الفصل التاسع والعشرون والثلاثون
في ثانيه خلود وفريدة كانو جوة العربية
الداده بصريخ : يا لهوي الحقونا يا ناس اتلم كل الناس عليها وبدأت تحكيلهم اللي حصل واتصلوا بالبوليس في الوقت ده وصل مهاب وشاف الزحمة
مهاب وهو بيدخل بين الناس عاوز يعرف يدخل المدرسة يجيب بنته
مهاب باستفسار : ايه ده في ايه
واحد من الناس : ناس ولاد كلب خطفوا طالبة ومدرسة من المدرسة دي
مهاب بصدمة : كده قدام الناس وبعصبية شديدة : فين فريدة وراح للست اللي كانت بتعيط
مهاب بعصبية : خطفوا مين انطقي
الداده : خطفوا ميس خلود وطالبه معاها
مهاب قلبه يكاد يقف : اسمها ايه اللي خطفوها الطفلة
الداده : معرفش والله
مهاب يكاد يجن : فين فريدة بنتي
الداده بتوتر : هي اللي كان مع ميس خلود قالت لها يا ماما خلود هي دي
مهاب انصدم " عملتها يا جاسر وديني لاشرب من دمك "
جه البوليس
الظابط : في ايه ايه اللي حصل
مهاب بغضب حاول يمسك نفسه : الموضوع ده يخصني انا الادارة عندنا هتتصرف فيه
الظابط بإستغراب : مين حضرتك
مهاب بيحاول يمسك اعصابه من الاسئله الكتير : انا مهاب نور الدين امن دولة والموضوع يخصنا بس بلغوا اهل الاستاذة اللي انخطفت معاها
مهاب القي اوامره وركب عربيته وطار علي الادارة
/////////////////////
في شركة شهاب
مريم بحدة : يا استاذ انا هنا شؤون قانونية مش سكرتارية
الموظف : معلش يا انسة ميجراش حاجة سكرتيرة مستر شهاب مش هنا والشغل واقف وحضرتك معندكيش شغل النهاردة اصلا
مريم بحدة : يبقي تيجي بأدب تستأذني وتقولي مبرراتك وانا هرد بأدب لكن قلة الزوق مبتاكلش معايا
صوت حاد : ايه ده في ايه هي دي شركة ولا سويقة
الموظف بخوف : يا مستر شهاب مفيش حاجة كل الموضوع اني طلبت من الاستاذة كام حاجة خاصة بمدام سهام سكرتيرة حضرتك لاقيتها بتعلي صوتها عليا وتقول انا شؤون قانونية مش سكرتارية
شهابب بهدؤ : حقك بس يا انسة احنا هنا بنساعد بعض عشان الشغل يمشي قول لا بأدب وخلاص
مريم بهدؤ : انا فعلا كنت هعمل كده لو هو كلمني بادب حضرتك ميجيش يملي اوامره عليا
شهاب : اوك تعال معايا يا ابني وانتي اتفضلي كملي شغلك ولف ماشي ورجع لها صحيح انا مشفتكيش قبل كده
مريم بهدؤ : انا مريم محمد يا فندم جيت هنا من مكتب المحاماه
شهاب : اها لسه جديدة يعني
مريم : ايوا يا فندم
شهاب : اوك شرفتينا يا انسة مريم
مريم : متشكرة جدا يا فندم
مريم بإبتسامة : الراجل زوق جدا اهو يا جدعان
//////////////////////
مهاب بعصبية شديدة : وديني لاكون قاتله ومعلقه هنا علي باب الادارة عشان يبقي عبرة لاي حد يقرب من مهاب نور الدين
اللواء : اهدي يا مهاب مش كده انت عارف العصبية مش هتجيب نتيجة اكيد هيتصلوا
مهاب بخوف وغضب : وان متصلوش هعمل ايه مش هستحمل يحصل لها حاجة هموت
اللواء منصور : متقلقش هيتكلموا هما بيخوفوك مش اكتر وبعدين كويس ان معاها حد الحمد لله
مهاب بشرود : الحمد لله
اللواء منصور : انتو بلغتوا اهلها
مهاب : قلتلهم يبلغوهم معرفش ايه اللي حصل
اللواء : هشوف انا التطورات بنفسي انت ركز كده واهدي
مهاب هز راسه
//////////////////
في بيت محمود الغنبيمي تاج نازلة وزينب والجدة ومحمود قاعدين
تاج : السلام عليكم
الجميع : وعليكم السلام
