ضليت اباوع علية ....واركز بهاي العيون واني متعجب من ردت فعلهة...
نزلت اسلاحي....
واتقدمت علية واتقربت لوجهة
_اتخافين علية....
...جانت اعيونة اتخووف كلهة شر وغل ....وكال
رااح اكتلج ...اصبري علية.....راح اكتلج بطريقتي ....كمشتهة من ايدهة وجريتهة.....
رافد ....عرف شهد راح اتروح بيهة ركض وكف اكبالة ...وكال عوف شهد اني كدامك عوفهة ....
_هااااا ياابن الاحمدي.....تمنعني اربي مرتي دفعة بعيد وهو يجر شهد الي عرفت مراح تكدر اتسوي شي بعد .....لان هو معمي على عينة جان...
والتفت لرافد ....وكال
_حسابي وياك بعدين ....مراح تفلت مني....
جريتهة بكل قوة وشمرتهة بالسبارة وركبت جنت افوور واني اتذكر وهي ادافع علية ...لو هو من وكف اكبالة ويريد يحميهة ....حانت نار ابكلبي واتشب وما اريد هسة غير هاي الي يمي راكبة اطلع كل قهري بيهة.....
بهاي اللحظة سمعت صوت طلقه انطلقت ....مهتميت ......
...جنت يمة وكلبي يريد يوكف من الخوف اعرف مراح يسمعني ومراح يصدك ....ماادري شنو نهايتي وياه ....شراح يسوي زين اني اشلون ادافع على نفسي......
وصلنة للبيت وهو شحط السيارة واجة نزلني سحل واني اريد افلت من ايدة ...بس اشلون افلت من ايد وحش جبار كاسر ....كل همة تحطيمي واذلالي....
ارتعبت الحجية ورؤى من شافتني على حالتي هاي وهو يسحلني بكل قوة....
_لحد يحجي ولا كلمة ....مرتي واني حر بيهة ..
_ابني بس اصبر انشوف شكو ....
مهتم لكلمات امة .....جانت رؤى اعيونة ادمع تنزل وهي اتشوفني بهاي الحالة الي تكسر كلب كل واحد .... ياريت مادزيتهة
...ياريت سمعت كلامة وماجبرتة اتروح اتشوفة....
صعدني الدرج سحل .....واني ادفع بي .....
الحجية كالت .....جهاااد كافي هي اشسوت وانت هيج اتسوي بيهة حرام عليك ....
_سوت الي سوتة محد يدخل.....
وصلت للغرفة دفرهة بقوة وشمرني بالكاع وكعت.....واني اكووم على طولي واريد اعرف هو فقد السيطرة على نفسة ....
راح سد الباب ابقوة ....وقفلة ....وشمر غترتة بالكاع وسلاحة......
واجة اتقدم اتجاهي....واني ارجع ليورة جانت نظراتة مثل الذيب الجوعان ...الي منتظر يفترس فريستة ...اتقرب مني وصرت قريبة على البلكونة وانحصرت ...حتى لو اكو مكان متسع مااكدر اشرد منة ....
امتدت اذراعه علية واصير اسيرة يقربة ورفع
جف ايدة على الحايط....واني صرت بوماجهة كدامة مااكدر اتحرك اي حركة ....وكال بصوت يطلع من اعماقة ...وهو بحالة مشايفتة بيهة من قبل ....صوت خشن ...صوت كلة رعب ولهثة
_بنفس هذا المكان ....يوم زواجنة ...حلفت مااكمشج ابد....لحد ماانتي اتكوليلي.....
...بس طلعتي مو مال واحد يحترمج ويبقة على حلفانة لان انتي ماصنتييني......
.....فتحت عيني واني اشوف الحقد الي بعيونه عيونه القاتمة الي كلهة شرارة ...
_شنو قصدك.....
...جاوبني وهو يقترب من وجي ويهمس بانفاسة الحارة الي حسيت بحرارتة على خدي
_قصدي......راح اكتلج ابطريقتي يابنت سلمان
...حاولت اتملص منة نزلت من جوة اذراعه....بس هو سبقني وجر شالي.....وينفتح شعري....الي ثارت نفسيتة بالزايد
كمشني وقربني ورجعت مرة ثانية جوة ايدة ....حاولت ادافع عن نفسي بس هو اقوة مني ...مااعرف ليش ادموعي متطلع صوتي انحبس واني اشوفة يربط ادية ورة ظهري بعد ماشك دشداشتي....واتقرب من شفتي وهو يكول....مااعرف ليش جنت كامش نفسي عنج ....مفكرتي ليش جنت اعاملج مثل الاميرة .وانتي خدامة ومحبيت ااذيج بشي.... بس انتي متستاهلين كل هذا يابنت سلمان
بدت شفايفة تتحرك بكل مكان وايدة تمشي على كل جسمي......جنت اتمنة الموت....واريد اروح اتقيىء.......مااعرف اشلون طلع صوتي....صوتي الي اني مااعرف نبرتة الي متغيرة بس حسيتة طلع من جوة من اعماق كلبي وهو يكولهة
_هو هذا الي اتريدة
.....حسيت بي سكت ورجع يباوع لوجي....وكانما كعد من الحلم ...بدة يشوف الانكسار الي اني بي وعيوني المقهورة .....الي بدت الدموع تطلع
_اذا جان هذا الي اتريدة اخذة وانطيني حريتي اريد ابتعد عنك ومااشوفك....
