A Hideaway | ملاذ

طلب:')!

السلام عليكم:')

عارفة اني سحبت عليكم جامد جدًا، و أنا بعتذر، بس هشرحلكوا كل حاجة دلوقتي.

بصوا، انا عندي افكار كتير جدا ف بنزلها أول بأول عشان الموضوع ممتع جدا اني اكون ف عوالم كتير و كمان عشان ابسط القاريء❤ دا غير ان ممكن نفس الفكرة تيجي لحد تاني و ينزلها و ساعتها هندم لان برضو ممكن الفكرة تبقى مكررة.

انا عندي مشكلة غريبة اوي، مثلا ف الدراسة كنت بكتب كتير جدا و بمعدل أعلى من معدل كتابتي دلوقتي ف الاجازة و الموضوع دا ساعدني ف المذاكرة بالرغم من الوقت اللي كان ضيق جدا بس كنت بنظمه بفضل الله. دلوقتي بحس اني مش لاقية الحماس بتاع القراء اللي يخليني اكتب، فبحس بالخمول بالرغم من رغبتي ف الكتابة، عشان عارفة ان مفيش حد هيستناني.

انا عندي شوية حاجات شخصية كدا بتعطلني و بتعجزني، بحس ان العالم اتهد و مش عارفة اعمل حاجة و بحس بحزن شديد جدا و دا من اسباب سحبتي عليكم و على رواياتي.

الحقيقة انا حاليا بحاول أخلص أكبر قدر ممكن من القصص و الروايات نظرا اني كمان شهر و هبدأ دروس تالتة ثانوي و الحقيقة انا عايزة اتفرغ بشكل كامل للدراسة، ف أنا ببذل مجهودي الايام دي.

كل اللي قولته فوق دا كان توضيح بسيط بس لسحبتي عليكم، يمكن محدش بقى متحمس للقصة اساسا و لا للاحداث و لا للنهاية غير ٢ او ٣ بس انا بعتذرلكم تاني.

و طلبي البسيط بس ان الدعم يرجع زي الاول ارجوكم:') انا بسحب عليكم مش بمزاجي، اكيد مش هسيب كل الحاجات اللي بتحصلي و حياتي عشان اكتب! لازم ادي حياتي جزء من الوقت.

اتمنى ان تتفهموا الوضع.

شكرا ليكم و شكرا لكل حد فضل موجود و مكمل معايا لحد ما الرواية بفضل الله ثم انتم وصلت ل 10k فوت❤

الفصل القادم هينزل ف اسرع وقت ممكن انا بدأت بكتابته.