Vampire City: Not Your Ordinary Vampire Story

Chapter 31 - First month of Love

Chapter 31

Ingrid's POV

"HIWALAYAN mo siya Ingrid." Ang bungad sa akin ni Dady nang makapasok ako sa study room niya. After umalis ni Hansel ay pinatawag niya ako.

"Ha? Ington, bakit? Mabait na bata si Hansel." Pagtatanggol ni Mommy kay Hansel.

"Daddy, don't do this, please. I love Hansel." Naiiyak kong sabi. Nakatayo lang si Daddy sa may bintana at nakatanaw sa malayo.

"Akala ko ba Ington nagkasundo na tayo na tatanggapin natin kung sino man ang mamahalin ng anak natin?!" Galit na sabi ni Mommy kay Daddy.

"Hindi kayo puwede ng Hansel na 'yon. Ngayon pa lang itigil mo na 'yan Ingrid. Kapahamakan ang dulot sa'yo ng nilalang na 'yon!" Galit na sabi ni Daddy.

"Ano ba'ng alam mo sa kanya, Ington?! You didn't even give him a chance to explain. Hansel is a nice boy,"

"Wala kang alam Rida! At ikaw Ingrid, sundin mo ang Daddy. Maniwala ka sa akin, please." Tinignan ako ni Daddy sa mata at nakikiusap ito. Napailing naman ako.

"No, Daddy. The last time I did that, I almost marry a crook! What made you think Dad, na tama ka this time? Akala ko nagbago ka na. Hindi pa pala." Patuloy ang pagdaloy ng luha ko sa pisngi. Kahit ano'ng sabihin ni Daddy hindi ko hihiwalayan si Hansel. Mahal na mahal ko siya.

"Listen to me, my Princess. He's not what you think he is. He will bring chaos to your life, Ingrid." Malumanay na sabi ni Daddy sa akin.

"You don't know him enough, Daddy. Stop judging people by your perspective. He was always there for me noong mga panahon na wala ako rito."

* * *

This feeling is like a de javu. Ganito rin 'yong naramdaman ko no'ng nagdesisyon si Daddy na ipakasal ako sa lalaking hindi ko mahal. But today is much worst kasi gusto niya akong palayuin sa lalaking mahal na mahal ko.

Kahit namamaga ang mga mata ko ay pinilit kong pumasok sa school. Naglagay na lang ako ng bb cream para hindi halata.

Hindi ko nga alam kung paano ko sasabihin kay Hansel ang sinabi ni Daddy. Ang hirap kapag ganito ang sitwasyon.

Pumasok ako sa klase ko at nagulat ako nang may nag-abot sa akin ng isang piraso ng pulang rosas. May maliit na note na nakasabit kaya agad ko itong binasa.

To my lovely friend, Ingrid. Have a nice day. Keep smiling.

--Drake.

"Galing kay Drake?" I muttered. Paano niya nalaman na dito ang room ko? At paano niya nalaman na dito ang school ko? Great! He follows me everywhere.

Inipit ko ang red rose sa libro ko kasama ng card nito. Sana lang hindi 'to makita ni Hansel. Mamaya pag-awayan pa namin. Hindi ko pa nga nasasabi sa kanya na kinausap ako ni Drake, eh.

Kahit occupied ang isipan ko dahil sa problema ay sinubukan ko ring maging active sa klase. Nag participate ako para lang makalimutan sandali ang problema.

After ng last subject ko sa umaga ay pinuntahan ko si Hansel sa building nila. Naabutan ko siyang nakasandal sa may railing ng corridor habang bumu-buo ng Rubik's cube.

"Hansel!" tawag ko sa kanya. Agad naman siyang napangiti nang makita ako.

"Tapos na klase mo?" tanong niya nang makalapit ako.

"Oo. Half day lang ako. Ikaw?" tanong ko sa kanya. Napatingin ako sa Rubik's cube at ang bilis ng mga kamay niyang gumalaw kahit hindi tumitingin.

"May hinihintay pa kaming subject," sagot niya. Mukhang hook na hook siya sa nilalaro niya.