السادس والعشروووون
إمرأة_من _عاج 🗽
بقـلمي ... #نٰـشوى_السـلطان ... 🍂
الناشر حيدر الرسام
..مسك بقيت واكفه يم باب الغرفه
اريد افوت ماكدر خجلانه منه ومن الموجودين
من بين النااااس كلها ..
باوعتله من بعيدد.. رفع راسه
شافني .. بقى مستغرررب وهو يباوعلي من بعيد.. جانت نظرته غريبة يمكن زعلان مني يمكن معباله راح ارجع الكل ملتهي ويحجون بالحادث ..
واحنا واحد يباوع للثاني
بنظرة عتب وشوووك طبيت امشي ..
سلمت عالكل..
دنكت عليه.. لزمت يده.. كتله الحمدلله على السلامة..
.. يسلمج الله ..
.. شلونك هسه خمو تتأذة ..
.. لا اتأذيت جثير .. لكن هسه الحمدلله ..
.. مرتاح وانت كاعد لو تريد اساعدك تنام..
.. لا مرتاح.. لفي حجابج عدل صدرج مبين
.. باوعت على نفسي جان الحجاب مرفوع نزلته وابتسمت.. هو بيا حال
ومنتبه على كل تفاصيلي.ابتسمت
وكتله . راح اكوم اسويلك عصير..
ام شهم.. شوفي انتي
مااكلتي كلشي شلون غاديه خلصانه
روحي اكلي وخلي
شيرين تسويلو
.. شهم. لا تسوون شي ماريد .. اخذي راحتج
.. ممم بكيفك.. رجعت كعدت بصفة ... صار الليل وكلها راحت لبيتها . عيالي كلهم نامووو .. بقيت بس اني وياه بالاستقبال... لان تعبان مايكدر
يصعد ينام فوك بقيت يمه شفته يتألم من الجرح.. كمت سديت الباب...
تريد مسكن للألم مروان جاب
علاكة وبيها علاجك .. خل اكوم اجيبها
.. لا انطاني قبل ساعه شربت ..مشكوره ..
.. مممم صاير تحاجيني بالرسميات..
.. اييي اييي.. منو الراد هالشي ها..؟
.. انت مريض ومو وكت هالحجي ارتاح.. كمت شلت المخدة خليتها جواه.. تقربت منه .. باوعتله.. مارفع راسه بقى مندار.. حسيته مقهور مني
... رفعت راسه بأيدي
هاي ليش هيج مسوي بنفسك ..
.. هاا ليش يهمج امري...
.. يعني متخاف على نفسك.. شو تندار متباوعلي
.. لا اني انسان خاين .. عليش اخاف على نفسي
.. اوو شبيك كتلك خل نسد الحجي هسه
.. ياما كتلج خل نبدي من جديد بس ولا سمعتي مني وهسه تريدين نسد الحجي نتنظرين اصير زين حتى تفتحي مو..
.. لا موهيج بس
.. بس شنوو.. يولي انتي ماتفهميني ابد.. خلني انام وانجب بلجي ماكعد بعدد
.. هاي شبيييك ليش هيج تحجي..
.. ماكو شي انتي راح تنامين هين !
