هدية عمر

1.2

#هديه_عمر_ج١
ليس هناك عمر محدد للحب
قد يطرق بابنا بأي وقت وبأي عمر
......
انه الشيخ رضا ابن الشيخ سالم
عمري بالاربعين وحبيت وحده
خذت العقل والراي
هديه هداها ابوها الي 
وصارت هديه عمري وسنيني

قصتي لكم انا
🌺🌸🌼بكل تواضع الكاتبه اوتار حزينه🌺

#البارت الاول

قد ترمي بينا الاقدار في اماكن ومع اشخاص لايخطرون على بالنا ابد
قد نكره حياتنا معهم وقد نختار الابتعاد عنهم ولكن تمر الايام وتثبت لنا انا كنا
خطأ

،،،،،،،،،،،،،،،
اني ليله بنت ابو عباس الحارس
،،، عمري20 سنه اني كلش حلوه بيضه

بحمار وعيوني كبار كلش لونهن جوزي

ورموشهن طوال عندي رصعه بحنجي
محليتني بلزايد شعري اشكر وطويل
  اني طالعه على امي

لان امي من اهل الموصل ابويه من جان يدوام عسكريه وي اخوها متعرف عليهم وحبها لامي وخطبها وتزوجهاو وجابها لديرته

. امي تحملت ضيم وفقر وعوز وكفت
وي ابويه على الحلوه والمره الى ان ابويه لكه شغل يم بيت الشيخ سالم ابو الشيخ رضا ضل يشتغل وي الشيخ سالم الما مات ومن بعده الشيخ رضا ابويه يحبه لشيخ رضا كلش

شيخ اله هيبه ووزن بديرتنا وكلامه مسموع على الجبير قبل الصغير انا شفته من جنت صغيره بس من كبرت ماعاد اطلع لبيت الشيخ مثل الاول
شكد ينشدن علينا اهل بيت الشيخ بس ابويه ميقبل ماعنده مريه تطلع لبره بيتها وتسير على الغير ،،،،،،اني مبطله من

المدرسه من السادس ابتدائي بحكم تقاليدنا الي ادكول البنيه مالها غير بيتها ،
،،،،،،، عندي اخوان اثنين يشتغلون فلح بكاع الشيخ رضا واخويه حسين الي قبلي يدرس طبيه ببغداد هذا الي فلح بأخوتي بس همه يدرس وابويه مكيف بي ، ،،،
،عباس مزوج بنت عمي زهره وعنده 3ولد

وناصر مزوج نعيمه من ديرتنا وعنده ولد وبنيه
احنا كلنا كاعدين بيت جبير وحديث يعود للشيخ رضا.
والعيشه مستروه والحمد لله
،،،،،،،
بويه عباس وينك
هياني بويه جيتك
وينك صارلي ساعه انشد عليك
جايك بويه
يله يادوبنا نلحك لان الشيخ على وصول لبيته

ليله بويه وينج ياليله
نعم بويه أمر
بنتي جيبيلي الحزام العريض اتحزم بي اليوم دك كراب
اي بويه تأمر
رحت ركض جبت الحزام وانطيته لبويه
الله يرضى عليج بنيتي
يل بويه مشينا
اخوك وين
راح قبلنا بويه
عفيه بي يل بويه خلنا نمشي
وكفت بالباب اباوع على ابويه وعباس الي راحو يتمشون لبيت الشيخ الي يبعد شويه عنا

بيتنا مو بعيد عن بيت الشيخ رضا لان احنا اصلا كاعدين ببستانه اكو بالبستان باب ينفتح على بيت الشيخ ،
،،،، ابويه واخويه طبو منا لحديق جبيره بيها سياج على البستان