يا احلى نوبات جنوني

السابع

طبگت يم مطعم گلتلي شو وگفت گتلها اليوم ارتاحي لتسوين عشا راح اجيب مشاوي نزلت
جبت مشاوي .......من وصلنا للبيت لگينا بيت عمي يمنا بقيت گاعد وياهم وامي وابويه فاتحوا عمي علمود المشايه
واذني يم التلفون والله ورا اكثر من ساعه دگ گتلهم من رخصتكم دخلت للصاله شلت السماعه الو
الو
علاء:اتفاجئت مو رفل صوت ثاني گلت منو
ود:هلو نسيت صوتي بسرعه اول البارحه بقينا شكد نسولف بالعرس
علاء:ود اخت مهند
ود :اي شو ما رديتلي خبر شوكت عندك مجال
علاء:والله هالايام صعبه عندي ارتباطات بس يصير عندي مجال انطي لمهند خبر
ود:لا اتصل عليه مهند ينسى عدكم كاشف طلعلك الرقم
علاء:اي طلع /بس بداخلي لو اموت ما اسويها واخابر على اخت صديقي من ورا
ود :علاء من يصير عندك مجال نكدر نخلي الدرس بالجامعه تجيني لهناك
علاء:الله كريم بعدين نتفق بس هسه اعذريني لازم ننهي المكالمه يمنا خطار ومنتظرين تلفون مهم
ود: اوه اخذ واحتك متأسفه اتصلت بوقت غير مناسب مع السلامه
علاء:لا ماكو داعي للاسف مع السلامه
خليت السماعه بس قلبي حس رفل دكت والتلفون مشغول
دكيت عليها اتأكد اذا طلعتلي احجي واذا غيرها اسده
دكيت جاوبتني الو
علاء:رفل دگيتي .......جاوبتني لا هسه اجيت دا اتصل وانت دكيت بس ليش دتسأل
جاوبتها مو جان التلفون مشغول
سألتني انت شاغله لو احد بالبيت گتلها لا اني شاغله
رفل :علاء انت هم عندك علاقات وسوالف بنات
علاء:لا ماعندي وانت ِ اول وحده احجي وياها بتلفون وحتى تعرفيني ما اكذب قبل شويه جنت احجي ويا ود اتصلت
تريدني ادرسها
رفل : جاوبته ليش اكو تواصل بيناتكم
علاء:لا هاي اول مره احجي وياها هي اتصلت
رفل :واتفقت وياها على موعد
علاء:لا حبيبتي هسه ممتفرغ لغيرج اريد اتمم كلشي وراها اشوف شوكت عندي مجال امرلهم للبيت
رفل:بس هي تكدر تستعين بأساتذتها اذا تروحلهم ميردون احد
اني دائما اروح على استاذ ماده عدنا صعبه يدرسني
علاء: شكد عمره
رفل :تقصد الاستاذ //اي//ما ادري بالضبط بس هو من عمرك او شويه اكبر بس كلش محترم
علاء:رفل شوكت راح تجين يمي ترى هوايه منا لحد متتخرجين
رفل:شو بديت تذمر
علاء:رفل اني مو صغير اريد بسرعة نتزوج ويصير عدنا طفل
رفل :بس اني اريد اتعين گتلك السبب ما اريد رأسا جهال
علاء: لا حبيبتي اني اريد جهال عود امي تربي من انت اداومين
اريد طفل يشبه بنان بت رشا من خليتها بحضني حنيت للجهال
عندي فهد ابن اخويه هذا روحي وهو هم مقشمرني من يجون يمنا ينام بصفي ويبقى ملازمني الى ان يرجعون لبيتهم
رفل :اني هم بنان احسها بنتي مو بت رشا هم ما افارگها
علاء:من تجين يمي بعد متفكرين بأحد غيري اريدج الي وحدي
رفل:ان شاء الله يله تصبح على خير
علاء:وانت من اهله

ورا يومين رحنا مشايه وخطبت رفل بيومها مكدرت احجي وياها حتى بالتلفون
بس اتفقت ويا منير باجر نطلع سوا