...ابتعدت عنة تركت ايدهة وكفت واني اكول شنو الي صار...بدت تتحول اعيونة من الشهوانية الي منكسرة ومضطربة
.....بدت بتجي بصوت عالي وحطت ايدهة على وجعة اداري اعيونهة وصرختة
.....شنو الي بيهة ...اني...اريد اكتلهة بحقدي عليهة وغيرتي من ابن عمهة ...واريد اركض ارضيهة واخذهة بصدري واحميهة من اي شي
....اكيد بدت اتخبل .....
الي صار هسة ...هو غيرة وشوق وحب الهة وحقد ...كلهة متجمعه ...وطلعت بوقت واحد....
...اتقربت....وردت احجي بس....دكات الباب جانت اقوة ....رحت فتحت الباب...واسوف رؤى اتكول
_الحك خوية اكو شرطة جوة يريدونك
_شرطة....متعجب...شيردوون
_والله ماادري
روحي واني جاي وراج
.....دخلت الغرفة اخذت غترتي ...وباوعت عليهة واني اتركلهة نظرة اسف .....وطلعت ....
وترجع مرة ثانية تبدي تبجي....
...نزلت جوة واكيت الشرطة
_اتفضلو ....
_انت جهاد جاسم
_اي هو اني ..خير
_انت مطلوب ....للمركز
_هههه اي ليش لا نجي بس ليش
_امبلغين عليك بجريمة وجهة
_ههههه جريمة قتل ....منو هذا
_رافد الاحمدي....لكوة مقتول
....بهاي اللحظة اتبدل ملامح جهاد من السخرية للخوف....اشلون
...بدت صرخة قوية بس سمعت الخبر .....رؤى او وكعت من طولهة.
..........
رحت للمركز وبدة الاستجواب....وجنت كل كلمة اوزنة يالة تطلع....مااكدر اجيب طاري شهد واخليهة تدخل للمركز....بس الي اتعجبت من كال الشرطي لكو مسدسي الثاني موجود هناك وهو الي انقتل بي رافد....اشلون يصير ..ومنو من ورة هذا كلة ...
...حاولت اكوللهم اني مكتلتة ومجنت يمة بس كلشي جان ضدي ودخلت السجن.....
.....
دخل ابو رافد مثل المخبل للمستشفى ....وهو يصرخ ويكوول ابني ويينة ....وياه هواي زلم ...
_على كيفك ابو رافد هسة انشوفة اتخاف
_اشلوون ما اخااف راح مني ادري...وبدت صرخاتة تتزايد بالمستشفى لحد مااجوي الممرضين يسالو ...ويسالهم عن ابنة الي نقلوهة هسة
_حجي ابنك هسة بالعمليات ... ادعيلية
_يارب اخذ عمري ورجعلي ابني....مااعندي غيرة بس هو الي باقيلي...
.........
فتحت اعيوني ....واشوف امي كاعدة اكبالي ودموعه تجري...وشهد مرعوبة علية وخايفة ....وبديت اتذكر الي صار ....واصرخ...بعلو صوني واكول
_اخوية كتلة .....كتلة...
اجتي شهد كمشتة وضربتة ابرة مهدئة.....لان بدت اتشوفة اتهسترت وخليهة ترتاح....
.......
دخل محمد للبيت وجايب وياه المحامي الي الحجية وصتة علية...راح كعدة بالغرفة وراح هو للمطبخ ويصيح البنية الي جانت متواجدة هناك
_تعالي......شوفي بس اطلع اتروحين اتلمين اهدومج واطلعين ومحد يدري بيج لان يجوز تنكمشي اني كتلج وحذرتج
_بس انت حلفتلي مراح يصير بية شي .... كلتلي من راح تخلص تتزوجني
_اي ...اي....هسة هذا وكتة خلي نخلص وبعدين كلشي انضبطة .....هسة روحي صيحي الحجية كوليلهة المحامي ينتظرج....