زينب : برده رايحة المجموعة دي تاني
تاج بتوتر : يا ماما انا مينفعش اغير المجموعات علي مزاجي انا وعدت هطلب ده من المستر وان وافق هغيرها انا اصلا مش عاوزة اروح فيها تاني
زينب : ماشي يا بنتي
فريد ساكت ومتكلمش وبينفذ كلام عمته حتي بعد ما شاف لبسها الغريب عليها " جيبة جميلة عليها كلوش وبلوزة سادة سكري وحجاب بسيط خلاها جميلة جدا مع انها خرجت بدون اي مكياج "
زينب : معلش يا فريد توصل تاج للسنتر
تاج : لا يا ماما ملوش لزوم زمان خلود جاية وهتوصلني
فريد : يلا يا تاج خلود هتيجي وترجعيها تاني حرام
تاج فعلا صعبت عليها خلود فمشيت معاه
ركبوا العربية والسكوت مسيطر عليهم
فريد بتنهيدة : انا اسف علي اللي حصل مني امبارح
تاج ببرود : حصل خير
فريد : البنت دي مش كويسة ولما سمعت الكلام منها معرفتش ليه اتصرفت كده كان مفروض اجي واسالك واسمع منك
تاج بسخرية : عادي بقي متاخدش في بالك
فريد بغضب : انتي بتتكلمي بلامبالاة كده ليه
تاج بصتله : سوري والله عاوزني اقعد اعيط وادمع واقولك خلاص حصل خير ومش زعلانة سوري كان زمان وجبر
فريد بصلها بدهشة
تاج : متشكرة علي التوصيل
فريد : العفو ارجع اخدك امتي
تاج : ملوش لزوم
فريد : اجي اخدك امتي يا تاج
تاج بهدؤ : كمان ساعة
نزلت تاج وفريد لا ارادي طفي العربية وقعد يستناها لما تخرج
//////////////////////////
في البلد
الحاج سلامة : كيفك يا خالد
خالد : بخير يا حاج انا جتلك امبارح وملقتكش
الحاج سلامة : كنت بعافية شوية يا ولدي متاخذنيش
خالد : ولا يهمك يا حاج ها قلت ايه اتفقنا علي السعر خلاص
الحاج سلامة بإبتسامة : وانا ملياش راحة عن باقي زباينك ولا ايه
خالد : انت تأمر واحنا ننفذ يا حاج سلامة
الحاج سلامة : تسلم يا ولدي
خالد : الله يسلمك يارب خلاص ابعت اللي يريحك يا حاج وانا موافق من غير ما اعرف
الحاج سلامة : علي خيرة الله
خالد : انا استاأذن
الحاج سلامة : اقعد يا ولدي رايدك في حاجة كده
قعد خالد : خير يا حاج
الحاج سلامة : والله يا ولدي لولا غلاوتك ما كنت قلتلك بس ده عرض وميصحش الكلام فيه
خالد : وغوشتني يا حاج في ايه
الحاج سلامة : داير في البلد حديت كده انك انت وبنت عمك يعني سامحني يا ولدي بينكم حاجة
خالد بصرامة : حاجة ايه يا حاج ايه اللي بتقوله ده بنت عمي خطيبتي وهتبقي مرتي كمان اسبوعين تلاتة بالكتير
الحاج سلامة : مبروك يا ولدي الف مبروك متاخذنيش يعني انا بس قلتلك ده لان الناس بتقول انكم كنتو خاطبينها لخاطر بس انتو الاتنين يعني والله ما عارف اقول ايه
خالد بسرعة وحدة : الكلام ده كله غلط يا حاج بنت عمي خطيبتي اني واعمرنا ما خطبناها لخاطر انا هعرف مين اللي قال الكلام ده واجازيه باللي يستحقه
الحاج سالم : متزعلش مني يا خالد انت غالي عندي
خالد : لا يا حاج مزعلانش بس احب اعرف مين قالك
الحاج سلامة بخجل : والله يا ابني الكلام كلام حريم مرتي اللي قالتلي وطالما الكلام وصل الحريم انت عارف يبقي الموضوع كبير
خالد بتفكير : ماشي يا حاج تسلم انك قولتلي ولفت نظري
//////////////////////
في عربية فريد
YOU ARE READING
نيران تملكي بقلم fatma Ahmed" قطرة حياه"
Romanceنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
