#ﻫِﺪِﻳِّﻪِ_ﻋٌﻤَﺮ
ﺑِﻘِﻠَﻢَ ﺃّﻭِﺗّﺄّﺭ ﺣٌﺰِّﻳِّﻨِﻪِ
ﺃّﻟَﺠِﺰِّﺀ ﺃّﻟَﻌٌﺸٍﺮﻭِﻥِ
،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ﺑﺎﻟﺴﺤﻮﺭ ﻣﺤﺪ ﺣﺠﻪ،،،ﻟﺠﺪﻩ ﺭﺍﺯﻗﻴﻪ
ﻋﻠﻰ ﺩﻋﺎﺀ ﺍﻟﻲ ﻣﺎﻃﻠﻌﺖ،،،ﻭﻇﻠﺖ ﺑﻐﺮﻓﻪ ﺧﻮﺍﺗﻬﺎ،،،،ﺗﺴﺤﺮﻧﺎ،،ﻭﺍﻧﻪ ﺍﻋﺎﻳﻦ ﻟﺮﺿﺎ
ﺍﻟﻲ ﺟﺎﻥ ﻣﺒﻴﻦ ﻋﻠﻲ ﺿﺎﻳﺞ،،،
ﻻﻥ ﻣﺎﺍﻛﻞ،،،ﺑﺲ ﻗﻠﻴﻞ،،،
ﻭﻛﺎﻡ ﻭﺭﻩ ﺩﻗﺎﺋﻖ،،،،ﻭﻣﻦ ﺭﺩﺕ
ﺍﻛﻮﻡ ﻭﺭﺍﻩ ﺍﺷﺮﻟﻲ
« ﻟﻴﻠﻪ ﺍﻛﻌﺪﻱ،،،ﻭﻛﻤﻠﻲ ﺳﺤﻮﺭﺝ،،،
ﻭﺑﻌﺪﻳﻦ ﺟﻴﺒﻠﻲ، ،،،ﺍﻟﺠﺎﻯ ﻟﻠﻐﺮﻓﻪ
« ﺍﻱ ﻣﻦ ﻋﻴﻨﻲ ﻫﺴﻪ،،
ﺟﺎﻭﺑﺘﻪ ﻭﺭﺟﻌﺖ ﺍﻛﻤﻞ ﺍﻛﻠﻲ،،،
ﻛﻤﻠﻨﺎ ﻭﺍﺣﻨﺎ ﺳﺎﻛﺘﻴﻴﻦ،،،ﻭﻋﻔﺖ ﺍﻟﺒﻨﺎﺕ
ﻳﺠﻠﻔﻦ ﺍﻟﻤﻮﺍﻋﻴﻦ ،،،ﻭﺍﺧﺬﺕ ﺍﻟﺠﺎﻱ،،،ﻭﺻﻌﺪﺕ ﻟﻐﺮﻓﺘﻲ،،،
ﻃﺒﻴﺖ ﻭﺷﻔﺖ ﺷﺒﻞ ﺑﺤﻈﻦ ﺭﺿﺎ
ﻭﺟﺎﻥ ﻛﺎﻋﺪ ﻋﻠﻰ ﺍﻟﺠﺮﺑﺎﻳﻪ،،،ﻭﻳﺤﺠﻲ
ﻭﻳﺎ
« ﻫﺬﺍ ﺷﻮﻛﺖ ﻛﻌﺪ،،،
« ﻗﺒﻞ ﺷﻮﻳﻪ،،،ﺑﻌﺪ ﻣﻦ ﺗﻨﺰﻟﻴﻦ
