Fixing Mr. Perfect (Pyxis #2)

Chapter 42

Chapter 42 - Ice Cream

Soundtrack: Crush by: David Archuleta

"GO JULY! WE LOVE YOU!"

"KAYA MO 'YAN MAHAL!"

"PAPAKASALAN PA RIN KITA, MATALO MAN KAYO O MATALO!

Napangiti na lang ako. Ang daming fangirls ni July. Halos lahat ng babae rito sa gymnasium ng Luxford sa middle school division, pangalan niya ang sinisigaw.

Nakakamiss ang middle school division. Ang dami naming memories ni Roxy dito. Nami-miss ko na naman tuloy siya. Kahit halos araw-araw kaming magka-video call, pakiramdam ko hindi sapat 'yon. Gusto ko ang totoong si Roxy, ang physical na katawan niya, hindi ang image niya lang sa screen. Nami-miss ko na ang ka-ingayan niya, pati ang pagbatok niya sakin.

Bukod kay Roxy, namimiss ko na rin si Jacin. Kahit malapit siya physically, hindi ko naman siya madalas makasama. Gusto ko na siyang makasama. Gusto ko siyang makasama ngayon na manuod ng laban ni July...

"Kalalabas ni Jacin at Ayu dito, kayo naman ang pumalit... 'Wag kang mag-alala Ms. Velasco. Binantayan niya lang talaga si Ayu."

Pinilig ko ang ulo ko. Palagi ko na lang naaalala ang sinabi ng nurse no'ng isang araw. Ayokong mag-isip ng magsama. Binantayan niya lang si Ayu, may sakit ito at teammates sila. Natural lang na bantayan ito ni Jacin.

Pero hindi ko pa rin mapigilan ang sarili ko na makaramdam ng selos. Natural lang din naman 'yon di ba? Girlfriend ako ni Jacin, at may karapatan naman akong mag-selos 'di ba?

"Excuse me?"

Naputol ako sa pag-iisip dahil sa nagsalita.

"Are you July's sister?" tanong ng babae sa tabi ko. Kaparehas ko siya ng uniform, pero sa halip na tie, ribbon ang nasa dibdib niya. She's a middle schooler, like July. "You look a lot like him! You're June Velasco, aren't you?"

Dahan-dahan akong tumango. "Ako nga."

"Oh my gosh!" sigaw niya, sabay bigay sa'kin ng hawak niyang box. "Could you please give this to July?"

Matapos niya, nagsunod-sunod na ang mga babaeng nagbigay sa'kin ng boxes at gifts, hindi na ako halos makaahon at makatayo sa dami nila. Ginigitgit at pinagkukumpulan nila ako habang patuloy sila sa pagbibigay ng mga regalo.

Magsisimula pa lang ang game, hindi pa nananalo sila July pero ang dami na niyang regalo.

"H-hindi ko kayang ibigay 'to lahat sa kanya." sabi ko pero walang pumansin sakin.

Hanggang sa may humawak sa braso ko, hinatak ako palayo sa mga fangirls ng kapatid ko. Nabitawan ko tuloy ang mga regalo.

"Hey! Where are you taking her?!"

"Pa'no 'yong mga gifts namin?!"

"Shut your cake holes." sabi ng humahatak sa'kin. Dinala niya ko sa kabilang side ng gymnasium kung saan walang gaanong fangirls si July.

"Oh my gosh, wait! Is that Yuan?"

"Yuan? As in Yuan La Croix of Polaris?"

"Is Yuan her boyfriend?"