Ang Boyfriend Kong Fuckboy

Chapter 16

Sofia

Nakikita ko ngayon si Nadia na nakahubad sa harap ni Jack pero hindi ito tiningnan ni Jack at nanatili lang itong umiwas ng tingin sa hubo't hubad na katawan ni Nadia.

"May Girlfriend na ako at mas mahal ko siya kaysa sa'yo kaya please Nadia magdamit ka na" napatingin si Jack sa akin pati na rin si Nadia. Tiningnan niya ako ng masama at biglang hinila si Jack saka hinalikan.

Biglang tumaas ang dugo ko sa ginawa niya kaya agad akong lumapit sa kanila at tinulak si Nadia kaya napaupo siya sa sahig. Para akong isang hero ng isang Fuckboy na muntikan nang gahasain.

Nanlaki ang mga mata ko nang makita ko nang malapitan ang kanyang hubad na katawan. Putik na babae, wala na ba talaga siyang respeto sa sarili niya? Wag mong ipagyabang sa akin ang ganda ng katawan mo, meron din ako niyan, pero wag mo rin ipagyabang ang dibdib mo baka pisain ko 'yan.

"Girlfriend takpan mo siya ng kumot, tumatayo si Junjun" nagulat ako sa bulong niya sa akin. Tiningnan ko naman siya ng masama pero nakatakip lang ang mata niya na kunwari ay hindi niya tinitingnan si Nadia. Binatukan ko siya at kinuha ang kumot sa kama ni Jack at binalot kay Nadia.

"Siya? Siya ba ang pinagpalit mo sa akin? Eh wala nang dibdib ang babaeng 'yan at saka mas hot ako sa kanya?"

"Kahit mas masarap ka este kahit may maganda kang katawan si Sofia ang mahal ko at wala ka nang magagawa pa" sabi niya kay Nadia, totoo ang ganda nga ng katawan ng babaeng ito, halos lahat siguro ng lalaki ay maaattract sa kanya lalo na sa katawan niya pero sinabi na ni Jack na ako ang mahal niya kaya kahit anong gawin mo Nadia ay wala ka ka nang magagawa pa.

Halos maiyak si Nadia sa sinabi ni Jack sa kanya, tumayo siya na nakatakip sa kanya ang kumot at tumingin sa amin ng masama habang tumutulo ang kanyang luha.

"Marami pang magmamahal sa'yo" sabi niya, dali daling lumabas ng kwarto si Nadia at kaming dalawa na lang ang naiwan dito ni Jack. Tumingin ako sa kanya, seryoso ang ekspresyon ng mukha niya. Nakatingin siya sa akin ng mata sa mata.

Nagulat ako nang bigla niya akong niyakap ng mahigpit.

"Sorry, Girlfriend" pakiramdam ko na umiiyak siya ngayon dahil humikbi siya, nararamdaman ko ang mga luha na pumapatak sa aking likod.

"B-bakit?" Napayakap din ako sa kanya.

"Dahil sa akin muntik ka nang mapahamak, hindi ko mapagtanggol ang sarili ko paano kita poprotektahan kung sarili ko hindi ko kaya? Ang hina ko, sorry din dahil kay Nadia hindi ko man lang siya napigilan nakita mo pa kami, ikaw ang mahal ko Girlfriend ikaw lang" para siyang bata na iyak ng iyak. Nahawa rin ako sa pag iyak niya dahil sa saya ko, dahil mahal na mahal niya ako.

"Napakawalang kwenta kong Boyfriend sa'yo" sabi niya sa akin. Niyakap ko siya ng mahigpit.

"Ang totoo hindi ka walang kwenta sobrang mahalaga ka nga sa akin, dahil sa'yo naging sobrang saya ko ikaw ang lakas ko kaya wag mong isipin 'yan dahil ikaw ang pinaka mahalagang parte ng buhay ko" sabi ko sa kanya.

Nagulat ako nang bigla siyang pumalit sa pwesto ko at nakarinig ako ng isang putok nang baril. Nanatili pa rin siyang nakayakap sa akin. Unti unti siyang natumba, napatingin ako sa kamay ko na puro dugo na.

"Mahal kita Girlfriend" tanging nasabi niya hanggang sa nawalan na siya ng malay. Sobrang nabigla ako sa bilis ng pangyayari biglang pumasok sa isip ko nang alaala nung namatay sa Daniel.