#هدية_عمر_ج١
بقلم اوتار حزينه
٧_____٨
#بارت٧
السابع
طبيت ركض للبيت واشوفن الكل ملتمات بغرفه جدتي انه عبالي صاير بيها شي
لجده رازقيه
بس الي شفته
امي حاضنه ليله الي لاتصد ولاترد
ولك يمه الحكني البنيه ماأدري شبيها
انه نسيت الصار من شفتها فاقده
كعدت يمها وحضنتها لصدري كمت اضرب على خدودها على كيفي
ليله ردي بعد روحي ردي شمالج
انتبهت وجها وارم وايدها بيها
طكع حمر ووارمه
يمه شبيها ليش هيج جسمها
صاير احمر
ماأدري يمه من طلعت انته وطبيت انه لكيتها تبجي بعدين انكطع
النفس وصارت هيج
كوم خايب شمالك وديها للمستشفى
البنيه مالها نفس حجت جده رازقيه منا وانه
شلتها وركضت بيها امي لحكتني بالعبايه
مالتها وغطتها
زاهد من شاف المنظر راح كبل شغل السياره وحركها
ركبت انه
وامي ليوره وخليت راسها بحضني
كمت اضرب بيها واحجي ليله
اكعدي يابعد العمر كله
سكتت من شفتها ماتجاوب وعطت
اخ كله من ذاك العار
لو الزمه الا اذبحه
اسكت يمه مو وكتها وشوف مريتك ليش ماتكعد
ليله يمه شمالج اكعدي
انه دنكت عليها وحجيت ليله اكعدي يالغاليه
وفتحي عيونج الحلوه
نسيت بذيج اللحضه انه شيخ وكمت
احجي وياها بحنيه اريدهن بس
تفك عيونها بس ماكو بس النفس
كوه تجره
زاهد طلع بينا لمستشفى اهلي
اول ماطبيت شلتها وركضت وزاهد
كدامي
خبص الدنيا خبص
تالي اجه دكتور وممرضه واخذوها مني
انه طبيت وياهم وامي هم
فحصها الدكتور وانه الوب
من كمل رأسن. سألته شبيها دكتور
شتصير منك المريضه
زوجتي دكتور
شفته يعاين عليها وحجه
البنيه بيها حساسيه قويه
ومزمنه خوما ماكله شي حار
لا دكتور مماكل
زين متعرضه لحراره
انه رأسن جاوبته
اي دكتور خبزت
استغفر الله ياربي
اخي شلون تخلوها تخبز
البنيه متحسس جسمها فد نوب
وشلون هسه دكتور
هسه ضربنها ابره تهدأ الحساسيه
شويه
وان شاء الله انطيها علاج بس ناخذلها
جم تحليل لاحتياط
حجه هيج وطلع
كعدت يمها وانه ضايج
يمه الحمد لله هاي ولاغير شي.
انه لزمت ايدها الي وارمه وصايره
حمره
حسيت بيها اتحركت وفكت عيونها
بس كوه فتحتهن لان عيونها جواها وارم
رضا حجت بصعوبه وانه رأسن
لزمت ايدها
ها يبعد عيون رضا
انه من كتلها هيج كامت تبجي
اش اش ياقلبي موزين عليج
رضا والله ماأدري بيه والله
لو ادري ماأطلع
بس حليمه كالت الا تخبزين وانه كتلها ماأكدر بيه حساسيه قويه
بس هي ماقبلت
اسكتي حبيبه هسه لاتعبين روحج
لاتعوفني رضا
هياني ماأعوفج
شفتها هدأت ونامت وهي لازمه
ايدي
اعاين لوجها شلون مطكع احمر ووارم
تحسبت على حليمه الي مامن وراها هي واهلها بس الاذيه
وره ربع ساعه كعدت ليله وشوي خاف
الوروم
امي كامت وانطتها مي
اشربي يمه شصار بيج هي جم ساعه
عفتج رجعت لكيت الدنيا مكلوبه
يمه والله مو انه
اعرف يمه اني عندي حيه بيتي
بس شوكت يكصون راسها ماأدري
أنت تقرأ
هدية عمر
Romance"انة الشيخ رضا ابن الشيخ سالم عمري ب الاربعين وحبيت وحدة خذت العقل والراي هدية هداها ابوها اليه. وصارت هديه عمري وسنيني " للكاتبة اوتار حزينة