ﻧﺰﻟﻲ ﻭﻳﺎﺝ،،،ﻣﺎﺍﺭﻳﺪﻥ ﻳﻈﻞ
ﻭﺣﺪﻩ ﺑﺎﻟﻐﺮﻓﻪ
ﻫﺰﻳﺖ ﺭﺍﺳﻲ ﺍﻟﻪ،،،ﻭﺧﻠﻴﺖ ﺍﻟﺠﺎﻱ
ﻋﻠﻰ ﺍﻟﻤﻴﺰ ﻭﻛﻌﺪﺕ ﻳﻤﻪ،،،
ﻭﺍﺑﺘﺴﻤﺖ ﻣﻦ ﺷﻔﺘﻪ ﻳﺒﻮﺱ ﺑﻲ
ﻭﻳﺸﻢ ﺑﻬﺪﻭﻣﻪ،، ﻭﺳﺎﻟﺘﻪ
« ﺗﺤﺒﻪ،،
ﻋﺎﻳﻨﺖ ﻟﻠﻴﻠﻪ،، ﻭﺟﺎﻭﺑﺘﻬﺎ
« ﭼﺎ ﻫﻮ ﻫﺬﺍ ﺳﺆﺍﻝ،،،،،ﺷﻠﻮﻥ ﻣﺎﺍﺣﺒﻨﻪ
ﻫﺬﺍ ﺑﺰﺭ ﺍﻟﺸﻴﺐ،،،ﻫﺬﺍ ﺍﻟﻲ ﺍﺟﻪ
ﺑﻌﺪ ﺍﻧﺘﻈﺎﺭ ﻃﻮﻳﻞ ،،،
« ﻫﻬﻬﻪ ﺍﻟﻲ ﻳﺴﻤﻌﻚ،،ﺍﺩﻛﻮﻝ
ﺑﺰﺭ ﺍﻟﺸﻴﺐ،،،ﻳﻜﻮﻝ ﻋﻠﻴﻚ ﻋﺠﺰﺕ
ﻭﺍﻟﺸﻴﺐ ﺗﺮﺱ ﺭﺍﺳﻚ ،،،،
ﺣﺠﻴﺖ ﻫﻴﺞ ﻭﺍﺧﺬﺕ،،،،،ﺷﺒﻞ ﻣﻨﻪ
ﻻﻥ ﻛﺎﻡ ﻳﺒﺠﻲ،،،،،ﻭﻛﻤﺖ ﺍﺭﺿﻌﻪ
« ﭼﺎ ﻭﻫﺬﺍ ﺍﻟﻄﮓ ﺑﺎﻟﺮﺍﺱ ﺷﻨﻮﻭ
ﻋﺎﻳﻨﺖ ﺍﻟﻪ ﻣﻦ ﻟﺰﻡ ﺷﻴﺒﺎﺗﻪ،،،ﻭﻟﺰﻣﺖ
ﺍﻳﺪﻩ ﻭﺑﺴﺘﻬﺎ ﻭﺣﺠﻴﺖ ﻭﻋﻴﻮﻧﻲ
ﺑﻌﻴﻮﻧﻪ
« ﻋﻮﻓﻬﻦ ﺫﻧﻲ ﻣﺎﻻﺗﻲ،،،ﻫﻦ ﻭﺫﻧﻲ
ﺩﻧﻜﺖ ﻭﻋﻀﻴﺘﻪ ﻣﻦ ﺣﻨﺠﻪ
ﻭﺍﻧﻪ ﺍﺿﺤﻚ
« ﻳﺎﺑﻮﻭﻳﻪ،،،ﻫﻤﻲ ﻳﺮﻭﺡ
ﻣﻦ ﺍﺻﻴﺮﻥ ﻭﻳﺎﺝ ﻭﺍﻧﺴﻪ ﻛﻠﺸﻲ
ﻭﺍﻧﺴﻪ ﺣﺘﻰ ﺍﻧﻪ ﻣﻨﻮ ﻣﻦ ﻭﺭﻩ ﺣﺮﻛﺎﺗﺞ،،،ﺍﻟﺤﻠﻮﻩ،،،
