ANO NGA BANG KABABALAGHAN ANG BUMABALOT SA BIGLANG PAGTIGIL-TIGIL NG ELEVATOR SA ISANG GUSALI SA MANDALUYONG?
ANO ANG TUNAY NA KWENTO SA LIKOD NG MISTERYO NA NARANASAN MISMO NG NAGBAHAGI NG KWENTONG ITO?
BASAHIN. AT IKAW NA MISMO ANG TUMUKLAS.
ISANG MADALING ARAW IYON NANG PAPASOK PA LAMANG AKO SA AKING TRABAHO. HINDI NAMAN SA PAGMAMAYABANG PERO AKO AY ISANG RADIO ANNOUNCER SA ISANG AM RADIO STATION SA MANDALUYONG, MORNING SHOW KASI ANG SCHEDULE KO AT KAILANGANG THREE HOURS BEFORE AIRING AY NASA STATION NA AKO PARA MAKAPAGHANDA NG MGA NEWS HEADLINES. NATAON PANG ABSENT ANG SEGMENT PRODUCER KO NG ARAW NA IYON KAYA DAGDAG PRESSURE PA SA AKIN.
BUMABA NA AKO NG TAXI, MGA ALA-UNA PASADO NA IYON NANG MADALING ARAW. MALAMIG ANG PANAHON KAYA BUMILI AKO NG HOT CHOCOLATE SA ISANG CONVENIENCE STORE NA NASA GROUND FLOOR NG BUILDING. KONTING HIGOP PARA MAGISING ANG DIWA KO. NAKITA KO RING NASA LABAS ANG ILANG CALL CENTER AGENTS, NAKA-LUNCH OR YOSI BREAK SA MAY LOBBY. DOON KASI SA 51 STOREY BUILDING NA SUMMIT TOWER KUNG TAWAGIN AY MAY TATLONG BPO.
TULOY-TULOY AKO SA LOOB NG BUILDING. NAKITA KO SI MANONG GUARD NA BUMATI SA AKIN NG MAGANDANG UMAGA NANG NAKANGITI HABANG NANONOOD NG NBA SA YOU TUBE. NGINITIAN KO RIN SIYA AT PABIRONG BINATI NG MAS GWAPO KA SA UMAGA KUYA HABANG PAPALAKAD NA AKO SA ELEVATOR. NUNG SANDALING IYON AY AKO LANG ANG MAG-ISANG NANDOON NAG-AABANG NG PAGBUKAS NG ELEVATOR. TATLO ANG ELEVATORS NG BUILDING. YUNG NASA GITNA AY NAKITA KONG PAPAAKYAT AT NASA 41ST FLOOR NA HABANG YUNG IKATLONG NASA GAWING DULO AY UNDER MAINTENANCE DAW AYON SA KARATULANG NAKAPASKIL. SAMANTALANG ITONG TINAPATAN KO AY ANG ELEVATOR NUMBER ONE AT NAKITA KONG PABABA NA IYON. NASA 28TH FLOOR NA IYON NANG MAPANSIN KONG TUMIGIL ANG POSITION INDICATOR NUN
PASULYAP-SULYAP AKO SA AKING WRIST WATCH HABANG HUMIHIGOP SA PAPERCUP NG HOT CHOCOLATE. NAGTAKA AKO SAPAGKAT NAGTAGAL PA NG ISANG MINUTO ANG ELEVATOR SA FLOOR NA IYON AT PARA SA AKIN AY TILA HINDI NORMAL PARA SA ISANG MADALING ARAW NA LOAD. PERO ISINANTABI KO YUNG PAGKAINIP AT INISIP KO NA LANG NA BAKA MADAMI ANG SUMAKAY SA FLOOR NA IYON. MAY ISA'T KALAHATING MINUTO NA IYON NANG NAPATINGIN ULIT AKO SA INDICATOR. NASA 28TH PA RIN. KAYA NAGDESISYON AKONG PINDUTIN ANG ARROW DOWN NG GITNANG ELEVATOR SA PAGBABAKASAKALING MAS MABILIS IYON NGUNIT SABAY SA PAGPINDOT KO AY NAWALA BIGLA ANG ILAW NG INDICATOR SA GITNANG ELEVATOR. NAPAKUNOT AKO NG NOO KAYA SINILIP KONG MULI SI MANONG GUARD SA LOBBY SAKA KO SINABING MUKHANG SIRA ANG ELEVATORS.
