အသက်အရွယ်ရလာတဲ့ အမျိုးသမီးတစ်ဦးဟာ အိပ်နေတဲ့အချိန်တောင် လေတိုးသွားလို့ ပြတင်းပေါက်လှုပ်သံလေးကအစ သတိပြုမိတတ်လာတယ် ။ အိမ်ရှေ့နားက ကားဟွန်းတီးသံကတော့ သူမနားထဲကို အတိုင်းသားရောက်ရှိလာသတဲ့ ။
" စာမေးပွဲပြန်ဖြေဖို့ ပြင်ဆင်နေတယ် မေမေ "
ဒီကလေးဟာ Xantha ကိုမေးလ်ပို့လာတယ် ။ ဒါ့ကြောင့်ပဲ သူမက Xavier ရဲ့အိမ်ကို ရောက်လာရတာပေါ့ ။ အိမ်ခွဲနေခဲ့တာ ၂ နှစ်လောက်ရှိပြီ ။ အထက်တန်းကျောင်းပြီးကတည်းက ဒီဘက်ရပ်ကွက်အိမ်ကို ဒီကလေးက ကောက်ကာငင်ကာ ထွက်နေခဲ့တာလေ ။
သူမ စတွေ့ချိန်တုန်းက ဒီကလေးရဲ့ မျက်လုံးတွေဟာ အသက်မဲ့နေတယ် ။ အဖေဖြစ်သူ အသုဘမှာတောင် မျက်ရည်တစ်စက်မကျတဲ့ ဒီကလေးလေးအတွက် သူမဟာ လုံလောက်တဲ့ မိခင်တစ်ဦး ဖြစ်နိုင်ပါ့မလား ယခုထိတောင် တွေဝေနေဆဲပေါ့ ။
Kim တို့ဖေဖေရေ ..... ။
အခု အိမ်ရှေ့က ဒီကလေးရဲ့ မျက်လုံးတွေက ပြုံးနေတယ် ။
Kim တို့ဖေဖေရေ .... ။
ဒီကလေးရဲ့ချစ်သူက အသက်ကြီးကြီး ပုံမှန် ယောကျာ်းတစ်ယောက် လန် လို့ခေါ်သတဲ့ ။
Kim တို့ဖေဖေရေ .... ။
အသက်များရှိနေသေးရင် သူမကိုကော ဒီကလေးကိုကော ဆူပူကြိမ်းမောင်းနေမလားဟင် ။
ဒီကလေးဟာ သူချစ်ရတဲ့သူအဖြစ် ယောကျာ်းတစ်ယောက်ကို မိတ်ဆပ်ပေးတဲ့အချိန်မှာ သူမ မတုန်လှုပ်ခဲ့ဖူးပြောရင် မုသားဆိုရာကျမှာပေါ့ ။ တချို့နေရာမှာ မိဘတွေကတောင်မဖြည့်ပေးနိုင်တဲ့ ကွက်လပ်လေးတွေ သားသမီးမှာ ရှိတတ်တယ်လို့ သူမ ကြားဖူးတယ်လေ ။ လန် ဟာ ဒီကလေးရဲ့ ကွက်လပ်ဖြည့်သူ ဖြစ်ခဲ့ပြီလား ။
" မေမေနဲ့ ဖေဖေ ဘယ်လိုတွေ့မိခဲ့ကြတာလဲ "
ဒီကလေးဟာ တနေ့ညက မေးခဲ့တယ် ။ ဘယ်တုန်းကမှ အဖေ နဲ့ အမေကြားက အဖြစ်အပျက်မှန်သမျှကို စိတ်ဝင်စားခြင်း တစိုးတစိ မရှိတဲ့ ဒီကလေးဟာ မေးသတဲ့ ။ သူမဘဝမှာ ဒီအဖြစ်အပျက်တွေက ကလေးရလို့ ကြီးလာရင် ပြောပြချင်ခဲ့ဆုံး အစိတ်အပိုင်းတွေလေ ။