Wonderland Magical Academy: Touch of Fire (Cloak PopFiction)

Chapter 8: Friends?

XYRA

Lunes. Breaktime. Nakasimangot ako. Hindi pumasok si Clauss sa unang klase. Lagi siyang nagka-cutting. Buti hindi siya naki-kickout kahit hindi siya pumapasok. Sinabi ni Frances na bibili sila ni Wanda ng pagkain. Hindi na ako sumama. Napalingon ako sa puno na katapat ng room nila. Natuwa ako dahil naroon na si Clauss ngayon.

Ang cool ng pagkakahiga niya sa sanga ng malaking puno. Ang dalawa niyang kamay ang inuunan niya. Si Baby Clauss naman, natutulog sa tiyan ni Clauss. Nagdesisyon akong lumabas ng classroom at pumunta sa puno kung nasaan si Clauss. Malapit na akong makalapit sa puno pero biglang nagsalita si Clauss.

"What do you want?" tanong niya.

Napapitlag ako. Ang lakas ng pakiramdam niya. Napatingala ako sa itaas ng puno. Dahil hindi ko makita ang mukha ni Clauss, pinalutang ko ang sarili hanggang sa makita ko siya. Nakapikit siya. Si Baby Clauss naman, nagmulat ng isang mata at napatingin sa 'kin pero pumikit muli na parang walang nakita. Ang cute.

Makalipas ang ilang segundo, biglang nagmulat si Baby Clauss na tila nagulat at lumipad papunta sa mukha ni Clauss at doon dumapo. Takot na takot siyang napatingin sa 'kin. Ngayon lang nag-sink-in sa isip niya na ako pala ang nakita niya kanina. Natawa ako. Inis na nagmulat si Clauss. Inalis ni Clauss ang baby dragon sa mukha niya. Mukha tuloy kuting si Baby Clauss. Bumangon si Clauss. Binitiwan niya ang baby dragon. Nakangiti naman ako sa dalawa pero parehas silang nakasimangot at masama ang tingin sa 'kin.

"Why are you here?" inis na tanong ni Clauss.

"Wala naman. Bakit? Masama bang pumunta rito para makita ang isang kaibigan?" Nang-aasar kong sabi. Lalong nagusot ang mukha ni Clauss.

"We're not friends!" inis na wika niya. Seryosong tumingin ako kay Clauss. Hindi niya susundin ang deal namin? Inilapit ko ang mukha ko kay Clauss. Nakikipagtitigan siya sa 'kin. Wala kaming kurapan.

"I won the deal. Remember?" nanghahamong wika ko. Biglang tinakpan ni Clauss ang buong mukha ko. Dahan-dahan niyang inilayo ang mukha ko sa mukha niya.

"Don't come any closer or else I'll burn you to ashes," inis na wika ni Clauss.

Napalabi ako. Iniiwas ko ang mukha sa kamay ni Clauss kaya napatingin ako kay Baby Clauss. Ang cute niyang tingnan. Natakot naman si Baby Clauss sa 'kin. Pinisil-pisil ko bigla ang mukha ni Baby Clauss.

"Hello, Baby Clauss! Ang cute mo talaga. Friends na kami ng master mo kaya friends na rin tayo!" wika ko. Biglang bumuga ng apoy si Baby Clauss. Mahina pa rin ang naibuga niya kaya natawa ako.

"Baliw. Can't you just change his name? Huwag mong isunod sa pangalan ko," inis na wika ni Clauss.

Napatingin ako kay Clauss na namumula. Ano'ng problema niya? Galit ba siya? Siguro masyadong mainit ang fire ability niya kaya madalas siyang mamula? Cute naman ng name ng baby dragon. Baby Clauss? Parang junior lang. Saka mana naman kay Clauss ang baby dragon.

CLAUSS

Naaasar ako. Pakiramdam ko ay ako ang tinatawag ni Xyra kapag sinasabi niya ang pangalan ng baby dragon. She's pissing me off. Why do I find it sweet whenever she's saying that name? Dammit!

Nagtataka siyang tumingin sa 'kin. Makalipas ang ilang minuto, binelatan niya ako at umupo sa sanga. Tumabi siya sa 'kin. Nakaupo na ako dahil inistorbo niya ang pagtulog ko. Si Baby Clauss naman ay lumipad at dumapo sa ulo ko. Napabuntong-hininga ako.

"Bakit ba ang suplado mo? Ang cute naman ng name na iyon, ah. Baby Clauss. Bagay sa baby dragon mo," wika niya. Nakangiti siya sa 'kin habang sinasabi iyon. Nag-iwas ako ng tingin. Ang kulit talaga niya.