هدية عمر

10

#هدية_عمر_ج١
بقلم اوتار حزينه
#بارت١٠
العاشر

ايام مرت ثقيله علينا من المشاكل
الصارت
من وره بيت عواد الي ديروهم من
ديرتنا وخلصنا منهم ومن مشاكلهم
......
وره شهر من الصار صار شي قلب البيت قلب وفتح جروح بقلبي جنت احاول انساها
............... .

فد يوم اجت اخت حليمه وجنتها
وبناتها الاثنين
سلمت عليهن شفتها ردت من كفه
خشمها هي وبناتها بس جنتها لا سلمت
وهي تضحك كلش حبابه

انه رحت احضر بالغده وي ام رضا الي عقجت وجها من شافتها لسعديه
بطبع ام رضا تحب الخطار بس اهل
حليمه ماتحبهم لان ماشافو بس
الاذيه منهم

يمه اركب وياج
لا يمه انه اركب
ام رضا بيها طبع ماتحب واحد يركب
الا هيه
انه اوكف وياها شتريد اسويلها وانطيها
وام كرار تروح تعجن وتخبز للغده
يمه شحتسوين
اسوي تشريب لحم وحشوه برياني
وباميه
زين اسوي دولمه بدل الباميه
سوي يمه وي الباميه خاف يظل من
ضيوف رضا على الغده
طلعت مواد الدولمه وكعدت احضر بيهن
ام رضا سلكت اللحم وكعدت تركب
انه كملت شغل الدولمه وكعدت الف
بيها
سويت جدر جبير
وخليته على الطباخ وكعدت اعزل وره
ام رضا
كملنا شغلنا وصعدت لغرفتي اريدن
اغسل هدومي وهدوم رضا
ظليت بغرفتي ساعه نظفتها وعطرتها
ونزلت
صار الضهر وام رضا كالت خلنا نصب
حطينا الصفره وخلينا الاكل بالهول للنسوان ورضا وخطاره بالاستقبال
كعدت. بصف ام رضا الي اشرتلي
تعالي يمي
اخذت خاوشكه وكمت اكل
ليله كومي جيبي ملح الاكل ماصخ
حجت حليمه ودغت اختها وهي تضحك.
انه وكفت اللكمه بزردومي من حجت
هيج حجيت وي روحي يا شنو شايفتني جاهل وتدز بيه
يمه سكينه كومي جيبي ملح لامج تره
حلكها فاهي حجت هيج ام رضا
والكل عاين عليها

حليمه سكتت من فشلتها كدام اختها
انه من سوت هيج نفسي انسدت
بس ام رضا كامت تخلي يمي لحم
ودولمه لان بعيده عني وادكول اكلي
يمه تره تعبتي اليوم
انه مافشلتها وكعدت اكل واضحك
وي وعد الي وكعت مركه على
هدومها
وحارت شلون تمسحها
كملنا وشلنا الاكل
المطبخ انخبص خبص من المواعين
والكدور
چنه سعديه رادت تجلف بس ماقبلت
لا اني ولا ام رضا
وكفت انه وام كرار ومريم ناس تجلف
وناس تفرغ بالاكل

ام كرار البقه اخذي لجهالج
شفته ام كرار عاينت الها وبعدين
حجت
تسلمين ام دعاء
حجت هيج وراحت
ام كرار معليج بيها شوفي هاي
الجدور الي بالفرن اخذيهن الج انه عزلت
الج قبل لاأصب
خطيه هي حضنتني وكامت تبوس بيه
الله يجبر بخاطرج ويفرحج
بالولد الصالح
انه ضحكت وكتلها هاي الدعوة
تكفيني منج يل خلينا انكمل تره
ظهرنا انكسر
كملنا شغلنا وجلفنه المطبخ جلفه زينه
اريد اعدل ظهري ماكو مكسور
بوووويه ماادري شبي ظهري صارله فتره يوجعني
ام كرار ترخصت واخذت الغده
وراحت لبيتها خطيه تعبت اليوم
انه صعدت لغرفتي اريدن اسبح كتلتني الريحه مالت الزفره
طبيت للغرفه لكيت رضا متمدد على الجربايه
اشرلي تعالي
سويتله بخشمي واشرتله على هدومي
ولج تعالي وكام
انه كبل انهزمت للحمام مستحيه
من ريحتي سمعت ضحكته وراي من
سويت هيج
ظليت جوه الدوش وانه افرك
. بروحي بهذا الغسول الي ادمنت ريحته
يمكن من وره هاي الغسله طلع الي جلد ثاني
هههههههههه.... كملت ونشفت روحي اريدن البس ماكو هدومي يا
نسيتهن من وره رضا بووي شلون حطلع
وهو موجود
جريت المنشفه ولفيت روحي بيها ومديت راسي اريدن اشوفه بلكي نايم