ﻋﺮﻓﺘﻪ ﻳﻘﺼﺪ ﻋﻠﻰ ﺩﻋﺎﺀ ﻭﺟﺎﻭﺑﺘﻪ
« ﻻﺗﺸﻴﻞ ﻫﻢ ﺑﻌﺪ ﻗﻠﺒﻲ ،،،ﻭﻋﻮﻓﻬﺎ
ﻋﻠﻰ ﺭﺑﻚ ﻫﻮﻭ ﻳﺤﻠﻬﺎ ﻣﻦ ﻳﻤﻪ،،
ﻭﻳﺼﻔﻲ ﺍﻟﻘﻠﻮﺏ
ﺫﺑﻴﺖ ﺣﺴﺮﻩ ﻣﻦ ﮔﻠﺒﻲ،،،ﻭﺟﺎﻭﺑﺖ
ﻟﻴﻠﻪ
« ﺍﻧﻪ ﻣﺎﺻﺪﻛﺖ،،،ﺍﻻ ﻣﻦ ﺣﺠﻪ
ﻫﻮ ﺑﻨﻔﺴﻪ،،ﻭﻛﺎﻝ ﺿﺮﺑﺘﻬﺎ،،،
،،،،ﻭﻟﺞ ﻟﻴﻠﻪ ﻟﻮ ﻋﻠﻲ ﺍﻛﻮﻟﻦ
ﺍﻳﻲ ﻋﺒﻨﻪ ﺧﻔﻴﻒ،،،،،،ﻭﻋﻨﺪﻩ ﺗﺴﺮﻉ
ﺑﺲ،،ﺯﺍﻫﺪ،،ﺛﮕﻴﻞ ﻭﺭﺍﻛﺰ ﻭﻫﻲ ﻣﺎﻓﺪ
ﻳﻮﻡ ﺷﻜﺖ ﻣﻨﻪ،،،
« ﺗﺮﻳﺪ ﺗﺼﻴﺮ ،،،ﺑﻌﺪ،،،ﺍﻟﻠﻪ ﻳﻬﺪﻱ
ﺍﻟﻘﻠﻮﺏ
« ﻟﻴﻠﻪ ﻋﻴﻨﺞ ﻋﻠﻴﻬﺎ ﺗﺮﺍﻫﺎ ﻣﻜﺴﻮﺭﻩ
ﺑﻨﺎﺗﻲ ﻛﻠﻬﻦ ﻣﺎﺷﺎﻓﻦ ﻣﻦ ﺍﻣﻬﺎﺗﻬﻦ ﺣﻨﻴﻪ
ﻭﺍﻫﺘﻤﺎﻡ،،،،،ﺳﻤﻴﻪ ﻣﺎﺗﺖ ﻭﺧﻠﺖ
ﺑﻨﺎﺗﻬﺎ،،،،،،، ﻭﺭﺍﻫﺎ ﻭﺣﻠﻴﻤﻪ ﺍﻟﺘﻬﺖ
ﺑﻄﻼﺑﻴﻬﺎ ﻭﻳﺎﻱ
ﻫﺰﻳﺖ ﺭﺍﺳﻲ،،،،، ﺍﻟﻪ ﻭﺟﺎﻭﺑﺘﻪ
« ﻻﺗﻮﺻﻴﻨﻲ ﻋﻠﻴﻬﻦ ﺫﻧﻲ ﻣﻦ ﺭﻳﺤﺘﻚ ﻭﺑﻐﻼﺗﻚ،،،
ﺣﺠﻴﺖ ﻫﻴﺞ ﻭﺭﺣﺖ ﺧﻠﻴﺖ
ﺷﺒﻞ ﺑﻔﺮﺍﺷﻪ ﻭﺭﺩﻳﺖ،،ﺍﻟﻪ،،،،
ﺣﻈﻨﺘﻪ،،،،،ﻭﺑﺴﺘﻪ ﻣﻦ ﺧﺪﻩ
« ﺍﻛﻌﺪﻱ ﺭﺍﺣﻪ،،،ﺭﺍﺡ ﻳﺎﺫﻥ ﺍﻟﻔﺠﺮ
