. Hindi ko akalaing susugod agad sila. Agad akong nagpakawala ng mga palaso pero mabibilis ang mga galaw nila kaya nakaiwas sila. Maging ang mga kasama ko ay mabilis ding nakaiwas sa matatalim at matutulis na kuko ng mga nagtangkang umatake sa kanila. Tumigil naman sa pag-uusap si Fire at Ice at nakipaglaban din sa mga nagsulputang halimaw.

Apat na halimaw. Napansin ko ang makakapal at maiitim na balahibo niya. They were standing like human but their faces were covered with furs. Mapupula ang mga mata nila at may mahahabang pangil. Bigla kong naalala ang mga sinabi ni Ara. Beware of the wild beasts. Kung ganu'n ito ang tinutukoy niya. Mukhang hindi talaga magiging madali ang lahat para sa 'min.

Hindi na kami nag-aksaya ng panahon pa. Magkatulong sina Fire at Ice sa pakikipaglaban sa isang halimaw. Magkatulong naman si Angel at Scithe. There's two left so Phoenix and I decided to fight them one-on-one. Halos magkakatapat lang ang mga level namin. Level 65 ang mga halimaw na ito. Level 73 na ako. Level 60 plus na rin ang mga kasama ko kaya hindi na naman siguro kami mahihirapan.