Show ပွဲပြီးသွားသည်နှင့် တီးလုံးသံများကြားမှာ စကားသံများဖြင့် တဖန်ပြန်လည်ဆူညံလာသည်။ နှုတ်ဆက်သံများ၊ ချီးကျူးသံများ လက်ခုပ်သံများကြားမှာ လင်းလက် ဆက်မနေချင်တော့။ မိတ်ဆက်စကားများ၊ ၀ိုင်းဖွဲ့စကားများ၊ တီးတိုးချိန်းချက်ခြင်းများနှင့် လှုပ်ရှားသက်ဝင်နေတတ်သည့် နေရာတစ်ခုမှာ သူမ ရှိမနေချင်တော့။
"မပြန်ပါနဲ့ဦးမမရ။ သူ ထွက်လာလို့ မမကိုမတွေ့ရင် ဒီမိုးယံက ကျွန်တော့်ကိုဆဲမှာ။"
အိမ်ပြန်ရန် ဟန်ပြင်နေသော လင်းလက်ကို အတင်းတားနေသည့် သစ္စာကို အားနာပေမယ့် မတတ်နိုင်။
"နောက်မှ မမသူ့ကို ဖုန်းပြန်ဆက်လိုက်ပါ့မယ်။ အခုတော့.."
"လာပါ မမရာ။ ခဏလေးပါ။ မမရှိနေရင် သူ ချက်ချင်းထွက်လာမှာ။"
ငြင်းခွင့်မရလိုက်။ လက်ဆွဲခေါ်သွားသည့် သစ္စာနောက်သို့ လင်းလက် တရွတ်တိုက် ပါသွားရသည်။ ဟိုတယ် ကော်ရစ်ဒါတစ်လျှောက် ဖြတ်လျှောက်ပြီး စားသောက်ခန်းရှိရာ သီးခြားခန်းမထဲသို့ ခေါ်ဆောင်သွားခြင်းဖြစ်သည်။ စားပွဲထိုင်ခုံများ သပ်ရပ်ခန်းနားစွာ ပြင်ဆင်ခင်းကျင်းထားသော ခန်းမကျယ်ကြီး၏ ဘေးနံရံတစ်နေရာတွင် နိုင်ငံခြားဖြစ်အရက်မျိုးစုံကို နံရံကပ်စင်များတွင် ခင်းကျင်းပြသထားသော ဘားကောင်တာရှိနေသည်။ အဖိုးတန်စကျင်ကျောက်ပြားခင်းထားသည့် ကောင်တာသည် တလက်လက်တောက်ပနေသလို သားရေအုပ်ထားသည့် အနက်ရောင် ခံဝိုင်းမြင့်များ၏ အောက်ခြေထောက်တိုင်များသည်လည်း စတီးရောင်တောက်နေသည်။
"ပြန်ပါရစေ သစ္စာရယ်။ မိုးချုပ်နေပြီ။"
"ချုပ်ပါစေဗျာ။ ဒီမိုးယံ လိုက်ပို့မှာ သေချာနေတာပဲ။ ဒီကောင်က ဘယ်တုန်းက မမကိုတစ်ယောက်တည်း အိမ်ပြန်ခိုင်းဖူးလို့လဲ။ ရှမ်ပိန် ချာတိတ်။"
သစ္စာက လင်းလက်ကို ပြောရင်းမှ ဘားကောင်တာမှ ဘားမန်းကို ရှမ်ပိန်နှစ်ခွက် လှမ်းမှာလိုက်သည်။ လင်းလက်အခုအချိန်ထိ ဒီမိုးယံကို စောင့်ရမည်လား၊ ထွက်သွားရမည်လည်း ဝေခွဲမရသေး။ နောက်မှ သက်ပြင်းချကာ ခုံဝိုင်းမြင့်ပေါ် ၀င်ထိုင်လိုက်ရသည်။ သစ္စာ ကမ်းပေးလာသော ရှမ်ပိန်ခွက်ကို လှမ်းယူချိန်မှာတော့ သူမနောက်မှာ လူရိပ်တစ်ခု ရောက်လာခဲ့သည်။
YOU ARE READING
ဆူး
Romance(Unicode & Zawgyi) သူက ကျွန်တော့်ရဲ့ နှလုံးသားမှာ စိုက်ဝင်နေတဲ့.....ဆူး.....။