ﺍﺑﺘﺴﻤﺖ ﺑﻮﺟﻬﻪ ﻭﺟﺎﻭﺑﺘﻪ
« ﻭﺍﻧﻪ ﻣﺎﺍﺭﻳﺪ ﺑﺲ ﺑﻮﺳﻪ ﺗﺼﺒﻴﺮﻩ
ﻟﻠﺒﺎﺟﺮ،،،
ﺣﺠﻴﺖ ﻫﻴﺞ،،،ﻭﻭﺭﺩﻳﺖ ﺑﺴﺘﻪ ﻣﻦ
ﺧﺪﻩ ﺍﻟﺜﺎﻧﻲ،،
« ﻟﻴﻠﻪ،،،
ﻫﻤﺴﺖ ﻳﻢ ﺧﺪﻩ ﻭﺍﻧﻪ ﺍﺷﻢ ﺑﻲ
« ﻗﺒﺎﻥ ﻗﻠﺒﻮ،،ﺷﻘﺪ ﺭﻳﺤﺘﻮ ﻃﻴﺒﻪ
« ﺍﻭﻭﻑ ﻣﻨﺞ،،،ﺭﺍﺡ ﺗﻔﻄﺮﻳﻨﺎ،،،ﺑﺎﻭﻝ
ﻳﻮﻡ ﻭﻟﺞ،،،ﻭﺧﺮﻱ،،
ﻭﺧﺮﺕ ﻣﻨﻪ،،،ﻭﺍﻧﻪ ﺍﺿﺤﻚ ﻭﻫﻮ
ﻛﺎﻝ
« ﺍﻧﻪ ﺍﻋﻠﻤﺞ،،،ﺧﻠﻨﻲ ﺍﻓﻄﺮ ﺑﺎﺟﺮ
ﻭﺷﻮﻓﻲ ﺷﺮﺍﺡ ﺍﺳﻮﻱ ﺑﻴﺞ
« ﺍﻭﻭﻱ ﻗﺒﺎﻧﻲ،،،ﺍﻣﻮﺗﻦ ﺑﻴﻚ
ﻣﻦ ﺗﻬﺪﺩ
« ﻻ ﺑﻮﻭﻳﻪ ﺍﻧﻪ ﺍﺫﺍ ﺭﺍﺡ ﺍﻇﻞ ﻳﻤﺞ ﺭﺍﺡ ﺗﻀﻴﻊ ﻋﻠﻴﻪ ﺻﻼﺗﻲ ﺧﻠﻨﻲ ﺍﻛﻮﻣﻦ ﺍﻧﺰﻝ
ﻳﻢ ﺟﺪﺗﻲ ﺍﺻﻠﻲ ﻭﻳﺎﻫﺎ ،،،ﻭﺍﺫﻛﺮ ﺍﻟﻠﻪ ﺍﺣﺴﻨﻠﻲ،،،
ﺳﻜﺘﺖ ﻭﺍﻧﻪ ﺍﺿﺤﻚ ﻭﻫﻮ ﻛﺎﻡ ﻭﻋﺾ
ﺍﺻﺒﻌﻪ ﺍﻟﻲ
ﻭﻭﺍﺧﺬ ﺳﺒﺤﺘﻪ،،،ﻭﺭﺍﺡ ﻭﻫﻮ
ﻳﺘﻬﺪﺩ ﺑﻴﻪ ،،،،
،،،،،،،،
ﺍﻟﺼﺒﺢ ﺍﺟﻪ ﺑﺴﺮﻋﻪ،،،ﻭﺍﻟﺘﻬﻴﻨﺎ
ﺑﺎﻟﺸﻐﻞ ﺍﻟﻲ ﻣﺎﻳﺨﻠﺺ
ﻭﺟﺪﻩ ﺭﺍﺯﻗﻴﻪ،،،،،،ﺍﻭﻝ ﻣﺎﺷﺎﻓﺖ ﺩﻋﺎﺀ
