ف ذات خريف ذات مساء ذات ظلام حاالك بلل المطر قبورهم الطاهرة وملامحهم التي كفنتها الثري نور ورحمة الي يوم يبعثوون ..❤🍃
مرت كم شهور ع موت امي وانا حاساها امبارح 💔 البيت بقى مسيخ ل درجة كده كعبة .. فقدت الحنان فيه ، اتفقد فيه رغبات الضحك والجنون 😭 امي مشت وشالت معاها اي حاجة سمحة فيني وف البيت 💔 مشت وشالت معاها الضحكة والجنون الفيني 😭💔 راحت الفرهدة والوش الصبوح فيني ، بقيت طول الوقت سرحانة 💔
يعني الدنيا دي بتجبرك ع حاجات كده م بنقول الا الله معانا ❤
طلعت من الغرفة لقيت خالتي وعمي بتناقشو ان البيت بقى م فيه كبير وانا امشي مع عمي القرية واتم جامعتي هناك مع لجين 💔 وخالتي بتقول لا تسوقني معاها قطر واتم جامعتي هناك ..
بعدها اتفقو ان امشي مع عمي وف الاجازات حيرسلني ل خالتي ❤
حاجة صعبة شديد ان الناس تداولك كتير ف يدينها 💔
المهم مشى لؤي وعمي للجامعة عشان يقدم استقالتي وكده وانا ب جاي بجهز ف هدومي ومعاي رنا واسيل ولجين ، جا احمد خاشي يتعاور فينا وانا ولا كأن بتعاور ساكتة ساي وسرحانة ..
مرت سنة 💔
مرت سنة ع فراقك ي امي ، سنة كأنها اسبوع بس م تعرفي قدر كيف انا اشتقت ليك ، وم تعرفي قدر كيف الكون بلاك مسيخ 💔
ربنا يرحمك ..
ايوة انا جوان مشيت مع عمي القرية وكانت حلوة شديد عكس البتقال فيها ، سجلت مع لجين ف نفس الجامعة بس هي اقتصاد وانا سياسة .. بنمشي ب المواصلات يعني م زي الخرطوم سواق وكده ..
وفعلا كانت شيه مغامرة بالنسبة لي ❤ بقيت حبة حبة ارجع ل جوان الضاحكة والعفوية .. كل خميس بصوم وبدعي ل روح امي وابوي ❤
هناك جيرانهم حلوين شدييد ، قاعدين انا ولجين ف البلكونة شفت ناس بتجيب عفشها وكأنهم حيسكنو جداد .. معاهم بنات وف ولد واقف شكلو كده همجي همجي بس م قدرت اشوف وشو زي الناس ..
خالتو قالت تاني يوم تمشي ليهم بس انا م حابة امشي لاني زهجانة شديد ف مشو هي ولجين ..
لجين : ي بت فاااتتك قطعة باسطة سسمحة شدييد
جوان : ومالك م جبتي لي منها ي حيوانة 😏
لجين : ياااخ دي لو بتتشال كان شلتها ف صفحتي وجيتك
جوان : لي باسطة هي ولا دولاب 🙄🙄
لجين : واااي من سكسوكتو ووجنااتو وطولو وعرضضو واااي انا
جوان : ي بت انتي بتتكلمي عن منو
لجين : الباسطة ياااخ ، اااا ولا انتي متخلفة الكلام الزي ده م بتفهمييه طيب قصدي ليك ولد قرضض عديل
جوان : 😒😒 اخجلي ع عرضك
بعدها طلعنا برة مشينا جهزنا الغدا وبعد اتغدينا دخلت جوة اجهز حاجات بكرة للجامعة ❤ ومنها تعبت ونومته م صحيت الا تاني يوم ، لجين م كانت شغالة وانا خلاص عرفت او شبه اتعودت ع درب المواصلات ..
وقفت برة منتظرة عمي يوصلني موقف المواصلات ، انا واقفة وكالعادة مركبة سماعتي اشوف قدامي ولد مطلع عربيتو وشكلو كده مبالغ فيه .. بسم الله تبارك الله ولد زي صباح العيد ❤ من بعيد اشر لي نظام سلام رفعت يدي اشرت ليه .. عمل لي حركة ب يدو نظام ابتسمي 🙂 من جوة قلت ده شنو المتخلف ده م اهتميت بيه وقبلت منو بعدها عمي جا وطلعنا ..
كان يوم متعب شديد ف الجامعة رجعت لقيت خالتو بتعمل ف الاكل سألتها لجين وين قالت لي فوق طلعت ليها فوق ووريتها بالحصل معاي الصباح قالت لي هم عندهم ولدين وكم اخت كده وقعدنا نضحك 😂😂😂
سمعنا خالتو بتنادي قالت لي امشي انتي انا والله تعبانة مشيت ليها قالت جهزو معاي الغدا عشان عمك جاي وكده ، بدينا نجهز عمي ولؤي جا وقعدنا كلنا اتغدينا ..
