{ TBUP -15: Back to Normal }

619K 12.6K 2.7K
                                    

{ TBUP –15: Back to Normal }

 

 

 

Pwedeng makiupo?” Tanong ni Carmeen sa akin. Tinignan ko lang siya ng masama at bumalik sa pag-inom ng juice ko, “H-Hindi mo pa ako sinasagot.

Hindi sa akin ang canteen kaya pwede kang umupo kung san mo gusto.” Tapos inirapan ko siya.

Hindi sa ayaw ko siyang patawarin, gusto ko pero hindi pa ako handa. Sa totoo lang? Itong pagtataray ko sa kanya eh labag sa kalooban ko. Ang sakit-sakit para sa aking pagsalalitaan siya ng mga ganito. Pero anong magagawa ko? Sinaktan niya ako eh, alangan naman na kalimutan ko lang iyon.

Bahala na kung kailan ko siya kakausapin ulit. Pwedeng bukas, sa makalawa, o pwedeng hindi na.

Umupo siya, “Mag-usap naman tayo oh. Please?” Pakiusap niya sa akin.

Iniiwas ko ang tingin ko sa kanya dahil baka hindi ko mapigilang mapaiyak, “Nag-uusap naman na tayo ah.

Ericka, sorry na.” Hinawakan niya ang kamay ko.

Sorry na? Sa tingin mo ba Carmeen robot ako? Sana nga robot na lang ako para hindi ako nasaktan sa ginawa mo sa akin.” Inalis ko ‘yung kamay ko mula sa pagkakahawak niya, “Huwag ngayon, please. Huwag ngayon.” Tumayo na ako at naglakad papalayo sa kanya.

Sabihin niyo ng matigas ang puso ko, hindi ko lang talaga kayang humarap sa kanya ngayon. Masakit pa eh.

--Carmeen’s Pov--

 

 

Ayaw pa rin akong kausapin ni Best. Haaay, mapapatawad pa kaya niya ako? Miss na miss ko na siya. Ilang beses ko na siyang tinetext pero no reply, tinatawagan ko rin siya pero palagi niyang nire-reject. Ayaw na ba talaga niya sa akin?

Best friend ko siya simula nung grade three kami. Kahit nga sa Hope Academy talaga ako mag-aaral eh talagang umiyak ako ng dugo sa harapan ng mga magulang ko para lang payagan nila akong dito pumasok kasi nandito si Best.

Noong nag-break sila ni Chron, naging ganyan na si Best. Nagsimula na ‘yang manghula ng break-ups. Nagtataka nga ako kung paano niya ‘yun nagagawa eh. Ang galing niya! Pero kung gaano siya kagaling, ganun din kagaling ang mga napapagbreak niyang i-hate siya. Lahat sila halos patayin si Best sa tingin. Lagi siyang sinisisi, eh palagi niya namang sinasabi, “Hindi ko naman sila inutusang magbreak, hinulaan ko lang.” May punto nga naman si Best.

Nung mga sandaling iyon, hindi ko siya iniwan. Hindi ako natakot sa kanya kahit may boyfriend ako nung mga panahong iyon (si Elzid) alam ko naman kasing hindi niya kami huhulaan eh. Hanggang sa isang araw, hinulaan niya ‘yung break-up namin, kesyo raw may ibang babae si Elzid. Well, totoo kaya nga kami nag-break ni Elzid nun eh.

The Break Up Planner (Published Under Pop Fiction)Tahanan ng mga kuwento. Tumuklas ngayon