ﻭﺳﻤﻌﺖ ﺑﺎﻟﺼﺎﺭ،،،،ﻛﺎﻣﺖ ﺗﺤﺠﻲ ﻋﻠﻴﻬﺎ ﻭﻋﻠﻰ ﺯﺍﻫﺪ ﻭﻋﻠﻴﻨﺎ
« ﭼﺎ ﻳﻤﻪ ﺍﻳﻄﻜﻬﺎ،،،ﻭﻳﺸﻚ
ﺭﺍﺳﻬﺎ ﻭﻳﺠﻴﺒﻬﺎ ﺑﻨﺺ ﺍﻟﻠﻴﻞ ﻭﺍﻧﻪ
ﻣﺤﺪ ﻳﺠﻲ ﻭﻳﻜﻠﻲ
ﺷﻨﻮ ﺧﺮﺍﻋﻪ ﺧﻀﺮﻩ ﺍﻧﻪ ﺑﻬﺬﺍ ﺍﻟﺒﻴﺖ
« ﻻ ﻳﻤﻪ ﻣﺤﺸﻮﻣﻪ،،ﺑﺲ ﺍﻧﺘﻲ
ﺟﻨﺘﻲ ﻧﺎﻳﻤﻪ ﻭﺍﻧﻪ ﻣﺎﺣﺒﻴﺖ ﺍﻗﻠﻖ
ﺭﺍﺣﺘﺞ ﺑﻬﻞ ﺍﻟﻠﻴﻞ
ﺭﺍﺯﻗﻴﻪ ﺳﻜﺘﺖ ﻭﺩﻛﺖ ﺑﻌﺼﺎﻫﺎ ﺑﺎﻟﻜﺎﻉ
ﻭﺣﺠﺖ ﻭﻱ ﺩﻋﺎﺀ ،،ﺍﻟﻲ ﺟﺎﻧﺖ ﻛﺎﻋﺪﻩ
ﻭﻣﺪﻧﻜﻪ ﺭﺍﺳﻬﺎ،،،،
« ﺷﻤﺎﻟﺠﻦ ﻳﺒﻨﻮﺍﺕ،،،ﺭﺿﺎ ﻭﺣﺪﺟﻦ
ﺭﺍﻛﺒﻬﺎ
ﺍﻟﺠﻦ ﻭﻣﺘﺨﺒﻠﻪ ﻋﻠﻴﻨﺎ،،،
ﺫﻳﺞ ﺗﺼﻴﺢ ﻭﺗﻨﻮﺡ ﻣﺎﺍﺭﻳﺪﻥ ﻣﺤﻤﺪ
ﻭﺍﻧﺘﻲ ﻳﺎﻟﻌﺎﮔﻠﻪ ﻳﺎﻟﺮﺍﻛﺰﻩ، ،،ﺗﻌﺎﺭﻛﻴﻦ ﺯﻟﻤﺘﺞ
ﺑﻨﺺ ﺍﻟﻠﻴﻞ ﻭﺗﺨﻠﻲ ﻳﻄﻜﺞ ﻭﻳﻄﻠﻊ ﺩﻣﺞ
ﺷﻤﺎﻟﺠﻦ ﻣﻦ ﺩﻫﺮ ﺻﺎﺑﺠﻦ
ﺍﻛﻌﺪﻥ ﻭﺍﺳﻜﺘﻦ
ﺧﺒﻠﺘﻦ ﺍﺑﻮﺟﻦ ﻭﺩﻭﺧﺘﻨﺎ ﺑﻄﻼﻳﺒﺠﻦ
ﻣﻮ ﻛﺎﻓﻲ ﻋﻠﻲ ﻃﻼﻳﺐ ﺍﻻﻭﺍﺩﻡ ﺗﺠﻦ
ﺍﻧﺘﻦ ﻭﺗﺰﻳﺪﻥ ﻫﻤﻪ،،،
« ﺟﺪﻩ ﺍﻧﻪ ﻣﺎﺣﺠﻴﺖ ﺷﻲ ﻭﻳﺎ ،،ﺑﺲ
ﺭﺩﺕ ﻣﻨﻪ ﻳﻜﻌﺪ ﻭﻳﺴﻮﻟﻒ ﻭﻳﺎﻱ
ﻳﺬﻛﺮﻧﻲ ﺑﺸﻲ،،،،،،،ﻳﺤﺴﺴﻨﻲ
