/6/ Serenade

516K 17.9K 2.3K
                                    

"GOOD morning Morie!" kulang na lang ay mabasag ang mga bintana sa tinis ng boses ni Aya

Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.

"GOOD morning Morie!" kulang na lang ay mabasag ang mga bintana sa tinis ng boses ni Aya.

Balik na naman ulit sa ang sistema rito sa loob ng classroom, kagaya nitong maingay na pagsalubong sa'kin ni Aya. Pumasok na ko sa loob, sumunod naman siya sa'kin at sabay naupo sa kanya-kanya naming pwesto. Nagsimula na namang magdadakdak ng kung anu-ano si Aya, pero hindi ko naman siya iniintindi, sadyang ganun lang sya kadaldal at sanay na syang hindi ko siya pinapansin.

Minsan gusto ko siyang tanungin kung hindi pa ba siya nagsasawa sa kakadaldal, dahil nagmumuka lang siyang ewan kasi hindi ko siya pinapansin.

"Morie alam mo ba, ldkaasjldld, abalhaslkld hahaha, ajskajd, hahaha." Mas naiintindihan ko pa yung tawa niya kaysa sa mismong pinagsasabi niya, basta nagkukwento lang siya ng nakakatawang bagay na nangyari sa kanya kanina o di kaya'y may nakasalubong siyang gwapo o kaya naman may napanood siya. Random. Sobrang random ng kwento ni Aya, siguro tinitingnan niya kung saang topic ako magkakainteres kaya kung anu-anong topic ang binabato niya.

"Hoy Martinez! Pwede bang manahimik ka? Nakakairita ka, napakadaldal mo eh!" may sumaway sa kanya na kakapasok lang sa loob ng room, "Abot hanggang second floor yang boses mo!", si Roman Tadeo, counterpart ni Aya sa kaingayan, payat ito, matangkad, ang bagsak na buhok ay minsa'y nakababa o nakataaas, magulo. Napatayo naman si Aya.

"HOY KA RIN TADEO! ANONG NAKAKAIRITA KA DYAN?! NAGSALITA ANG HINDI MADALDAL!"

"OH SIGE, SINONG MAS MAINGAY SA'TING DALAWA?! PUTAK KA NG PUTAK, PARA KANG MANOK!"

"ANONG MANOK?! KAPAL MO TSONG. SA GANDA KONG TO, MUKA KONG MANOK? HUH!"

"HINDI KA BA KINIKILABUTAN SA MGA SINASABI MO? SAANG BANDA KA MAGANDA?!"

"Pareho kayong manok,"  nagsitinginan kami sa bagong dating na pumasok sa loob ng klase, si Senji Tamaki, taas-taas pa rin ang buhok at mas dumami pa yata ang benda sa braso at mga band-aid sa muka, he's the 'baddass gangster' type, at hanggang ngayon hindi namin alam kung talagang may lahing banyaga ang pamilya niya dahil nga sa kanyang pangalan. Mahigit isang linggo na siyang hindi sya pumapasok at himalang ngayon lang ulit siya nagpakita.

"SENJI MEN! BUHAY KA PA PALA!" masiglang bati ni Tadeo, sila-sila kasi ang magkakasama palagi.

"Oh, Tamaki, buti naisipan mo pang pumasok." biglang sumabat ang class representative, si Lord James Ireneo III, biglang tumahimik ang lahat at sigurado akong dahil 'yon sa nililikhang tensyon sa pagitan nila ni Tamaki. Matagal ng mainit yung dugo nila sa isa't isa. Isa pa, si Ireneo ang pinakamaimpluwensyang tao sa loob ng klase na 'to, kaya lahat ng sabihin nya ay pinaniniwalaan ng lahat.

 "Papasok ako kung kelan ko gusto." sabi nito at pumunta sa sariling pwesto, sinipa pa yung nadaanang bakanteng table.

"Omg, si Senji."

The Peculiars' TaleTahanan ng mga kuwento. Tumuklas ngayon