Just The Benefits (PUBLISHED)

Kabanata 50

#JustTheBenefits

Kabanata 50 

Kinabukasan, maaga akong nagising. Talagang sinigurado ko na naka-set iyong alarm ko kagabi dahil ayokong ma-late agad ako sa unang araw ng pasok ko. Kaya nga kahit nag-eenjoy ako na kausap si Mari, kinailangan ko agad na magpaalam sa kanya dahil kailangan kong matulog ng maaga. Natatawa pa rin ako kapag naiisip ko iyong mga bilin sa akin ni Mari. Kung makapag-fangirl ang isang 'yun, akala mo teenager pa!

Mabilis lang akong nag-ayos at saka kumain ng tinapay at gatas. Mabuti na lang din at medyo malapit lang dito iyong recording office kaya hindi ako masyadong maabala sa pagpunta roon.

After a few minutes, I was on my way.

'Wait,' Jas mouthed to me nung makarating na ako sa 7th floor lobby. Mukhang busy pa kasi siya at may kausap sa phone. Naupo na lang ako at tumingin sa mga naglalakad. Wala pang masyadong tao dahil nga Christmas vacation ng mga tao. Siguro iyong mga sobrang workaholic lang ang pumasok pa talaga despite the holidays.

"Sorry for keeping you waiting," sabi niya. I just smiled. Matagal na rin kasi akong walang ginagawa so I didn't mind anything that would keep me busy. Less idle time, less time for me to be thinking. Nakaka-stress pala talaga mag-isip—lalo na kapag overthinking. Para mong binabaliw ang sarili mo sa kakaisip sa lahat ng mga posibilidad.

"Marga's on her way. Sinundo lang 'yung alaga niya from voice lesson," she said and my forehead was in furrow. "Ah, sorry. Marga's the new manager you'll be assisting. You'll like her. She's just older than you by few years," she added but that didn't help my nerves. Kinuwentuhan kasi ako ni Mari kagabi na masungit daw ang karamihan sa mga managers kaya kabahan na raw ako. Matapang naman ako pero madali talaga akong maiyak kapag sinisigawan ako lalo na kapag in public. "Would you like some coffee, tea, juice, or water?"

I gently shook my head.

Iniwan ulit ako ni Jas dahil may kailangan siyang kausapin. Mukhang tungkol na naman kay Kyle Mendes. Palagi na lang kapag pumupunta ako rito, siya ang pinag-uusapan... Sabagay, hindi ko naman masisisi kung siya ang bukambibig ng mga tao rito. Siya kasi ang pinaka-sikat na singer ngayon sa Pilipinas. Pati mga endorsements, siya rin ang pinaka-mabenta ngayon. No wonder lahat dito siya ang priority.

I was fiddling with my phone when I felt the door swing in. Napatingin ako roon at may nakita akong babae na pumasok. She was sporting a ponytail at naka-suot ng casual white shirt at black pants. She looked so bubbly.

Pagkatingin niya sa akin, napakunot ang noo niya. Lumabas siya ulit at saka chineck iyong name ng room na pinasukan niya.

"Excuse me," she said. "Who's your handler?"

"Po?"

"May meeting kasi kami rito with Jas, e," she said but that didn't answer my question. Mabuti na lang at pumasok na si Jas. "Jas! Akala ko sa Acacia 'yung meeting?"

"Yes. Bakit?"

"You mean siya 'yung mag-aassist sa akin?" she said while pointing at me. Tumango naman si Jas. At ako? Nakakunot pa rin ang noo. "Sorry, akala ko talent ka kanina," she said and then extended a hand. "I'm Marga nga pala. You're Imogen, right?"

I nodded and smiled. Tama nga si Jas, mukhang makakasundo ko si Marga.

We exchanged pleasantries hanggang sa magpaalam na si Jas sa amin dahil may aasikasuhin pa raw siya about Kyle. When Jas left the room, biglang kinulit ako ni Marga.

"Single ka?"

"Po?"

"Naku, 'wag ka na ngang mag-po sa akin! 23 pa lang ako!" she exclaimed. "Ikaw, ilang taon ka na?"