ﻫﻮ ﻳﺤﺒﻨﻲ،،،
ﺩﻋﺎﺀ،،،ﺣﺠﺖ ﻫﻴﺞ ﻭﻏﺼﺖ ﺑﺎﻟﺒﺠﻲ
ﻭﻛﻤﻠﺖ ﻭﻫﻲ ﺗﺸﻬﻚ
« ﺟﺪﻩ ﺍﻧﻪ ﻣﺮﺍﺕ ﺍﺣﺴﻨﻪ ﻣﻐﺼﻮﺏ
ﻋﻠﻴﻪ ،،،
ﺯﻫﺎﺀ . ﻋﺎﻓﺖ ﺍﻟﺸﻐﻞ ﻭﻋﺎﻳﻨﺖ ﻻﺧﺘﻬﺎ،،،
ﻭﺧﻨﻜﺖ ﺩﻣﻌﺘﻬﺎ،، ﻻﻥ ﺣﺴﺖ ﺑﺎﺧﺘﻬﺎ ﻭﻭﺟﻌﻬﺎ
« ﻭﻟﺞ ﻳﻤﻪ ﺷﻨﻬﻲ ﻣﻐﺼﻮﺏ ﻋﻠﻴﺞ
ﻫﻮ ﺍﺟﻪ،،،ﻭﺑﻠﺴﺎﻧﻪ ﻃﻠﺒﺞ،،،ﺩﻋﺎﺀ
ﺯﺍﻫﺪ ﺛﮕﻴﻞ ﻭﻫﺬﺍ ﻃﺒﻌﻪ
ﻭﻟﺞ ﻳﻤﻪ ﺍﻧﻪ ﺍﺩﺭﻱ ﺑﻲ
ﻳﺤﺒﺞ،،،ﺑﺲ ﻫﻮ ﻫﻴﺞ ﺍﻟﻠﻪ ﺧﻠﻘﻪ
ﺷﺴﻮﻳﻠﻪ
ﺍﻡ ﺭﺿﺎ ﺣﺠﺖ ﻫﻴﺞ،،،ﻭﺭﺍﺯﻗﻴﻪ
ﺍﻳﺪﺗﻬﺎ،،
« ﺯﺍﻫﺪ ﻣﺜﻞ ﺟﺪﺝ،،،ﺳﺎﻟﻢ ﺍﻟﻠﻪ ﻳﺮﺣﻤﻪ
ﺛﮕﻴﻞ،،،ﻭﻣﺎﻳﺤﺐ ﺍﻟﺸﻘﻪ،،ﻭﺍﻟﻜﻼﻡ ﺍﻟﭽﺜﻴﺮ
ﻭﺟﻨﺖ،،،،،، ﺍﻃﻠﻊ ﺍﻟﭽﻠﻤﻪ ﻣﻨﻪ ﺑﺎﻟﻜﻮﻩ
ﺍﻧﻪ ﻫﻢ ﺟﻨﺖ ﺍﺿﻮﺟﻦ، ،،ﻭﺍﺣﺠﻲ
ﻭﺍﺩﺭﺩﻡ،،،ﺑﺲ ﻭﻱ ﺍﻟﻮﻛﺖ ﺗﻌﻠﻤﺖ
ﻋﻠﻰ ﻃﺒﻌﻪ،،،،،،ﻭﺳﻜﺘﺖ ﻻﻥ ﻣﺎﻟﻲ
ﻏﻴﺮﻩ
ﺟﺪﻩ ﺍﻧﻪ ،،،ﻫﻢ ﺳﻜﺘﺖ،، ﺑﺲ
ﺑﻌﺪ ﻣﺎﺍﻛﺪﺭ،،،،،ﺍﺧﺘﻜﺘﻦ ﻣﻨﻪ،،،،
ﻭﻣﻦ ﺛﮕﻠﻪ،،،،،،،ﻭﻛﺮﻫﺖ ﺷﻮﻓﺘﻪ ﻣﻦ
