ورد لمن فقد اب
ورد لمن فقد ام
ورد لمن فقد اخ
ورد لمن فقد زوج
.
. ....
ورد لكم مني متابعيني واعتذر لكم عن قساوة البارت ....
فقد الاحبة لايعوض...
........
.......
زمن القلوب الحقيرة
علي البدر
البارت الحادي والعشرين
....
....
جانت ليله صعبه مرت علينه ....
جنه ننتظر اي خبر من صافي يطمنه.....
جنت كاعده ابجي انه واخواتي عله صافي....
غفيت وانه مادري بنفسي غفيت بس لحظات وشفت بالحلم كأنما عندي عصفور حلو حاطته بيدي وفجأه طار هذا العصفور وركضت وراه ومالزمته.....
فزيت وانه ضايجه عله عصفوري.....وابجي عله صفاوي ماكو اي خبر ...
....
انتضرنه الليل كله ماكو خبر وجنه خايفات ونبجي ونصارخ
جان عدنه دليل مال ارقام التلفونات الارضية طلعته نغم ودكت ع المستشفى العام اللي اخذوله صافي.. وانطتهم الاسم
ها شكالولج عن صافي...
ردت علينه وهي تبجي ....
كالولي بيد الله ووضعه مو مستقر ...
بقينه للصبح ندعي ونبجي عله صافي ومانكدر يمر يوم وصافي بعيد عنه....
انكشف وجه الفجر واحنه ماخذت عيونه نوم ابدا .....
ورجعت نغم اتصلت عالمستشفي بلكت اي خبر عن صافي و محد جاوب ....
ضلينه بقلق وخوف ورعب لان ماكو اي خبر من صافي ......
ولا جان بذاك الوكت اكو نقالات او تواصل سريع علمود نتصل ونطمن جنه بس عله التلفون الارضي.....
...
..
ضلينه نتكلب ونتمرمر النهار كله ....لحد ماصارت الساعه بثلاثه العصر .....
كلت لخواتي راح اطلع للشارع بلكي يجون....
والله طك كلبي عله صافي ....
طلعت اتمشى وعيوني مورمه من البجي والله شوية ولمحت سياره من بعيد....
....
....
نزلت منها امي دشداشتها مشكوكه اي نعم شفت امي بمنظر ماشفتها عليه منقبل ..... الشعر منفوش والخد مصلخ من اللطم ويصب دم وصدرها احمر وحافيه وتصرخ ......
وابوي حافي ويركض مثل المسودن.....
اول مرة اشوف ابوي يصيح ويلطم عله وجهه مثل النسوان وجان هم حافي ودشداشته مشكوكه.....وزيجه هادل ولزم طابوكه وظل يدك عله راسه ويصيح بوية صافي لاتخليني يابوية....
....
....
زينه جانت تركض كبلهم مثل المجنونه تروح بالشارع وترجع وجان شعرها منفوش
....
....
امي كعدت عله ركبها تلطم وتذب تراب عله راسها وتصيح ....
....
....
ولك يمه هديت حيلي يمه صافي لاتموت ...والله اموت وراك ياصافي يايمه ...
....
...
ماجنت استوعب الحجي التحجيه امي ابد ولا جنت متصورة ان هذا الشي حقيقي ....جنت اتوقع انه بحلم
....
....
الناس التمت عله امي ودخلوها للبيت واني ضاله واكفه بمكاني .مو فاهمه شنو صار بصافي ....
.....
....
.. .
دخلو للبيت دخلت وراهم.... وجنت عين عالشارع ... وعين عالبيت اريد اشوف صافي وينه ......
.....
....
مايهموني كلهم ...لا ام ولا ابو ولا اخت ولا جوارين انه ادور عله صافي اريد اشوف شصار بيه وينه ليش مو وياهم.....
VOCÊ ESTÁ LENDO
زمن القلوب الحقيرة
Aventuraرحلة فتاة مع الفقر والالم واليتم .....تعيش حقبتين من الوجع ....تمر بضروف غريبة استثنائية .....قراءة ممتعه