تاني يوم م كان عندي جامعة عشان كده قعدت اساهر ف التلفون مع ناس رنا واسيل واحمد واني اششتقته ليهم شدييد ❤ واخر التطورات ان اسيل ربطت مع احمد 😂😂
تاني يوم الصباح لجين مشت الجامعة وانا قعدت انظف ف البيت حبه بعدها سمعت خالتو بتناديني مشيت ليها قالت لي امشي لي الدكان عليك الله ..
نشوف على لسان عمار ..
قال :
شوفتها بالصدفهه في شارع بيتنا كانت لابسهه توبها ونعال البيت ورجولها غبششهه وتوبها مكرفس 😂😂
كنا ماشين في نفس الاتجاه هي قدامي وانا وراها ، وصلت البقاله الانا زاتي كنت قاصدها بتاع البقاله كان مشغول وقفت وهي ساكته جيت وقفته قالت ليهو دايرة "فول ، وزيت"
انا سلمته على بتاع البقاله وقولتهه ليه ي باشا كيفكك تمام ناولني سجارة بالله ، ناولني السيجاره فجأهه سمعتها قالت ليهو انا منتظراك على فكرهه ، قال ليها جداا دقايق بس ..
انا ولعتهه سجارتي ونفختها في وقفتي ديك اظنها اتضايقت غطت نخرتها بي توبها م ركزته معاها كتير قولته لبتاع البقاله ناولني اسكراتش زين بالله ولسسه انا بنفخ في سجارتي ، برضو ناولني ليه وهي لسسه واقفهه اتحركت من مكانها ومشت وقفت جمب قدرة الفول منتظره
شلته رصيدي وبقيت ماشي وانزل في الاسكراتش وانا ماشي على اقل من مهلتي جات ماشه فيني شوفتها دخلت البيت المقاصدنا بس على حسب انو نحن جداد في الحي م كنت عارف شي في الحي💔
واتكررت شوفتي ليها تلاتهه مرات وصراحه البت عجبتني ودخلت مزااجي شديد حالي حال اي ولد بشوف ليهو بت عجبتو بتمنى يحنكك معاها حتى لو كلام سااي ❤ المهم يرضى غرورو وده الحصل معاي ..
طبعا م كنت بقدر اوقفها ولا اتكلم معاها ولا اي شي ع حسب شخصيتي التقيلهه م كنت بقدر اعمل كدة بس بقيت افكر في طريقه ممكن تعرفني بيها على طول بقيت احنك مع الحجة واقول ليها " ي حجه م تقعدو في البيت كدة اطلعو على اهل الحي واتعرفو على الجيران ، وطبقتهه الكلام دهه على اخواتي برضو " لغاايه م اقنعتهم بالحاجه دي وخليتهم يدخلو عليهم وشويه شويه اخواتي بقو يدخلو عليهم وكدة حسيت نفسي ماشي صح بس هي زاتها لو شافتني في الشارع م بترفع عينها تعاين لي بس تكون مركبة سماعتها و واقفة 😏
واكتر حركه استفزتني فيها يوم لاقيتها الصباح وهي طالعه الجامعه وقفتهه ليها على اساس تجي تركب اوصلها اتخطتني، مشيت قدامها نزلته قزاز العربيه قولته ليها سلام عليكم؟؟ كأني بأذن في مالطه حيرتني بقيت اسأل روحي هل هي بكماء ولا مالها يعني؟
كل مرهه كانت بتجذبني ليها اكتر واكتر ،
مقوله " الكلب بحب خناقو دي كانت بتمثلني جداا " بالرغم من انو الحاصل معاي ده م كان حب لأنو غيرها انا كنت بعرف بنات بعدد سبيبات راسها يعني ابدا م واقف عليها بس زي م قولته ليكم دخلت مزاجي وخلاص💔
ايوة ي جماعة ده عمار ، ساكن ف العمارة الجمبنا .. اي قلبي رجع من اول وجديد حبا زول ❤ حبيتو شدييد م انكر واتعلقت فيه ..
يقال ان الاشياء الجميلة تأتي من بين جميع تلك الاشياء التي لم نتوقع يوما رحيلها ، كما اتيت انت 🍃
بنكهة صديق وحبيب واخ وعائلة من الامان ، من قال ان الحب للحبيب الاول !؟ فقد يأتي الحب على هيئة سند ان مالت الدنيا لا يميل ، فهنيئا لي بك ❣
يتبع ...