.....راحت البنية وهي تهمس وي نفسة ....صح كل الي سوته علمودة ....ودخلت صاحت الحجية
....نزلت الحجية وهي تدخل للغرفة وكفو الهة يسلمون عليهة....بكل احترام
_شنو هاي المصيبة الي طاحت على راس جهاد حجية.....حجاهة محمد
_التفتت الة ....خير ان شاء الله لتخاف جهاد ممسويهة وراح يطلع....والتفتت للمحامي وهي تسالة
_والله ياحجية مااعرف شكلج.....بس المسألة متعقدة ..اتي اتصورت هي سهلة واكدر اطلعه بس المشكلة لكو اسلاحة لجهاد هو الي مضروب بي رافد يعني القضية متلبستة...
....ارتعشت الحجية.....يعني ماكو امل يطلع
_لا اكو ....اذا رافد طلع سالم ويكدر يحجي ويكول مو هو...
.....فزت الحجية وهي مبتسمة ....يعني مامات
_ابتسم المحامي ....لا مامات ادعيلة الله يشفية
_الله يشفية ...ويخلي لابوة ادري هسة هو ميت علية ...بهذا الوكت....ويظهر الحق ويطلع حهاد من هاي الشدة
.............
دخلت للسجن واني بس احوس ...ممتعلم على هذا الشي...اروح وارجع مثل المخبل...صرت واني بيني وين نفسي ...اكول....
ليش ديصير بية كل هذا ......من يوم الي دخلت حياتي واني ...مرتاحيت بيوم....
واجاني...شي ثاني يحجي عكس ماكلتة ....لا انت منك كلشي ...انت الي دخلتهة حياتة انت الي اذيتهة ....الذنب ذنبك انت
جنت مقسوم لنصين ....ادافع عنة ....والوم بنفسي ...
تعبت واني بهاي حالتي....تعبت منة ....انت ليش متعترف انت اتحبهة لحد الجنون.....اتحبهة بكل مابيهة...
اتحب تحديهة ضحكتة شخصيتة برائته خجلها اغرائها وطهارتة وحزنهة....
اتخيلت صصورتة وهي اخر شي من جانت تصرخ وهي ملفوفة بذراعي ....واني مثل الوحش مثل ماكالت ...ممهتم لدموعهة....
دنكت راسي وفركت وجي بادية اريد انسى كل هذا ...
هي اذا سامحتني على كل الي سويتهة وياهة قبل فاكيد مراح تكدر اتسامحني على اخر شي بيناتنه....
....جان سؤال الي يتردد دووم ابالي....
يصير احبة واكرهة بنفس الوقت ....ونفس القسوة ونفس الاسباب.....معقولة يصير؟؟؟؟
........
دكت الموبايل رحت شفت بابا....متصل جاوبتة
_الو اشلونح شهودة حبيبتي
_ابخير بابا انت اشلونك
_الحمد لله اني اجيت الكم وهسة يم بيت عمج عرفت بلي صار
_دنكت راسي مكدرت احجي شي....يعني هسة انت موحود
_اي موجود بالمستشفى
_بالمستشفى.....ليش
_غير ابن عمج متصوب.
_فرحت...وابتسامة صارت على وجي....يعني رافد مابي شي
_لا بنتي مابي شي وهسة طلعوه من العمليات بس حالتة تعبانة.....
_الحمد لله.....بابا ترة جهاد مو هو الي راد يمتلة صدكني
_بنتي زوجج ودافعين علية حقج
.......لو بيدي اروح واشهد بلي صار واكول كلشي علمود يطلع لان ادري مو هو السواهه بس جنت خايفة لا شهادتي اتورطة اكثر...
_الله يكومة بالسلامة ...وتخلص هاي المشاكل
_امين يارب.....شهد اني ردت اجي وحجي وياج بموضوع...بس الوكت مو مناسب راح اخلي غير مرة...
شنو هذا الشي متكدر تحجي هسة
_لا لازم اشوفح لان اكو شغلات راح اتخاولين تستفسرين منه....خليهة للوكت هو يحلة ...يلة حيبتي اروح
_مع السلامه بابا...
جنت متحيىة شنو هذا الشي الي يريد بحجي وياية ...اتذكرت رؤى ورحت ركض لغرفتة واني اكمز مثل الجهال....
_الحمد لله على السلامة
باوعت علية ودارت وجهة
_اممم.....عود جبتلج خبر حلو...رافد بعدة عايش وبالمستشفى
...فزت رؤى
_تحجين صدك لو تجذبين
_هههههه اي والله هسة بابا هابر وبشرني طلع من العمليات
....متحملت رؤى بدت تبجي وهي الحمد لله ....
