سما بدموع : اه خلاص كدا كل شي انتهي يا منة الخيط اللي كان فاضل اتقطع الخيط الضعيف اللي كان عندي امل في راح ربنا بسعدو يارب الدنيا دي نصيب وكل واحد بياخد نصيبو وهو اخد نصيبة وانا اخد نصيبي خلاص
منة ببكاء : انا مكنتش عايزة اقولك عشان عارفة انك هتتعبي رغم كل الكلام اللي انتي بتقولي وانك عارفة انه هيتجوز بس كنت متاكدة ان ساعة الجد احساسك هيتغير وهتتعبي والله ما كنت عايزة اقولك مش قادرة اسمع صوتك وانتي كدا بجد حرام عليكي نفسك
سما بتمسح دموعها : انا كويسة جدا يا منة جدا متقلقيش عليه يالا سلام عشان تشوفي وراكي ايه وتجهزي نفسك
منة : لسة بدري جدا
سما : معلش انا لازم اقفل عشان ماما بتنادي عليه
منة وبتتالم عشانها : ماشي حبيبتي سلام
(قغلت سما مع منة وانهارت)
سما رمت نفسها علي الارض وفونها وقع من ايديها ورفعت راسها للسماء بدموع : يااااارب انا راضية بقضاءك وبامرك بس خفف عني شوية لاني تعبانة انا عارفة ان كل شي نصيب بس كنت بتمني يارب لو هو دا نصيب كل واحد فينا فقوي قلبي و دخل الراحة في قلبي مع الشخص اللي هيبقي نصيبي يارب
(مريم واقغة وراء باب غرفة سما بتبكي عليها )
مريم ببكاء : سما حبيبتي اهدي ارجوكي محدش يستاهل انك تعملي كدا في نفسك
سما ببكاء : حلمي راح مني خلاص هو كان رايح من ساعة ما سبنا بعض بس كان عندي ذرة امل بس خلاص راحت للابد مهاب انهاردة واحدة غيري هتبقي علي اسمة واحدة غيري هتعيش عمرها كله معا كان بيقولي انا هبقي ام عيالة بس مش هتبقي انا يا مريم مش هبقي انا حد غيري هيبقي ام عيالو
مريم بعياط زيادة علي اختها : خلاص بقي يا سما وجعتي قلبي يا حبيبتي كل شي نصيب وهو دا نصيبك وانتي خلاص كلها ايام وهتبقي علي ذمة حد تاني برضو وانتي عارفة الكلام دا فليه عاملة كدا في نفسك ليه
سما ببكاء : كان عندي امل ان هيفضل متمسك بيه كان عندي امل يقف قصاد الكل كان عندي امل يفف حتي قصادي انا ويقولي هخدك غصب
( في شركة الحديدي )
سيف بستغراب : في عريس انهاردة كتب كتابه ويجي الشغل
مهاب بخنقة وحزن : انا مخنوق اوي يا سيف حاسس اني عايز اوقف كل شي مش قادر اكمل مش قادر اكون مع واحدة وتبقي مراتي غير سما مش قادر اتخيل ان في واحدة غير سما هتبقي علي ذمتي انهاردة
سيف : ايامة حذرتك وقولتلك مسمعتش كلامي انت اللي عملت في نفسك كدا قولتك بس انت كنت مشيل نفسك ذنب مش ذنب شيلت نفسك انت وسما ذنب موت اخوك ونسيت ان تعددت الاسباب والموت واحد هو كان نصيبه بس هنقول ايه في دماغك يالا اهو اللي حصل
مهاب بحزن وحيرة : اعمل ايه بس اعمل ايه غصب عني
سيف : يالا ارضا بنصيبك واللي حصل حصل خلاص مفيش وقت تغير اي شي
مهاب : خلاص صح عندك حق يالا انا همشي عشان الحق اجهز
(في فيلا الحديدي)
(في غرفة منة عمالة تعيط علي سما و مهاب ومش قادرة تلبس ولا تجهز نفسها مش هاين عليها تعمل حاجة وهيا عارفة هما قد ايه بيتعذبو )
&لقت الباب بيخبط &
منة وبتمسح دموعها : ادخل
دخل مهاب : ازيك يا منة مالك شكلك معيط ليه
منة بدموع وبتشهق : لا مفيش حاجة
مهاب بخضة : مالك في ايه سيف مزعلك ها قولي وانا اكسرلك دماغة
منة بصتلو : لا اكسر دماغك انت لانك جارح سما جدا
مهاب قعد علي السرير بحزن وخيبت امل : انا مجروح اكتر منها ومن اي حد يا منة انا محدش حاسس بيه ولا بي دا( وبيشاور علي قلبة ) ولاحد حاسس هو قد ايه موجوع وبينزف من جوة ازاي
منة : طيب وبعدين خلاص كدا قصتكم انتهت
