هدية عمر

5 .،4

#هدية_عمر_ج١
بقلم اوتار حزينه
#بارت٤
البارت الرابع

فتحت عيوني وانه تعبانه حسيت
على رضا وهو يبوس بيه وبخشمي وبحنجي
مددت روحي ومطيت جسمي مثل الجهال هاي الحاله بيه الا اسويها
رضا خرب ضحك من سويت هيج
ولج هاي شنو شدسوين.
ها غير امطي روحي
جرني لحضنه وهو يضحك
رضا بيش الساعه
ليش يبعد عيون 👀 رضا
مو خاف اهلي يجون
ولج ليله ساعه ب7 منو يجي هسه
اهلي يكعدون من وكت
اي وانا هم بس احنا عرسان اكول ليش تحجين زايد انه مكعدج لغير شي
شنو تريد هدوم هسه اكوم
ردت اكوم من حظنه هو جرني وكال
خايبه شبيج مافهمتي عليه
باوعت عليه وكتله شنو
دنك عليه وباسني من حلكي
اريدج يالفاهيه
رضا مو
ماخلاني اكمل كلامي وبده يبوس
بيه وهم فقد عليه احلى شي بي غزله
يحجي حجي يخليني اذوب بأيده.
رضا عرف شلون يكسر خوفي
ويقربني اله عرف شلون يخليني اتفاعل وياه واخبله
لمساته وتنهيداته من يكون وياي خلتني اعرف انه كسبت قلبه وروحه الي
بقرار نفسي قررت انو اتحمل
كلشي لعيونه لان هو اول عشگ
واخر عشگ بحياتي
...... .
كمت من مكاني بسكوت
وانه اباوع على رضا الي
نايم ومرتاح بنومته
طبيت للحمام سبحت وطلعت شفته
كاعد ويباوع عليه جنت لابسه دشاشه
قصيره فوك الركبه وصدرها دلع
رفع تك حاجبه واشرلي تعالي
تقدمت منه وكعدت بصفه هو لزم شعري وكعد يشم بي
ليش كايمه من يمي بدون ماأدري

مو رضا تأخرنا بنومتنه
خنزر عليه وكال
بعد لاتسويها انه
من اكعد اريد اصبح بهل الوجه الحلو
افتهمتي
انه ضحكت وكلت صار قلبي

بوووويه عيديها بداعت علوان

انه ضحكت بالزايد من كال هيج

اخ بويه اليوم ماأطلع من الغرفه
لزم خدي وباسه وانه خربانه ضحك
ماعرفت دمك حلو
ليش يابه
ماأعرف رضا اشوفك دومك عصبي وماتتحمل احد
عدل روحه وتنهد قوي وكال
ماجذب عليج اي صدك انه عصبي
واتخبل من الشي الاعوج
اي وهذا المخوفني منك
ليله كلها خلها تخاف بس انتي لاتخافين
لان مستحيل أذيج
صدك رضا حجيت وانه اباوع بعيونه
الي لمعتها خذت روحي

اي يبعد بيتي. ولزم ايدي وخلاها على قلبه
انتي اهنا خذيتي قلبي وعقلي وروحي
تهت من سوه هيج وعيوني ذبلت

بويه انه بيا حال والدفان يغمزلي

لاتسوين هيج تره حنفضح بين الشيوخ
شيكولون شيخ رضا نايم يم مرته وعايف ديوانه

يله كومي ذبي هاي الدشادشه والبسي
شي مرتب الاوادم حتجي تباركنا

كمت طلعت كلابيه بيضه ومطرزه
كلش
حلو ونازك لبستها من طب للحمام
ورتبت روحي لزمت شعري وجذلته وخليت الشال على راسي
حضرت هدومه وطلع هو لاف المنشفه على جسمه
رضا جسمه حلو مو مخربط
ومحافظ على روحه كلش اليشوفه ايكول ب30 مو طاب ب40
بده يلبس بهدومه ويحجي ويايه
ليله اريدج هيج من تنزلين وي البنات مستوره لان انتي مرت الشيخ ومحسوبه عليه وكل كلمه تريدين تحجيها فكري بيها زين يل ادكوليها
هزيت براسي بأي
كمل وتعطر ولزم ايدي ونزلنا سوه امه وحبوبته اول ماشافته هلهلت هي وخواته
شفته دنك على ايد امه وحبها الها ولجدته انه
هم سويت مثله
وراها كعدنا كلنا على سفره جبيره
والتمينا انه كعدت بصف رضا الي سأل امه وين حليمه
شفت امه كلبت خلقتها وكالت بغرفتها
يمه
ليش يابه مو تعرف احنا كلنا ننجمع على السفره
ماقبلت تجي يمه
ولج حليمه حليمه صاح من مكانه وهو عصبي
صفاء كامت تريد تصيحها بس
هو عاط بيها
اكعدي هي تجي
وصدك جتي وهي كالبه خلقتها
نعم رضا
تعالي تريكي ويانا
ماأريد اتريكو انتو
حليمه جفي الشر واكعدي يم بناتج وخلينا ندوهر
حليمه باوعت عليه وخنزرت بس سمعت كلام رضا وكعدت
انتبهت على بنات سميه هادئات ومالهن حس ومعزولات عن بنات حليمه
كاعدات بصف جدتهن
بدينا ناكل رضا قسم خبزه وانطه لامه
ولحليمه انطاها نص
حليمه باوعت عليه والضحكه بعينها
عود تريد تغيرني
انه مادرت بال الها مديت ايدي اريد اخذ
دنك عليه وشاورني
هاي مالتج يبعد الروح
قسم من مالته وانطاني منها
اني حجيت بصوت ناصي
تسلم قلبي
كملنا ريوك وردت اشيل وياهم بس ام رضا ماقبلت