isang libong araw --
ito ang mga araw
na aking tinahak
p a l a y o
sa kasalukuyan . . .
isanlibong buwan --
ang mga gabing
inaksaya para ang
mga landas natin ay
m a g k a t a g p o .
ngunit limang daang
seg...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Likha . . . Likha Ayala, tipikal na nilalang. Mariin akong naniniwala na wala nang natitira sa aking pagkatao. Ni sa paggising sa umaga, hirap akong pagsumikapan ang pagbangon, dahil na rin hirap akong makatulog sa gabi. Puno ng mga kaisipang ang aking isip, at madalas din ang pakikipagtalo ko sa aking sarili. Takot din ako sa mga maraming bagay na hindi ko kayang aminin: takot sa kabiguan, takot sa tagumpay.
Mataas ang inaasahan ko sa mga tao, pero mas mataas ang para sa aking sarili, ngunit, kahit na ganoon pa man, ang pagnanasa ako ay ang buhay na pangkaraniwan lamang. Magiging masaya akong maninirahan sa malawak na palayan nang mag-isa, o kaya'y magsaya sa malimlim na liwanag ng buwan.
Wala akong pakialam sa mga maka-mundong bagay o sa tulak ng kapalaluan . . .
Subalit, may marubdob din akong paghahangad, na kahit papaano, ako'y magkaroon ng dahilan o layon sa mundong ito.
Kaya, nagsimula ang lahat sa nakapalibot na kaparangan sa isang liblib na bayan, noong inilibot ng nag-iisang babaeng anak ng mga Ayala ang kanyang mga mata sa paligid, kasabay ng pagsaksi sa pagdanak ng dugo ng kanyang kinauukulan.
o kaya't sa mas simplengsalita: may isang liham akong natanggap na naging rason ng aking paggising sa kapanahunan ng rebolusyunaryongLabanan sa Binakayan-Dalahikan, kung saan ko masusubaybayan ang pulos mortal kong buhay na nahuhulog sa kapanglawan at trahedya.
❛ ━━━━━━━━･❪ ❁ ❫ ･━━━━━━━━ ❜
INSKRIPSIYON
Sa paghulma ng panahon, ang iyong pangalan ang aking sasambitin . At sa paglamlam ng liwanag , kalakip ng maliyong pag-asa . . . nawa ay kapwa nating magtapuan ang ating mga landas.
