Chapter Forty Six

503K 14.7K 5.6K
                                    


SASKIA

Nakaupo sa ibabaw ng kama sina Tintin at Savi at naglalaro ng mga stuffed toys habang ako naman ay abala sa pagsusuklay ng mala-gintong buhok ni Savi. Katatapos lang namin maligo at binihisan ko na din sila ng pantulog. Nasa kani-kanilang kwarto naman na sina Mammy at malamang ay nagpapahinga na rin iyon. Narinig ko kanina si Migs na may kausap sa phone niya sa loob ng office niya sa tabing kwarto nang mag-good night kiss ang dalawang bata at mukhang hanggang ngayon hindi pa rin natatapos ang pag-uusap nila. Halos sigurado na ako kung sino ang kausap niya ang hindi ako sigurado ay kung ano ba ang dapat kong maramdaman.

May karapatan ba akong magselos gayong ako ang dahilan kung bakit nasira ang relasyon nila at hindi natuloy ang kasal nila? Bukod sa pagiging ina ng mga anak niya ano bang dapat maging papel ko sa buhay niya? Hanggang ngayon ba naman hindi ko pa rin alam kung saan ilulugar ang sarili ko.

"Hey, girls." Napaigti ako nang dumungaw ang ulo ni Migs mula sa pinto. "Why are you still up?"

"Tintin and I are playing!" Sagot naman ni Savi.

Pumasok si Migs at isinara ang pinto sa likod niya. "You're playing, huh? Dapat natutulog na kayo. It's already ten."

"Patulog naman na sila. Pinatutuyo ko lang ang buhok nila. Kaliligo lang kasi." Malamig na sagot ko, ni hindi ko siya maatim na tignan.

"Nag-bathtub kami nina Mommy kanina, Daddy! May mga bula-bula pa, dati sa mga palabas ko lang napapanood yung ganon." Masayang kwento ni Tintin.

"Is that so?" Lumapit si Migs at umupo sa dulo ng kama. Inangat niya ang kamay niya para haplusin ang mukha ni Tintin. "Nag-enjoy ka ba?"

"Sobra, Daddy! Sana nga sumali ka sa amin kanina."

"May tinapos lang si Daddy na trabaho." Malambing na paliwanag niya kay Tintin.

"Were you talking with Tita Hazel, Daddy?" Magiliw na tanong ni Savi.

"Yes, honey. I talked to Tita Hazel." Sagot ni Migs sa anak namin.

"Did you tell her about Tintin?" Nakangiting sabi ni Savi.

"I did. She said she'd love to see you and Tintin together"

"Tuyo na ang buhok mo, anak. Tulog na tayo?" Sabi ko.

"Tulog na tayo, Daddy. Tabi ka sa amin?" Tanong ni Tintin sa ama.

"Nako, Tintin, baka may importanteng tawag pang kailangan asikasuhin yang Daddy mo. Tayo na lang ang matulog." Hindi ko naman sinasadyang lumabas ang inis sa boses ko pero iyon ang nangyari. Nagseselos ako dahil alam kong wala ako sa kalingkingan ni Hazel. Minahal ni Migs si Hazel at maaaring hanggang ngayon ay mahal pa rin niya ito. Wala akong karapatan pero hindi ko mapigil ang nararamdaman kong selos.

"No, I'm done for the day. I wanna go to sleep with my girls." Niyakap niya si Tintin.

"Daddy, tabi-tabi tayo ha? Hindi naman makikita ni Jodie, borlogs na yun." Ipinulupot ni Tintin ang mga bisig sa leeg ng ama.

"Sure, kasya naman tayong apat dito. I want to be with you girls and Mommy tonight." Malambing na hinalikan ni Migs ang anak niya.

"O, narinig mo yan, Mommy?" Humarap sa akin si Tintin. "Dapat tabi kayo ni Daddy matulog."

"Yeah!" Sinakyan naman ni Savi ang kalokohan ni Tintin. "Mommies and Daddies are supposed to sleep next to each other. Hindi ba, Daddy?"

Lumawak ang ngiti ng gago. "Magshoshower lang si Daddy, okay? Then we'll sleep."

"OKAY!" Masayang sagot ni Savi.

Muli niyang dinampian ng halik si Savi at Tintin bago siya pumasok sa banyo. Pinahiga ko na ang dalawa at habang nasa banyo si Migs ay nakatulog na din ang mga ito. Maya-maya pa ay narinig ko na ang pagbukas ng pinto ng banyo at agad kong ipinikit ang mga mata ko. Nagkunwari akong tulog. 

Lipstick LullabyTahanan ng mga kuwento. Tumuklas ngayon