بعدها قلنا نرجع عشان الزمن خلاص وبحكم نحن انتهينا من محاضراتنا كلها شلنا ارقام بعض سيفناها وكده ..
الحقيقة ماف حاجة تستاهل تشدنا في الزول غير حنيته 🖤
ايوة الناس الحنيتهم سابقة كل حاجة في ردة فعلهم ، البتعبر عن الجواهم ولو بإبتسامة ..
الناس الما بتهون عليهم يزعلو زول ولا زول يزعل منهم لان في تفاصيل كتيرة هم بيعدوها ويفوتوها ..🖤
الناس الما ليها في القسوة حتى مع الحيوانات ولو شافوها بالصدفة ..
الناس دي مهما كبرت في السن حتفضل ملامحهم حلوة لان روحهم مدسوسة فيها ..
الناس دي حلوة جدا في تفاصيلها البسيطة ، في لين قلوبهم وروحهم ، وطريقة تعبيرهم عن احساسهم تجاه البحبوهم ..🖤
" الناس دي هدية ربنا لينا ، فيارب بيهم اغنينا "🖤
ضربت للسواق يجيني واسيل امها من الشغل بتجيها ، ف حوصل رنا لانها ف طريقي ، والاظظرف انها شارعين بس من بيتنا 😍😍 احمد قعد مع اسيل وانا ورنا اتحركنا وكلمت عمو ان يوصلها و وصفت ليه البيت وكده ..
طول الطريق قعدنا نتونس ونتعاور ونتصور 😂😂😂
وصلت رنا ووصلت البيت هلكاانة ب الفتة دي حاسة نفسي سنة ل قدام م حاكل 😂😂😂 دخلت لقيت امي قاعدة تحضر جيت سلمت عليها وسألتني اليوم الاول كييف وحكيت ليها من الاول وبقينا نضضحك ❤
بعدها طوالي ع غرفتي دخلت اتوضيت وجيت صليت الظهر والعصر سوا ، استحمييت وجيت اترميت ف السرير نومته م صحيت الا العشا 😂😂 صحيت جعانة شديييد نزلت تحت لقيت امي وشها شاحب كده سألتها مالك قالت حاسة ب لفة راس من قبيل وتعبانة مشيت قعدت جمبها وبقيت المس لو في حرارة او لا بس ماف شي ، طمنتني ان حاجة عادية وحتتحسن دخلت المطبخ عملت ليها عصير ليمون بارد وخليتها تشربو ورقدتها وغطيتها ، قلت ليها حصلي العشا وحجي انوم جمبك الليلة اصلي لي زمممن من حضنك يمة ❤
قالت لي لا م تشيلي هم وانها كويسة بس م بعرف ف حاجة قابضاني شديد ومخوفااني ، دخلت صليت العشا وصليت لي ركعتين كمان بقيت بدعي بس من غير سبب ان يخلي امي ويطول لي ف عمرها م عارفة الخلاني اقول كده شنو ، وبقيت بستغفر عسى ولعل القبضة دي تمشي 💔 جيت ل امي وبقيت بعاين ف ملامح وشها كيف بقت باهتة وكأن ميت ليها زول لا اراديا بقيت ببكي بس السسبب شنو م بعرف تاني بقيت استغفر ..💔
ف اللهم اجعله خيير بس ❤ نمته جمبها وبقيت ماسكة يدها وغفيت م صحيت الا هي بتصحيني قومي حتتأخري ع الجامعة ..
جوان : طيب حاضر ي امي ، اها انتي بقيتي كيف احسن ؟؟
ميساء : اي حبيبتي صح نومتي جمبي معناها احسن ب كتير ❤
هي بتقول كده بس م ظاهر ف وشها 😭😭 يا الله ف شنو وانا لي خايفة للدرجة دي كلها بقيت اطرد الافكار الكعبة البتجيني واستغفر ..
دخلت استحميت وجيت صليت ، جيت ل امي اشرب معاها الشاي ..
