The Break Up Planner (Published Under Pop Fiction)

{ TBUP -33: NEW ERA }

{ TBUP –33: NEW ERA }

 

 

 

 

 

--Psyche’s Pov--

 

Augh. March na pala, tapos na ang graduation. Bakasyon na ang aatupagin namin. Back to boring life na naman. Tss…

Kamusta na kaya si Ericka? Saan kaya ‘yun magbabakasyon?

Huling kita ko kasi sa kanya eh nung napadaan ako sa tapat ng bahay nila. Sakto ngang nagbabalot sila ng mga damit eh. Wala lang, nginitian niya lang ako. Pero alam ko naman sa sarili kong peke lang ‘yung ngiting ‘yun.

Sino ba namang babae ang ngingiti sa’yo ng ganun sa kabila ng ginawa mong katarantaduhan? At sa tipo ni Ericka, hindi siya ganun. Kapag sinaktan mo siya at sinira ang tiwala, baka kahit iligtas mo ang buhay niya ng ilang beses eh siguro papasalamatan ka pero hindi ka ngingitian.

Ang tapang talaga ng babaeng ‘yun. Leon talaga eh.

Wala talaga akong magawa sa buhay ko. Tawagan ko na lang kaya si Irish? Tutal, wala akong magawa eh ‘di dalhin ko na lang siya sa Boracay.

Sa place kung saan naging kami ni Ericka…

Putangina nu? Ako ‘yung nakipagbreak pero hindi maalis sa isip ko. Ewan ba, gusto kong magsisi pero sorry… matagal ko nang nagawa.

Gusto niyo bang makarinig ng trivia? Lol. Pero gusto niyo bang makarinig ng kwento? I mean –sikreto? Sige.

“Sht mahal ko pa eh.”

 Napabuntong hininga na lamang ako sa katotohanang ‘yung babaeng pinakawalan at ginagago ko, mahal ko pa. Ang tanga ko eh nu?

Totoo, nagsawa ako, napagod ako sa kaka-effort at naghanap ako ng iba. Testing lang baka sakaling mahanap ko ‘yung effort na hinahanap ko kay Ericka –at unfortunately eh nahanap ko nga sa isang Irish Ventura. Palagi kasi siyang nandyan kapag namomroblema ako kay Ericka. Kapag nalulungkot ako kasi hindi man lang niya makamusta ‘yung practice ko or ako. Hindi niya man lang masabing mahal niya ‘ko pampagaan lang ng loob ko.

Akala ko nga eh hindi ko na mahal. Feeling ko kasi masaya na ako kay Irish pero nung nawala siya? Tangina masakit pala? Na-caught in the act ako eh ‘di panindigan. Sabi ko sa sarili ko, kapag wala siyang ginawa para manatili ako or bumalik sa kanya kakalimutan ko na talaga siya.

Pero ayun nga, may ginawa siya. Ilang beses niya akong hinabol, she even told me to hold on to her. Sabi ko sa sarili ko, ‘wow effort ‘to’ pero nung naalala ko ‘yung itsura niya nung nakita niya kami ni Irish sa gym? Nung naalala kong sobra ko siyang nasaktan? Nakonsensya ako. Natakot ako na baka isang araw, kapag naging kami ulit eh magawa ko na naman ‘yung katarantaduhang ‘yun sa kanya.