...اجيت اتقربت علية شبكتة واني مقهورة عليهة حسيت بيهة اشكد اتحبهة ....
مع العلم اني جنت متاكدة من برائة جهاد ....ولو بيدي اروح اشهد ...رغم القساوة الي شفتهة اخر شي منه...
لحد اتذكر كلمتة الي من كال جنت اعاملج مثل الاميرة ....صح اخر فترة من انضربت برجلية حسيت بمعاملتة الي المختلفة وجان يتنمالي الرضى....بس تتغير كل هاي المعاملة لشخص ثاني ...بمدة قصيرة ....وناانسى اخر النظرات الي كانما جان يودعني يطلب مني السماح ....ليش صار اكبالي مثل كتاب مقروء ...قريت كلشي بداخلة بهذيج اللحظة ...اني الي جنت دووم حايرة بظرات عيونة بس بهذا اليوم قريت كلشي بعيونه ....
جنت مقسومة نصين ....نص يكرهة ...ومااريد اي شي يذكرني بي....ونص اريدة يرجع يشاكسني ويرجع لامة الي هي مكسورة من وراه ولابوة الي تعبان باخر ايامه....واختة الي اتحبة رغم الي سواه بيهة....
جنت مقسونة لنصين ومااعرف المن انخاز لاي طرف .....جنت اسئل نفسي....معقولة احبة واكرهة بنفس الوقت
معقولة اني احبة واكرهة لقسوتة ولجبروته ....
محانت الوحيدة الي سالت نفسهة هذا السؤال والا هي بس الي ملكت الجواب....على هذا
..............
دخل الضابط للمستشفى ...وسلم على رافد الي جان تعبان ووجة اصفر....وكال راح اسئاك اسئلة وانت هز راسك باي او لا...
_الي ضرب عليك ....هو جهاد جاسم
_لا
_بس اكو شهود يكولون هو اخر واحد جان يمك...والسلاح الي انضربت بي هو سلاحة
_سيدي كتلك لا مو هو ....صح هو جان يمي بس سلم وراح
_يعني اخر كلام عندك ....جهاد مو هو الي ضربك
_لا موهو
.....كام الضابط ..وكال الحمد لله على السلامة نرة ثانية وراد يطلع ....
ودهلو ابو رافد وجماعتة ...الي ميدرون باعتراف رافد للضابط ...وهو خلص جهاد من هذا الشي
......
_عفية شهد بس اسمع صوتة كلشي مااريد ...
_ولج امخبلة ....شكول لابوية بهيج وكت اخابرة يشكول علية مخبلة
_شكو بيهة قابل راح تلزك بيج هاي الحجاية
_ههههههه والله مااعرف اقنعج ابد ....ماشي راح اخابرة
خابرته واني جنت متاكدة هسة هو بالمستشفى
_الو هلو بابا اشلونك
_الحمد لله انتي اشلونج خير اكو شي
_لا سلامتك....بس حبيت اسئل على رافد
_لا زين اني يمة ويكدر يحجي ويسولف
_زين وكدر تنطيني اياهة اسلم علية
....اتعجبت من رادتة
_اي ماشي ....رافد شهد اتريد اتسلم عليك
_اي انطيني ياهة
_الو......مااسمع الا شهكة بجي حارة ....عرفت هي رؤى...الي اخذت الموبايل من ايد شهد وراحت كعدت علمود اتسيطر على نفسهة ...
_جنت انخيل بعد مراح اسمع صوتك ابد ..
_ابتسمت الهة....وكلت لتخافين علية اني ابخير....رؤى تىة مو اخوج الي ضربني
_صح ...حجيتة واني مفزوزة وفرحانة.....
_هههههه وحتة وانتي تبجين اتكدرين اتضحكيني ....لا مو هو هو صح رفضني بس مو معناها يكتلني علمودج....
_هاااااا يعني اني مااستاهل واحد يكتل علمودي
_ههههههه لا مو هيج بس اخوج ميسويهة بس لو اني اي اسويهة
_كمت واني ابتسم ...واني مااخذ واحد سوابق
_هااااا سوابق ...ضحك وهو يكول ...هذا الي يمشي ورة النسوان هي هاي تاليتة....
_ههههه يلة روح ارتاح مااريدك تتعب....
_رؤى .....هسة اخوج راح يطلع ...ويوم الالي واطلع علمود اشوفج.....
رؤى؟؟؟
_هاااا رافد
_احبج
يتبع
%&%لينه سعد%&%
