My Bastard Ex (Published Under LIB BARE)

chapter 9

Enrique pala ang pangalan ng daddy ni Reghie at hindi Ramon.  Saan  ko  ba  napulot  ang  ramon?

Dahil nakisama ang net ngayon, makakapag-update ako.. Happy New  Year everyone!!!!!

____ 

GULONG-GULO si Reghie at hindi alam ang gagawin. Ayaw na niyang magkaroon pa sila ng ugnayan ni Matthew pero ang plano niyang itago ang katotohanan ay hindi nangyari. Si Amira ang may gawa n'on panigurado. Walang ibang nakakaalam ng kototohanan bukod sa kanilang magkakaibigan kundi ang kapatid niya. Hindi pa niya ito nakakausap. Talagang iniiwasan niya itong 'wag munang makasalalubong dahil baka kung ano ang magawa niya. Pati ang trabaho niya ay hindi niya magawang maayos dahil sa kakaisip. Walang idea'ng pumapasok sa utak niya para sa susunod na campaign na gagawin. Ito sila ngayon sa meeting room kasama ang buong creative team pero wala siyang maiambag na kahit isang idea man lang.

Napapikit siya sa pagkagulat nang bigla na lang may bumagsak sa harapan niya. Isang white folder.

"Your team was so stupid!" Muli siyang napapikit nang marinig ang galit na boses ni Amira. Tiningala niya ito. Agad na umalsa ang inis na nararamdaman niya para dito.

"Your idea was rejected. Ito na lang gagawin mo hindi mo pa magawa nang maayos! Naka-close ka lang kasi ng isang account akala mo ang galling-galing mo na. Eh kaya lang naman pala in-approve ang idea mo dahil ex mo si Mr. Del Prado. Ang stupida mo!" Muling sigaw ng kapatid niya.

Marahan niyang namasahe ang sintido niya na tila ba puputok ang ulo niya dahil sa tindi ng galit na nararamdaman niya ngayon para sa kapatid. Ang mga tao naman sa loob ay walang imik na nakamasid lang sa kanilang dalawa. Tumayo siya mula sa pagkakaupo at hinarap ang kapatid.

"You approved it. Kung sa tingin mong hindi maayos ang gawa namin bakit mo inaprobahan? I was confidently that our works are great. Baka naman kasi hindi maayos ang presentation mo kaya na-reject. Baka sa 'yo ang mali at hindi sa amin." She was assigned to do the presentation but Amira took her place.  Hindi  na  siya  umalma  pa  para  walang  gulo.  Ang  junior  copy  writer  lang  niya  ang  nag-inform  sa  kanya  na  si  Amira  na  ang  mag-pe-present.

"Ang taas nang tingin mo sa sarili mo! Isa ka lang namang creative director."

"Without creative department, there's no agency. Baka nakakalimutan mo na sa amin nagmumula ang lahat para makakuha ng kliyente ang kompanyang 'to. God Amira! Bakit ba galit na galit ka sa 'kin? Wala ka talagang respeto! I'm still your sister."

"Why would I respect you? Eh hindi ka naman karespe-respeto. Isang dalagang ina na iniwan ng nakabuntis. Such a disgraceful bitch!" Isang malakas na sampal ang ibinigay niya dito na ikinatigalgal nito. Sapo ni Amira ang pisnging nasaktan.

"Ikaw ang nagsabi kay Matthew diba? Dahil sa ginawa mo siguradong mas lalo niya akong hindi titigilan. 'Wag na 'wag kang magkakamaling sabihin sa kanya ang tungkol sa amin ni Russo dahil sisiguraduhin ko sa 'yong hindi lang 'yan ang gagawin ko sa 'yo?! Don't push me to the wall!" halos umalingawngaw ang boses niya sa buong silid. Ang mga naroroon ay gulat na gulat naman na halos nagkumpulan na sa gilid ng silid na 'yon.