يا ليتني كنت فصلية

البارت 1

حبايبي هاي القصه جديده واريد تفاعل وتكمله القصه راح انشره بتعليقات....zizo 😍😍😍

#ياليتني_كنت_فصلية

بارت ....1....
اهل الخمط بقوا اسم الكروب 😒
طلعت من البيت روحي طالعة واعصابي متنرفزة بعد عركة من الصباحيات وية جويسم
يعني اكعد من 6 اركض اسوي ريوك واكعد ابني للمدرسة وابدل واركض شيل حاجة منا وحاجة مناك وهو يكعد كالب خلقتة حتى صباح الخير ماكو
كلمة حلوة شراح تخسر اذا كلتها لا فوك هذا يتأمر براسي وين جواربي النيلي
ماكو بس السود والجوزي والرصاصي
الا نيلي والله يا الله
مني كلمة منة كلمة تعاركنا وطلعنا كلمن لشغلة
اسمي صابرين موظفة بوزارة العدل وزوجي مدرس
تزوجنا زواج تلقيدي امه وامي اتفقوا واحنا نمشي وراهن
لا حب ولا رومانسية والحياة تمشي
عندي حمودي فدوة لعينة لو مو هو جان هجيت
صار بأول ابتدائي دائما يفرحني ويضحكني
خطية انقهر من نتعارك يكعد ويسكت ويباوع علينا
المهم طلعت اليوم عندي جولة على السجون مال نسوان
للعلم ترى كومة نسوان بالسجون
نجمع معلومات اجراءات روتينية متخلص
وصلت للسجن استقبلتني المسئولة ودخلت واول موكعت عيني على بنية صغيرة
هاي شنو شكد عمرها شنو تهمتها دعارة
لا هاي قاتلة زوجها وامة
ياااا صخام الوجه ليش
متحجي شي ساكتة وتبجي
شبيج حبيبتي احجيلي انكسر كلبي عليها
شنو اسمج
درة
الله حلو اسمج
احجيلي يجوز اكدر اساعدج شجابج هنا
امهات القصص
شنوو
اي امهات القصة وصديقتي زينب
مفتهمت
راح اسولفلج قصتي بالتفصيل
ياقصص يازينب شدتحجين انتي
اسمعيني واحكمي
جنت بالمدرسة مثل كل البنات المراهقات نسولف على الابطال والمسلسلات التركية
اجتي زينب كالت
شكد قديمين انتو بعدكم على هذولة
ليش عيني ام الجديد شبيهم هذولة
اي اني ام الجديد
شنو دحجي
قصص 😍
اووووووي من كل عقلج اقرة قصص هو اني ما بيه اقرة امتحاني تريدين اقرة قصص انوب
باع هاي ليش كل قراية قراية لج اكعد اقرة البارت شطولة بسرعة يخلص من الاثارة واموت قهر اكعد انتظر البارت الثاني على النار
شنو بارت
باع هاي المتخلفة البارت يعني الجزء
اهااا اي صح البارت بالانكليزي جزء
ليش القصص عالمية ينزولها بالبارتات
لا ياعالمية جاسمية
شنو جاسمية 😂
اي جاسمية هم بيهن اصلا كلمات القصة اتفه حتى من حجينا العامي
اهااا يعني سهل
اي حتى المطي يقراها ويفهم
وهاي شنو تحجي القصص مال جاسمية
اووووووف درة شكولج شسولفلج كلهن اغتصاب وفصليات
شلللون شللون
اغتصاب 😡
(تصويت للبارت)