Soulbound

Soul 48: Sacred Temple

"And the easiest escape is death..."

AVERY

Dalawang araw rin bago narating nina Verone at Zirrius ang Elfania. Mula sa mataas na kabundukan, natanaw namin ang malalaki at matataas na tarangkahan na gawa sa bakal, ginto at bato na nakapalibot sa buong Elfania. Verone and Zirrius crossed mountains and rivers just to reach this place. Just to reach my home. Finally.

Nakikita ko na ang gintong gate na mahigpit na binabantayan ng mga kawal na Asterian. Natatanaw ko na rin sa malayo ang palasyo na nasa pinakagitna ng buong imperyo. Ito ang pinakamataas sa lahat ng lugar. The palace was still mightily and elegantly standing, overlooking the whole land. Malawak ang nasasakupan ng Elfania. Binubuo ito ng tatlong kaharian na pinag-isa na lang. Ito rin ang pundasyon ng lahat ng Elven Kingdoms sa bahaging ito ng mundo. Exether. Ynaris. Ameya. Lemshys. Augury.

Sa kasamaang palad, napasok na pala ni Severus ang ilang bahagi ng Elfania bago siya nagpasyang lumusob noon kaya wala kaming nagawa sa digmaang sinimulan niya. And now, I would retrieve everything from him. Hindi ko na hahayaang sirain niya ang teritoryo ko. Natanaw ko rin sa malayo ang pinakamalaking templo sa Elfania na halos kapantay lamang ng palasyo sa kanang bahagi.

I was glad its beauty was still preserved. Halos mapasinghap at mapaiyak ako nang matanaw ko rin sa malayo ang mga nasasakupan ko na walang awang hinahagupit ng mga Asterian gamit ang kanilang mga matatalim na latigo. They were forcing my people to work on the fields and build some lavish infrastructures. Mukhang inangkin na talaga ni Severus ang buong Elfania. Ginagawa lang niya kung ano ang gusto niya. I would surely make him pay for this.

Nagtaka ako nang mapansin na walang tower na itinayo si Severus sa Elfania. Hindi ko tuloy alam kung para saan ang mga tower na itinatayo niya. Ano ba talaga ang plano niya?

"Kailangan nating umikot," seryosong saad ni Verone. Tahimik na tumango lang si Zirrius. I could feel his heart hammering inside his chest. Halatang habang papalapit siya nang papalapit sa Elfania, lalo siyang kinakabahan. I hoped we were really lucky to be able to retrieve my body. Sana walang aberyang maganap sa misyon namin pero alam kong imposible 'yon.

Sinundan ni Zirrius si Verone. Tinunton nila ang mabatong daan sakay ng kani-kanilang kabayo pababa sa kabilang bahagi ng kabundukan. Mabuti na lang, walang mga Asterian na naglilibot sa parteng ito dahil may kalayuan pa ang kinaroroonan namin mula sa Elfania.

Nang malapit na sila sa gilid na parte ng Elfania, bumaba na si Verone sa kanyang kabayo. "We'll walk from here," seryosong sambit niya. Walang nagawa si Zirrius kundi bumaba sa kabayo niya. Itinali niya ito sa isang puno. Naglakad sila patungo sa mataas na batong pader na nakapalibot sa buong Elfania.

May malinis na ilog na dumadaloy sa gilid nito. I could see that water was flowing from a tunnel. It was the sewage's underground tunnel. I thought Verone discovered a better passage. I thought it would be something fancy and magical but I was quite wrong. Pero mas mabuti na ito kaysa wala. Inutusan niya si Zirrius na alisin ang bakal na nakaharang sa lagusan.

Hindi makapaniwalang tiningnan ni Zirrius si Verone pero hindi siya nagsalita upang magreklamo. Bahagya lang siyang umiling at sumimangot. Ngumiti lang nang matamis sa kanya si Verone na tila nang-aasar. Verone was ordering Zirrius around for three days now.