AGAD NAMAN AKONG TINULUNGAN NI KUYANG GUARD SA PAGPINDOT NG MGA BUTTON. NANG MAKITA RIN NIYANG MAY PROBLEMA IYON, AGAD SIYANG BUMALIK SA LOBBY AT NAG-DIAL SA PHONE. MUKHANG NIREREPORT NI KUYANG GUARD ANG PANGYAYARI NA AGAD KO NAMANG BAHAGYANG IKINAHIYA DAHIL NAKAABALA PA AKO PERO SA ISANG PUNTO AY NARARAPAT LAMANG.
HABANG MAY KAUSAP SI KUYANG GUARD AY NAKITA KONG AGAD NANG GUMALAW NANG PABABA ANG PULANG POSITION INDICATOR AT NASA 27TH, 26TH, 25TH AT 20TH NA SA WAKAS AT NAGTULUY-TULOY NA ANG PAGBABA NITO. MULI KONG PINUNTAHAN SI KUYANG GUARD PARA SABIHING OK NA ANG ELEVATOR SABAY HINGI NG PASENSYA SA ABALA. NO PROBLEM MAM SABI NAMAN NIYA SA AKIN NANG NAKANGITI PA RIN HABANG BINABABA ANG TELEPONO. AT FINALLY, NAGBUKAS ANG STAINLESS STEEL DOOR NG ELEVATOR NA MAY TATAK PANG LOGO NG PANGALAN NG BUILDING. NAKITA KONG MAY LIMANG LALAKING ANDOON AT NAGTATAWANAN PA HABANG PAPALABAS. YUNG HULING LALAKING PAYAT NA LUMABAS AY NAKITA KONG PAWIS NA PAWIS HABANG NAGSASABING AYOKO NG SUMAKAY DIYAN, TANG-INA NANGTA-TRAP NG TAO. NILINGON KO SIYA NANG NAKAKUNOT ANG AKING KILAY SAPAGKAT DI KO MA-GETS YUNG SINASABI NIYANG IYON.
PININDOT KO ANG NUMBER 40 SA BUTTON. PASARA NA SANA IYONG ELEVATOR NANG BIGLANG MAY NAGLUSOT NG KAMAY KAYA NATIGIL ANG PAGSARA NITO. ISANG BABAE NA NAKAITIM NA JACKET AT NAKA-PONYTAIL ANG PUMASOK AT NAKISABAY SA AKIN SA ELEVATOR. BINATI KO SIYA NG MAGANDANG UMAGA PERO DI SIYA SUMAGOT BAGKUS AY PUMINDOT LANG NG BUTTON AT NAKITA KONG SA 41ST SIYA. NAPAHIGOP NA LANG AKO SA HOT CHOCOLATE NA UNIT-UNTI NANG LUMALAMIG. PAAKYAT NA ANG ELEVATOR. HABANG PAPATAAS ANG AMING SINASAKYAN AY KUMUKUTI-KUTITAP ANG PUTING ILAW SA LOOB NG ELEVATOR. NAPATINGALA AKO RITO AT PAGKATAPOS AY LUMINGON SA INDICATOR PARA MALAMAN KUNG SAANG FLOOR NA KAMI - NAKITA KO NASA 20TH PA LANG KAMI. NILINGON KO NANG KONTI ANG KASAMA KO SA LOOB. SA PAKIWARI KO AY NAKATINGIN LANG SIYA SA KANYANG REFLECTION SA STAINLESS STEEL DOOR. UMURONG SIYA PALOOB NANG MAKITANG NAKATINGIN AKO SA KANYA AT AGAD KO NAMANG INILIPAT SA SAHIG ANG AKING PANINGIN. AT BIGLANG TUMIGIL SA 28TH FLOOR ANG ELEVATOR.
ITUTULOY ...
TRUE STORY BY IVY KAYE
WRITTEN BY of PLAKADO Prodaxons (for Hilakbot TV)
NARRATED BY RED
SUBSCRIBE @ HILAKBOT TV You Tube Channel
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
