Dealing with My Ex's Twin (Published under RedRoon)

Chapter 15

Paano po kayong nalilito sa pagkakasunod-sunod ng chapter? Parang maayos naman ang pagkakasunod-sunod sa 'kin. 

___

"OH!" Red groaned in frustration upon hearing Rostov's explanation kung bakit ito parang laging tulala at malalim ang iniisip. Napansin iyon ni Red at hindi niya ito tinigilan hanggat hindi napapaamin sa kung ano ang bumabagabag dito. Nalaman niyang alam na pala ni Donya Conching na hindi siya si Ayanna sa unang araw palang ng pagdating niya sa mansiyon.

"God! Nakakahiya kay lola." Tumayo si Red mula sa pagkakaupo sa kama.

"Kakausapin ko si lola at hihingi ako ng tawad sa kanya."

Lumabas si Red ng silid at tinungo ang silid ng donya. Itinaas niya ang nakakuyom na palad nang nasa tapat na siya ng pinto. Huminga muna siya nang malalim bago kumatok. Ilang sandali lang ay bumukas iyon.

"Red, hija, may kailangan ka?" nakangiting bungad sa kanya ng donya.

"Lola." Agad niya itong niyakap.

"I'm sorry po."

"Sinasabi na ba sa 'yo ni Rostov?" tanong nito at hinaplos ang likod niya. Bumitaw mula sa pagkakayakap si Red at tumango.

"Lola, I'm sorry po talaga."

Ngumiti ito at naglakad patungo sa kama. Tinulak niya pasara ang pinto at sumunod sa matanda. Umupo ito at pinaupo naman siya nito sa tabi.

"Huwag mong alalahanin iyon. Ang totoo ay natutuwa ako na sinira mo ang kasal ng dalawa. Ang sama ko!" Tumawa ito sa sariling sinasabi at maging siya ay napangiti.

"Pero alam ko kasing hindi mahal ni Rostov si Ayanna. Ginawa lang nitong magpakasal dahil sa mana at kasalanan ko iyon. Na-pressure siguro at hindi ko man lang naisip na magiging padalusdalos ito. Kung natuloy ang kasal nila alam kung pagsisisihan lang nilang pareho iyon balang araw. Ang gusto ko lang ay ang mapabuti ang apo ko. Gusto ko ang mapapangasawa niya ay iyong aalagaan siya at mamahalin ng totoo."

Ginagap ng matanda ang kamay niya at pinisil iyon.

"Red, hija, ang isang katulad mo ang nababagay sa kanya. Hindi naging masaya ang kabataan niya. Simula ng mamatay ang papa niya at iwan siya ng kanyang mama ay hindi ko na nakitang naging masaya ang batang iyan until you came. Iba ang ningning sa mga mata niya. Mahal ka niya, Red."

Red sighed. Donya Conching was jumping into conclusion. Gusto siya ng matanda at gusto nitong mapaligaya at mapabuti si Rostov kaya naman gagawin at sasabihin nito ang lahat. Kahit ang sabihin pa nitong mahal siya ni Rostov. Kung tutuusin ay may relasyon na naman talaga sila ng binata at alam niyang gusto siya nito pero 'mahal' imposible.

"Matanda na po si Rostov at alam na niya ang makakabuti at makakasama para sa kanya, lola."

Ikinumpas ng donya ang kamay sa hangin.

"Muntik na ngang magpakasal sa babaeng hindi niya mahal at sapilitan kang dinala rito para magpanggap na asawa niya 'di ba? Ngayon mo sabihin sa akin na alam niya talaga ang ginagawa niya." Marahang natawa si Red. May point nga ito. Garapalan nga kung magdesisyon si Rostov.