عمي ده اخو ابوي الله يرحمو الوحيد اسمو احمد محمد الحسن ، وبشبهو شديييد ياخ من كل النواحي ❤ يلا عشاان هو شبه ابوي انا بحبه شديييد وبحترمه ، ما بساويه ب زول ..
كان شغال مع ابوي هناك ف السعودية ومستقرين هنااك ، بس لظروف خلتهم يرجعو القرية حقتهم ..
عندو مرتو دي عسسل عسسسل يااخ ❤ حبوبة وطيوبة ومسكيينة شديد مع الكبير كبير والصغير صغير ..
عندها ولد وبت " لجين ، لؤي " .. لجين دي تقريبا اكبر مني بسنة بس بتقرى اقتصاد ، اما لؤي ده اتخرج وشغال مع ابوهو ف الشركة واتنقلو للقرية وعملو مصنع خاص فيهم وكده ..
يلا بعدها جيت لامي فرحانة ان عمي اتصل وبقيت بقول ليها اضربي ليه سرييع سرييع وهي تقول لي بطلي جنك ده والا م حضرب ليه ، خلاص خلاااص يا امي اهو قعدت هادية اها 🙊
غاايتو جنك ده م بتبطليه ، سمح اها هاك ضرب
الووو عمو يا عموو مشتاقيين والله ❤
عمي : يا حبيبة عمو انتي مشتاقيين ليك شديد وينك انتي م بتسألي علينا ولا حتى اتصال
جوان : ي عموو ياخ العفو بس زي م عارف كنت ممتحنة وتلفون شالوه مني 🙄🙄
عمي : ايواا ده حنك منك ولا كيف
جوان : شنو شنو انت بتقول حنك 😂😂😂😂 لالا دقيقة دي قصصة عاوزة ليها قعدة والله
عمي : يا بت بططلي ديل الاولاد ديل بسمعهم بقولو كده
جوان : وانت حاكييتهم يعني 😂😂😂
عمي : يا بت بطلي بكش ومبرووك ليك رفعتي راسسنا والله
جوان : الله يبارك فيك ي عموو بس جبتها كيف م عارفة 😂😂
عمي : اي عارفك مجنونة وشيطانك السحري ده بكون ساعدك 😂😂😂
جوان : اها ي عمو كيف خالتو منى ولجين وولدك المشعر داك اسمو منو ؟؟
عمي : لؤي 😂😂😂😂
هاك هاك لجين عاوزة تتكلم معاك ، الووو بت عمي المجنونة مبروووك ليك جبتيها كييف دي
جوان : ي بت هي انا زولة شااطرة ومكملة الشططارة
لجين : هييي يكااااا👏
جوان : لسة م بطلتي عبططك ده 😂😂😂😂😂😂😂
لجيين : هو انتي بطلتي جنكك
جوان : اسمعييني خلاص اقطعي وشك ده م فاضية ليك انا ، وسلمي ع خالتو منى شديييد لما تجي
لجين : اي بقيتي بت جامعة وكده ❤
بعدها قفلت فيها الخط لانها لا حس لا خبر ممكن عادي تقعد تبريك للصباح 😂😂 اديت التلفون ل امي وطلعت ع غرفتي فوق نزلت الرصيد وفعلت النت ، لقيت كمية رسايل م طبيعية ف الواتس والفيس .. ومن ضمنهم اسراء ومحجوب اول شي مشيت عملتها حظرتهم وحذفت كل الرسايل المتعلقة بيهم .. وخشيت ع الاستديو مسحت اي صور لينا مع بعض وبتخصهم وبالتالي بديت حيااتي جدييدة نظام بت جامعية وككده 😂😂😂😂😂😂😂
بعدها بدت التجهيزات ل قبول الجامعات وكده ، قدمت كذا جامعة بس ف النهاية قبلوني ف الخرطوم وشنو علووم سياسسية ❤👏👏 حلمي حببه حبة بدا يتحقق 😭❤ وبديت اجهز هدوم الجامعة والشنط والاسبورتات وبقيت بتعود ع الاسكيرتات عشان م بعرف حياتي كلها بناطلين كانت 😂😂😂😂 ويااخي مززة والله بالاسكيرت 😂😂😂 بس المشي الله لا وراكم ليه 😂😂
المهم عدت الايام والجامعة خلاص قربنا ننزل فضل يومين بس وفيني كمية حمااس كده م طبيعية ، لان حمشي من مرحلة ل مرحلة تانية ..
جا اليوم الليلة وبكرة الجامعة وجهزت هدومي وشنطتي وحاجاتي كلها ختيتها بقيت عاملة زي الشافع لما يجهز هدوم العيد 😂 المهم واليوم ده نومته بددري وختيت تلفوني ف الشاحن ويا السريير جاك زوول ..
بعدها صحيت الصباح زي ٦ كده دخلت استحميت واتوضيت وجيت صليت ، بعدها نزلت تحت ل نبع الحنان صبحت عليها وبقينا نتكلم ان الشعور كيف وكده ، قلت ليها ف حبة حماس ع خوف كده م مفهووم ❤
ودعت لي احلى دعوة صباحية " ربنا يسهل خطاك ويوفقك " ..
بعدها ركبت مع السواق وانا قلبي شغال دق دق لاني حقابل ناس جديدة ، مجتمع جديد وحياة جديدة ..
بعدها وصلت الجامعة ، صح م وريتكم لابسة شنو ، لابسة اسكيرت اسود فنايلي ومعاه قميص ابيض فيه شغل بالكبدي وجزمة اسبورت كبدية وطرحة كبدية والشنطة كبدي 😂😂 دخلت الجامعة برلومة برلومة ظااهر علي 😂😂😂 والناس كلها بتعايين وانا مخلوعة شدييد 😂😂😂
بعدها لقيت لي زي مسطبة كده قعدت فيها وركبت سماعاتي عاينت للجدول لقيت المحاضرة بتبدا 8 اوووف ملل شديد ، قلت خلاص امشي اشوف الجامعة كلها عشان اعرف لحدي م الزمن يجي فعلا شلت رجلي ومشيت بقيت بعاين ف كل حتة وياااه جامعة حلوة شدييد وكمية الاشجار الفيها ❤ بعدها عاينته للساعة لقيتها ٧:٣٠ اوووه شت لقيت لي بت سألتها قاعة البرالمة بتاعت سياسية وين وهي زاتها زيي برلومة وعاوزة تسأل 😂😂 بقينا نضحك لقينا لينا شلة كده سألناهم فعلا ورونا بس كنت خايفة ومترددة انهم يبرلمونا 😂😂 مشينا قعدنا ف البينشات واتعرفنا اسمها اسيل ، وقعدنا نتونس ونضحك لحدي م المحاضر جا وبدا الزعط ..
يتبع ..
