ها قد عدت ياخريف، عادت اغصانك لتفقد غواليها.. تتساقط الاوراق مودعة جذوره التي غذتها واغصانها التي احتضنتها لفترة طويلة، اجلس في نهاية الممر واحاول احضر هواي كلام وكل كره الدنيا احمله لذلك الشخص الي اخذ عمر من عمري ونساني كد شي احاول اكون قوية گدامة واعكس ضعفي الي دائما يشوفة اول مااواجهة..
والمحامي يلقني شنو لازم احجي..
وحيدر وهشام وياي ماتركوني..
بيبي ام حامد جانت تسولفلي ع امي جانت تشتغل ادارية بمحكمة استئناف الموصل، وجانت تكلي ماكو نملة بالگاع مجانت تساعدها وانسانيتها فاقت كل حد گلبها كبير وتساعد الصغير والجبير يتعنون للبيت يجيبولها هدايا حلاوة الصلحة..
عرفت توفيق رب العالمين ومساعدة هواي ناس مجاية من فراغ امي الله يرحمهة الخير سوتة للعالم وگفلي بهاي الايام الصعبة هشام معافني ولا لحظة..
وحيدر رغم اعرف نيتة بس هم مقصر وياي..
جنت شادة حيلي بيهم ومتقوية..
جنت كاعدة ومستقوية وانتظر... ودا احجي ويا هشام..
ومااشوف الاجتي ايلين من نهاية الممر تركض علية.. واجتي ارتمت بااحضاني..
واني مذهولة..
واجة حسين حضني هم واني كاعدة..
ماما.. ماما.. وين رحتي وعفتينة..
بعدني مصدومة واخذ هشام ايلين بحضنة..
هلو خالو شونج حبيبتي..
شونك خالو حسين شون صحتك..
حسين؛ ماما.. صدك رح تعوفيني.. مرح تاخذيني وياج..
ماما.. سيناء راحت..
وخالة زبيدة مداريتنة بس ليش ماما مترجعين والله بابا...
واني احجي ويا حسين.. اجة صوت..
السلاااام عليكم..
هز كل كياني جنت رايدة مكان انهزم بي مايشوفني ولايشوف التغير والمكياج الحاطتة..
مااگدر ارفع راسي بوجهة.. واخلي يشوفني كل مشاعر الكره واني ابجي. وكل وعودي انساه معادت موجودة كلبي جان يدگ مثل الساعة.. واحس الحرارة وصلت اعلى درجاتها بجسمي..
مرديت حتة السلام بس اشتميت عطرة وباوعت ع بنطرونة وحذاءة الملمعة كانو رائد القديم حتة صوتة التعبان كانو ماكو تعب بي.. واثق وصوتة جهور..
رد هشام السلام بااشارة منة ماكو بينكم حجي بيناتنا الكلام لو بالقانون..
رائد؛ رباب رايدج بكلمتين..
هشام: رائد كلنالك الكلام انتهى الموضوع يم القانون بعد.. اني وثقت بيك وعبالي تصونهة بااصرار منها عليك..
بس انت خيبت كل امالنا بيك ودست بيها انت واهلك بس هسة الحجي انتهى والخواطر هم..
رجاءا ارجع مكانك وماكو داعي مشاكل..
رباب؛ كانو رائد مو ويانا.. مسمع ولاكلمة من الگالهة هشام حسيت عينة جانت مركزة ناحيتي..
وحسيت هذا من قشعريرة جسمي وحرارته ودكات كلبي الي مااعرف شون اوكفهة ع كد ماجانت قوية وقاسية.. واخرها..
رباب.. باعيني انتي راضية على هالحجي.. ليش ساكتة ليش تخلين احد يحجي مكانج..
حيدر: گالك هشام ماكو حجي بينكم شنو معناتها تلح.. تفضل ارجع مكانك واحترم نفسك..
حسيت اكو معركة رح صير واني شايفة حيدر يدفع رائد ويطلب منة الابتعاد..
احس اكو انفجار داخل رائد رح يقوم..
ومن حسيت وصلت حدهة..
رائد : انت منو.. لاتدخل..
حيدر: شيخصك انت واحد من الشارع وشاف امثالك لازم اوگف بوجهة..
رائد؛ دوخر حباب بداعت زنجيلك.. الحجي بيني وبين مرتي مالك دخل..
تلازمو.. وهشام كللهم كافي بمحكمة احنا حيدر الله يخليك صير ع صفحة..
رائد حجيت وياك بالحسنى رجاءا الجهال واكفين لاتخليني اصيحلك الامن.. احنا بقضية واكفين..
رائد؛ رباب.. هاي اخر مرة دا اكلج تعالي نتفاهم لخاطر جهالنا..
لاتخليني اروح.. ووو..
رباب؛ حتة وهو يحاول يرجعني ياامر ويهدد...
استفزني هزني واذاني..
رباب؛ رفعت راسي الة وكانو اكو صدمة ع وجهة من شافني..
مثل ماسمعت سيد رائد اني مصرة تطلكني ومااريدك بعد وبنتي رح اخذهة رضيت او لا رح اطلع حقي منك ومن اهلك.. ورجاءا بعد لاتحجي ولاتتقرب..
نسيت حسين واگف..
وحتى ايلين خافت من صوتي العالي..
وراحت انسحبت ورا ابوهة.. فسكتت..
YOU ARE READING
رصاصة الرحمة _العودة (الجزء الثاني )
Romanceهااانا قد عدت، شوقي اليك لايعادله شيئ، احببتك عشقتك كلي لك، ماذا فعلت؟ نعم كنت احمقا، كنت مشاغبا عليك قسيت.. هل ارى في عينيك حزن خوف عتب.. لماذا لاارى الحب؟ لماذا لاارى عطف؟ لماذا لااجدني بين حنايا قلبك الدافئ.. هل اضعتك، اخرجي عن صمتك، اخرجيني من ش...
