بقلم .. الاميره الموسويه 👑
ما احلل لاي شخص ياخذ كتاباتي وينشرهم ( ذمه)
بنات طلب وليس امر اذا ممكن اضافه لهذي البنوته الحلوه كاتبه قصة حياتها وتريدكم تقروها znobea-030@
قصي .. عفتها وطلعت رحت اجيب اكل لان ماكو شي بالبيت .. وابويه اخر مره شافني كالي لتجي للبيت بعد .. يعني مااكدر اروح لبيتنا.
رحت ع اساس اجيب غده وارجع .. بالطريق خابرني صديقي سرمد .. ضل يعتب عليه ها ولك بذات بس رجعت لبغداد نسيتني .. كتله لا والله مشغول بالدوام والجامعه ..
بقينا نحجي كالي اليوم عازمك على سهره اتجنن ..
كتله لا والله مااكدر وعندي شغل
كالي حجايه تفيدك ازعل عليك ومن هذا الكلام .. قنعني نسيت الاكل ونسيت هي بالبيت!
تعرفون بعدني ممتعلم ع جو الزواج وهذي السوالف
رحت السرمد .. طلعنه لمكان هو يندله كعده شرب وبنات، بقيت اشرب بس ما ثكلت هواي
سوالف وحجي وونسه لحد ما صارت الدنيا الليل .. اجتي هي ع بالي اتذكرت عايفها بالبيت وحدها؟؟؟؟؟؟؟؟
لك لااااا .... يا الله .. اشلون نسيتها....!!
كمت بسرعه اخذت سويجي وطلعت حتى مكلت لسرمد اني رايح .. بوجهي للبيت
نزلت لكيت الباب الخارجي على قفلتها .. اباوع للكراج نظيف يلمع !!
فتحت الباب الداخلي .. البيت نظيف وريحته اتخبل .. وين الصبح يخنك وين هسه !!
الظاهر مسويه الي كلتلها عليه ومنظفه والله جان ابتليت بيها .. بس البيت هدوووء صنطه ع بالك فارغ ..
الشبابيك مفتوحه .. والجو جان بيها بداية شتا بارد اشويه .. البيت مثلج والمراوح تشتغل !
دخلت للصاله لكيتها متمدده ع التخم .. مكرفصه نفسها لامه رجليها من البرد ونايمه ..
اول مشفتها كلبي احسه اتحرك بسرعه .. اشلوون نايمه بهدوء ع بالك مو بشر .. تقربت عليها ملامحها هاااادئه وناعمه!
اتذكرت لما كنا مخطوبين .. مكنت اشبع من النظر لوجها .. كانت دائماً ملامحها وتفاصيل وجهها تسحرني!
بقيت اتأمل بيها رحت لغير عالم .. عيوني اتفحصت كل انش بيها .. انتبهت لافه ايدهاا بوصله مااعرف ليش .. ردت الزمها اشوف اشبيها..!؟!!
جان تفز...
سلار...
وصلنا للبيت فتحلي باب السياره .. بعدها نزل الجنطه ودخل كدامي ..
وكفت بباب الكراج مااكدر ادخل .. وقتها انتابني شعور غريب ... اتذكرت لما كنت اجي لهنا بفترة خطوبتنا ... كان دائماً يجبني حتى ارتب كولشي ع ذوقي.. كنت احسب الدقايق حتى يجي اليوم الي ننجمع بي جوه سگف واحد!!
الشعور الي كنت احسه قبل عباره عن فرحه مسايعتني .. كل مره نجي لبتنا اني ويا اطير من الفرحه لمجرد فكرة صار النا بيت لحالنا ... بس هالمره الشعور كان مختلف تماماً ... كنت بس اريد انهزم .. رجليه متقبل تخطو خطوه لداخل البيت!!!
اوووووووووووووف شبسرعه الامان يتحول خوف!!
والامل يصير ألم ...!
بخطوات متثاقله ومتردده دخلت للكراج اباوع البيت غاطي التراب وشكله يخوف .. لان متروك صارله فتره !!
YOU ARE READING
انا قبل ان التقيك
Romanceبقلم .. #آلٱمِـيّـره ٱلَمِـوٌسًـوٌيّـه ? قصه حقيقيه.. فتاة تتعرف على شخص عن طريق الخطأ ويقع في حبهاا ولكن لسبب هي فقط تعلمه تقرر ان تبتعد عنه .. تتدمر حياة الشاب على اثرهاا ثم تجمعهم الصدفه ثانيا هل سيستمر حبهماااا ام يلعب القدر دوره ويفرقهما؟!!! ...