ثاني يوم الجمعه
مريت عليها اخذتها لأبو نؤاس بالطريق گتلها رفل لتبقين خجلانه مني ترى اني منتبه عليج بالتلفون بس اكلج احبج لو اجيب سيره االزواج تنهزمين
مجاوبت بقى خجلانه وصلنا بقينا بالسياره ننتظر منير وريا
انداريت عليها گتلها راح تبقين ساكته
جاوبتني افتح موضوع واحجي ........ لزمت ايدها گتلها اريد اكطع مهر هالاسبوع حتى اكدر اشوفج شوكت ما اريد
رفل : مو اليوم طلعنا اهلي ما اعترضوا واذا تمر يمنا هم ميمانعون
علاء:حبيبتي لان منير وريا ويانا ابوج قبل واذا امر يمكم راح يگابلوني ويكعدون ويانا مثل البارحه ورا ما طلعوا الزلم
من تصيرين زوجتي بعقد ناخذ راحتنا اكثر اكدر ابقى يمكم وانت هم تجين يمنا
ضحكت وتباوع على شباك الباب مالتي انداريت شفت ريا واگفه تضحك فتحت الباب
نزلنا سلمنا ورحنا نتغدا خلال الغدا فاتحت ريا ومنير بموضوع المهر وردتهم يرجعون ويانا لبيت رفل حتى تساعدني ريا تقنع اهلها
وصدك گطعنا مهر ورا اسبوعين اول فتره عمي شلع قلبي ميقبل اطلع وياها الا ويانا احد ومن اروح اشوفها يبقون كاعدين ويانا واني من شفته هيج محافظ استحي اگله اريد اخذها يمنا للبيت..... ورفل تستحي من ابوها من تشوفه موجود بالمكان الي اني بي تكعد بعد امتار ومرات تبقى ويا امها بالمطبخ
لو ويا بت رشا تلهي نفسها ..........ورا فتره من شافتني اتذمر يوميه بالتلفون گلتلي تعال عليه للكليه نكعد سوا وحدنا اخر شي طگيتها گتلها بالكليه شنو ابوسج كدام العالم
هي ضحكت گلتلي هاي انت ضايج علمود هالشي اتحمل الى ان نتزوج ........طبعا خلال هالفتره صارت ميانه بيناتنا ورا ما عقدنا
جنت اقضي الليل كله وياها على التلفون ولساني طلع كل المشاعر المكبوته مال سنين .......خليتها تتعلق بيه لدرجه اذا ما امر يمهم حتى لو من الباب بس مجرد تشوفني .....تزعل ........اني هم عقلي كله يمها مرات بنص الشغل من اطخ عندي واريد اشوفها اروحلها للكليه لو لبيتهم .....بهالفتره الورشه عفتها لاخوتي واشتغلت ابيع واشتري سيارات بالمعارض بمكتب جماعه والله فتحها بوجهي و ....خفت مشاغلي
طبعا صرت عديم الاحساس ويا عمي ابو رفل ردت افرض نفسي عليه وافهمه هاي مرتي شوكت ما اريد اشوفها
صرت يوميه امر يمهم عمتي المره هي مرات تخابرني تعال اتغدا ويانا لو اتعشى لو من يجي منير وريا يخابروني
نلتم هو حقه ....بس اني هم مو بيدي احبها لمرتي وماطول ميقبل نتزوج الا ورا متتخرج يتحمل
منير من يسمعني اسولفله يگلي انت هسه زين اني جان ميقبل اجي للبيت بس بالاعياد والمناسبات واهلي ويايه
طبعا ريا اكيد وصلها الحجي من منير لان صرنا كل ما نجتمع تبقى تباوعلي وتضحك من تشوفني اضرب صفنات على رفل
طبعا هم البنات ريا ورشا بحكم متزوجات شويه اريحيات ومارين
بهالمعاناة ويا رياجيلهم
