She had lain awake the whole night, reliving the event in her mind. Hindi niya alam kung anong oras siyang dinalaw ng antok pero sigurado siyang bukangliwayway na. Iinom sana siya ng gatas para mas mabilis makatulog pero napurnada dahil kay Falcon. Ito rin ang dahilan kung bakit siya napuyat. Kung bakit ba naman kasi napagkamalan siya nitong si Harper. At siya naman ay aanga-anga na sa halip na ipaalam kay Falcon na hindi siya si Harper ay nanigas na lang siya sa kanyang kinatatayuan lalo na nang halik-halikan siya nito. At hinayaan pa niyang hawakan siya sa parte ng katawan niyang buong buhay niyang pinakaingatan.
"Back to earth, MM!" Harper's voice shocked her out of her trance.
"Ha?"
"I've been talking and talking pero parang wala akong kausap." Nakanguso nitong reklamo.
"Sorry. Ano nga ang sinasabi mo?" Bumuntong-hininga ito at medyo inirapan siya. Kasalukuyan silang nasa sasakyan ni Harper, pumuntang location shooting para sa pelikulang ginagawa nito.
"You look sleepless today. I'm guessing you've been thinking of this particular someone last night." Nanunuksong tanong ni Harper. Pangiwi siyang ngumiti.
Ang boyfriend mo!
"Wala. Ano nga ulit 'yong sinasabi mo?"
"Si Falcon." Mabilis siyang nag-iwas ng tingin nang marinig ang pangalan ni Falcon.
"Kagabi kasi. . . He was asking me to marry him." Mabilis niyang ibinaling ang tingin kay Harper pabalik.
"Nagpropose siya sa 'yo?"
"Parang gan'on pero parang hindi. Parang napipilitan lang din. Ni wala ngang singsing. Like helllo, after. . ." Tumigil ito sa pagsasalita, tumingin muna kay Mang Ross, ang personal driver ni Harper at muling ibinalik ang tingin sa kanya saka pabulong na itinuloy ang kuwento.
"After we make love saka nagsabing magpakasal na kaya kami."
"Eh, ano'ng sabi mo? Pumayag ka?"
"I don't feel like getting married for now and and the motherly-instinct doesn't kick in. I can't imagine myself carrying a child for nine months and to be a full-time mom."
"But children are worth giving up our lives for."
Umirap sa hangin si Harper.
"Not me. I work hard para marating kung nasaan man ako ngayon at hindi ko 'yon sasayangin. At alam ko naman na hindi pa rin handa si Falcon na magsettle down. Nape-pressure lang siya sa pamilya niya dahil gusto na ng mga magulang niyang magkaroon ng apo."Hindi niya masisisi si Harper na tanggihan si Falcon lalo't nakasagsagan ito ng kasikatan. Bata pa lang si Harper ay pinangarap na nitong maging isang artista. Iyon ang lagi nilang nilalaro. Sikat na artista si Harper at siya naman ay aarteng personal assistant nito o di kaya naman ay isang host. Sino ang mag-aakalang mangyayari iyon. Sikat na ngayong artista si Harper at siya naman ay isang dakilang alalay nito.
Masyadong gutom si Harper sa kasikatan kaya naman ginagawa nito ang lahat na maaring gawin para makilala sa mundo ng showbiz. Isinumpa pa nitong darating ang araw ay siya na ang magiging bida sa mga teleserye at pelikula. Magiging in demand na endorser at natupad nga iyon.
Lagi siyang kasa-kasama ni Harper sa mga VTR nito. Magkasama silang lumaki. Stay-in maid ang kanyang nanay sa mansiyon ng mga Santibañez hindi pa man siya nagkakaisip. Since kasama siyang nakatira sa bahay ng mga ito ay maaari na rin siyang ituring na katulong. Nagkaisip siyang sa mansiyon na ng mga Santibañez nakatira. Scholar din siya ng eskwelahang pag-aari ng mga Santibañez.