مهاب بحزن : يمكن انتهت ويمكن لسة مش عارف بس اللي اعرفه ان لسة الخيط واقف علي شعرة بس عايز اطلب منك طلب
منة : اتفضل اطلب
مهاب : عايز اشوف سما للمرة الاخيرة ارجوكي
منة : بس ازاي طيب
مهاب : اتصرفي يا منة دا اخر طلب هطلبو منك بس حققهولي
منة بسرحان : حاضر
( عند سهيلة في الغرفة بتتكلم في تليفون امها )
سهيلة بضحك : خلاص يا ماما هبقي ست البيت تاني رسمي
امها :عايزاكي تاخدي علي قد ما تقدري وتخلي خاتم في صباعك
سهيلة : اعتبري حضل يا مامتي
( في بيت سما في غرفتها )
سما : طيب انتي عايزاني في ايه يامنة انتي مشغولة انهاردة خليها يوم تاني
منة باصرارة :لا دلوقتي هما عشر دقايق وارجعي يالا هقبلك ،،،،،،،،
( في المكان اللي منة قالت عليه لسما )
سما واقفة منتظرة منة وفجاة سمعت صوت
تعرفي انك وحشتيني اوي وبحبك اوي ومقدرش استغني عنك والايام هتثبتلك دا
بصت سما بدموع لمصدر الصوت : انت ازاي وفين منة وانت ايه اللي جابك هنا
مهاب :منة في الفيلا ومش هتيجي لاني انا اللي هقبلك مش هيا
سما بغيظ : وهيا ازاي تعمل حاجة زي دي انا غلطانة اني جيت
لسة هتمشي مهاب مسك ايديها :ارجوكي يا سما استني اسمعيني
سما : عايز ايه وسايب كتب كتابك وجاي ليه عايز ايه مني ارحمني بقي ليه بتحب تعذبني ليه مستمتع بعذابي اوي كدا
مهاب : انا مستمتع بعذابك ازاي وانا اصلا بتعذب اكتر منك يا قلبي
سما بتحذير : لو سمحت انا مش قلب حد مسمحلكش انا مخطوبة وكلها ايام وهبقي علي ذمتة ومقدرش اخونة
حتي بي مشاعري فارجوك اخرج بقي من حياتي عيش مع سهيلة وسبني انا كمان اعيش بطل تعذبنا بقي
مهاب : انا جيت انهاردة عشان كان لازم اشوفك واقولك انا بحبك اوووووي يا سما وعمري ما حبيت ولا هحب حد غيرك مهما حصل يا سما ومسير الايام هتثبت دا وهتعرفي قد ايه بحب و مشتاقلك جدا وعمرك ما هتكوني الا لمهاب الحديدي يالا سلام يا سما
(مشي مهاب وساب سما بي حيرتها و دموعها وفرحتها وشعور غريب مخطلت يحمل كل الشعور )
(بليل في فيلا الحديدي الكل متجمع وجاهز لاتمام حفل كتب الكتاب وزفاف مهاب وسهيلة )
سهيلة بفرحة : انا مبسوطة جدا اني خلاص هبقي مراتك يا مهاب
مهاب بيبصلها ومستغرب وبيكلم نفسة : هيا ازاي فرحانة كدا ونسيت شريف بسرعة دي فين الحب اللي كانت بتحبهولو راح بسهوله دي
سهيلة : مهاب مهاب ايه انت كل شوية تسرح ايه مش مبسوط اني شوية كدا هبقي مراتك
مهاب بحزن : لا ازاي مبسوط جدا طبعا
الفت : يارب يارب مالك اتاخرت ليه بس يارب يجي قبل ماحاجة تتم يارب
نصر : يالا يا ولاد الماذون وصل
الفت بصدمة : ازاي ازاي لا مستحيل انا لازم اوقف الجوازة دي انا
قاعدت سهيلة و مهاب جنب الماذون والجميع في انتظار عقد القراءن والفت في انتظار اللي هيجي يوقف الجوازة
(لسة الماذون هيتكلم لاقي صوت قطعو )
علي ماظن ان مينفعش تتجوزي وانتي متجوزة يا هانم مش كدا
سهيلة في حالة صدمة : ايه دا هو اهو رجع تاني اهو
....... : ههههههههه متقلقيش المرة دي الكل شايفني
الفت بفرحة : الحمدلله انك جيت كنت هموت من الرعب من تاخيرك
مهاب بصدمة : شريف ازاي دا ازاي انت شريف
شريف بابتسامة : ايوا شريف يا مهاب
مهاب : طب ازاي واللي قاطعة شريف
شريف : واللي ادفن انا هقولكم ازاي
أنت تقرأ
وفراقتنا الايام للكاتبه ميمو مصطفى
Romanceجميع حقوق الملكية تخص الكاتبه ميمو مصطفى صفحه الفيس بوك باسم : ميمو مصطفي_Memo Mostafa