اني هم بديت امون عليهن فد يوم جان خميس اني يم بيت رفل مجتمعين ورا الغدا ....گتلها لريا بالضحك ابوج لشوك يفك
ويخليني اشوف دربي ويا المره مسوي عليه حصار
ضحكت گلتلي ميفك الابيوم العرس .....گتلها حلو يعني يجبر الواحد ميمشي عدل
خلص اليوم تاخذين مرتي وياج تبات يمكم .....وباجر امرلها اخذها لبيتنا امي يوميه تگلي جيبها تتغدا ويانا حتى استحي اگلها ابوها ميقبل
ريا اتفق ويا مرتك بالاول لتروح تفشلني ومتقبل تجي
علاء:وشلون اتفق وياها وابوج مرابط حراسه گلتلي مبتسمه عاد مو لهدرجه انت وياها جبناء ..... صيحها..تكعد بصفك واحجي وياها
علاء:لا ريا هاي مو خوش سالفه هسه بس يشوفني اتبسبس وياها يحس اكو شي وهي اختج مابيها خير شايفتها من اكعد بصفها اذبلها كلمتين تنطي ألوان كدام ابوج
عاد اتفق وياها تفضحنا .......اني من شفتها ببيتكم اريحيه كلت هاي شلون حوك طلعت كلشي ماكو
وراها العصر طلعنا بالحديقه عمي الله هداه من شافنا منجمعين بالحديقه گال اني داخل جوه تعبت جيبولي الجاي للهول
بس شفته دخل ودخلت عمتي وراه گتلها رفوله تعالي بصفي گوم منير يم مرتك ضحكوا گلولي اذا غاب القط اللعب يا فار
گتلهم بالضحك هسه دقايق ويمد راسه
اجتي رفل كعدت بصفي گتلها اليوم تروحين ويا ريا تباتين يمهم وباجر اجي اخذج امي صار كم مره تگلي جيب مرتك على الغدا
رفل:مو اخاف ابويه يدري ويزعل
علاء:لا ميدري ....حبيبتي ترى كل الي يعقدون يطلعون ويطبون بس ابوج قافل وانت هم جبانه كل ما اجيج للكليه متقبلين تطلعين ويايه من وراه
هسه خواتج ومنير عدهم علم اتفقنا
رفل:اتفقنا .......للمغرب راح علاء لان اخوته يلتمون يمهم الخميس ويباتون
اني هم ريا گلتلي ليش متجون يمنا اليوم تباتون رشا كالت خلي رفل تروح اني مابيه حيل
اخذت ملابسي ورحت ويا ريا لبيتها هي ورجلها وعمتها وجهالها كاعدين بيت عيالها وحماها ومرته بانين مشتمل بالحديقه
عمتها ورده حتى من تجي يمنا مرات متخليهم ياخذون الجهال تگلهم روحوا اتونسوا من اروح يمهم نتونس لان يسهرون ومنير ورده يشاقى ويضحك ورا شويه صاحتني ريا تعالي علاء على التلفون روحي احجي من الصاله
الو
علاء:الو ها حبيبتي باجر شوكت امرلج
رفل :انت شوكت تريدني جاهزه وتكدر تمر عليه
علاء:اني لو عليه هسه اجي اخذج ابيتج بحضني اليوم
رفل : اجى فهودي
علاء:اي اجوي هياته نايم بصفي مكانج خالي باجر اطلع قهر ابوج كله بيج
رفل :بضحك لعد ما اجي
علاء:وتكدرين متشوفيني
رفل :لا طبعا اموت عليك يا قلب رفل
علاء:رفوله جيبي وياج ملابس بيت لان ريا اتفقت ويايه تمر ورا المغرب يمنا هي ومنير ياخذوج لبيت اهلج
رفل :ادري حبيبي جبت ويايه ملابس
علاء: هسه ....امرلج ب٩ تجين تتريگين ويانا على اللمه ج
رفل:حبيبي شيكعدك من الصبح لا اشبع نوم وتعالي قبل الغدا على ال١٢
علاء:لا ب ١٠ حبيبتي حتى نتريك سوا بيتنا
رفل :انتظرك قلبي يله تصبح على خير
علاء:وانت من اهله عمري