جوان : يمة انتي لو م كويسة انا بقعد معاك ونمشي دكتور
ميساء : لا ي بتي انا كويسة الحمد لله والحارس الله ، امشي جامعتك وم تشيلي هم ❤
بعدها لبست هدومي ومشيت ع الجامعة وانا م علي بعض خايفة ع امي شدييد ، لقيت ف البوابة اسيل سألتني مالك من الصباح مكشرة
جوان : اسيل امي تعبانة وم عارفة من شنو امبارح الصباح لحدي اخر لحظة كانت بتضحك معاي بليل وشها بقى شاحب زي الميت ليها زول وتعبانة ولفة راس
اسيل : ي بت خير م تخافي واستغفري ربك ما في شي ان شاء الله
جوان : ان شاء الله ، رنا م جات ؟
اسيل : فوق ف القاعة حاجزة لينا ،
يلا نمشي طيب ..
طلعنا فوق القاعة وكان عندنا محاضرة واحدة بس حضرناها وانا اصلا م مركزة معاها بس مع امي وانها بقت كيف !! المحاضرة انتهت قالو حيمشو يفطرو قلت ليهم انتو امشو انا ماشة البيت ل امي اقعد معاها حبة ..
رنا : ي بت انتي ده شنو الكلام البتتكلميه ده وكأن حتموت اتفائلي خير ودي حاجة طبيعية والله ، بعدها احمد جا ولقى وشوشنا م بتتفسر ..
احمد : مالكم ف شنو والمات منو ؟؟
اسيل : بعيد الشر مالك يااخ اتفائل خير من الصبااح ،
احمد : انا عارفكم كلكم كده مكشرين زي الميت ليكم زول ، وجوان مالها منو الزعلها
رنا : احمد م تنق كتييير ياخ ماف شي بس امها تعبانة
احمد : ها القصيرة دي انتي اسكتي ، جوان ارح تعالي بوصلك انا معاي عربية ومنها اشوف خالتو يلا ارح
مشيت مع احمد وانا م فاهمة شي بس العلي اصل ل امي .. طول الطريق ساكتة وهو بحاول يقتح معاي مواضيع ويضحكني بس ماف نتيجة ..
وصلنا البيت لقينا ف ناس كتيرة واقفة تحت انا هنا قلبي اتقبض وجسمي نمل شديد وبقى م شايلني وخشمي ده تقل لما بقيت م قادرة احركو ، بقيت بقول ليه احمد ف شنو هنا وديل مالهم وامي ......
احمد مشا للناس طلع ف عقد ف الحلة البي هنا وجو ب جاي عشان الطريق مقفول ب الصيوان ، انا هنا بس بقيت اقول الحمد لله الحمد لله ، طلعت بيتنا فوق ل امي فتحت الباب سلمت عليها وعرفتها ع احمد ..
جوان : كيف بقيتي امي
ميساء : احسن والله بس الل لفة الراس دي
احمد : سلامتك ي خالتي ارح نمشي المستشفى انا معاي عربية تحت عشان يقدرو يدوك حاجة وبتك الخوافة دي م تكشر وشها فينا ..
ميساء : لالا ماف داعي ي ولدي ب الحاجات الطبيعيه ببقى كويسة
جوان : لالا ي امي كلام احمد صح ارح امشي البسي نحن حننتظظرك هنا
ميساء : طيب بس اصلا ماف داعي لان ماف شي خطير
انتظرنا امي لحدي م تلبس وفعلا ركبنا العربية ومشينا المستشفى ، هناك عملو ليها فحوصات دم وضغط وسكري بس ماف شي الفحوصات كلها نضيفة الحمد لله ، قلت للدكتور هي بتقول عندها لفة راس بس قال لينا خلاص امشو اعملو رنين مغنطيسي عشان تتطمنو بس هي م عندها شي ، فعلا مشينا عملنا رنين وجينا تاني للدكتور قال لينا صح كلمتكم م عندها شي الحمد لله ، بس ده بكون ارهاق ساي ومن الوقفة الكتيرة وكده ..
يتبع ..