ﺿﺮﺑﻨﻲ ﻭﺷﻚ ﺭﺍﺳﻲ،،،
« ﺍﻧﻪ ﻣﻮ ﺭﺍﺿﻴﻪ ﻋﻠﻰ ﺿﺮﺑﻪ ﺍﻟﺞ
ﻭﺣﺴﺎﺑﻪ ﻋﻨﺪﻱ،،،ﻭﺑﺲ ﺍﺷﻮﻓﻨﻪ ﺍﻻ ﺍﻃﻜﻪ ﺑﺎﻟﻌﺼﻪ ﻣﺎﻟﺘﻲ،،،ﺑﺲ ﻳﺎﻳﻤﻪ ﺍﻧﺘﻲ ﻫﻢ ﺣﺠﻴﺎﺗﺞ ﺟﺒﻴﺮﻩ ﻭﻣﺎﺗﻨﺤﺠﻲ ﻟﻠﺮﺟﺎﻝ
« ﻣﻦ ﺿﻴﻤﻲ ﻣﻦ ﻗﻬﺮﻱ ،،،
ﻣﻦ ﺑﺮﻭﺩﻩ ﻭﻳﺎﻱ،،،ﺣﺠﻴﺖ
ﻫﻴﻴﻴﺞ
ﺩﻋﺎﺀ ﺳﻜﺘﺖ ﻻﻥ ﺍﺧﺘﻨﻜﺖ ﺑﺎﻟﺒﺠﻲ
ﻭﺍﻧﻪ ﺣﺠﻴﺖ
« ﻳﻤﻪ،،،ﻋﻮﻓﻬﺎ ﻫﺴﻪ ﻭﺧﻠﻲ ﻗﻠﺒﻬﺎ ﻳﺒﺮﺩ
ﻭﻣﻨﺎ ﻟﻮﻛﺘﻬﺎ ﺍﻟﻠﻪ ﻳﺤﻠﻬﺎ
« ﺍﻱ ﻭﺍﻟﻠﻪ،،،ﻳﻤﻪ ﻋﻮﻓﻴﻬﺎ ﻭﺧﻠﻲ
ﺯﺍﻫﺪ ﻳﻌﺮﻑ ﻏﻠﻄﻪ،،، ﺗﺮﻩ ﺍﻟﺴﻮﺍﻩ
ﻣﻮ ﻗﻠﻴﻞ،،
« ﻭﻟﺞ ﺻﻔﻴﻪ،،،ﻟﻴﺶ ﻣﺎﺗﺴﻜﺘﻴﻦ
ﺍﺣﻨﺎ ﻧﺮﻳﺪ ﻧﻬﺪﻱ ﺍﻟﮕﻠﻮﺏ ﻟﻮ ﻧﻮﺭﺛﻬﺎ
ﻓﻮﻙ ﻣﺎﻫﻲ ﻣﺼﺨﻤﻪ،،،
« ﺍﻱ ﻧﻮﺭﺛﻬﺎ،،،ﻭﻧﺤﺮﻛﻬﺎ ﺑﻌﻄﺎﺑﻪ ﺣﻤﺮﻩ
ﭼﺎ ﺷﻠﻮﻥ ﻧﺴﻜﺖ،،،ﻭﻫﻮ ﺷﺎﻙ ﺭﺍﺳﻬﺎ
ﻭﺍﺫﺍ ﺍﺑﻦ ﺍﺧﺘﻲ ﺍﻟﺤﮓ ﺣﮓ،،،ﻭﻻﺯﻡ
ﺍﻟﻮﺍﺣﺪ ﻳﻜﻮﻟﻪ، ،،
« ﺍﻳﻲ ﻋﻄﺎﺑﻪ ﺣﻤﺮﻩ،، ﻣﺜﻞ ﻫﺬﺍ
ﺷﻌﺮﺝ،،،،ﺷﻨﻬﻲ ﺻﺎﺑﻐﺘﻪ ﻏﻴﺮ ﻟﻮﻥ
ﺻﻔﺎﺀ ﺿﺤﻜﺖ ﻭﻏﻤﺰﺕ ﻟﺪﻋﺎﺀ
ﻭﺟﺎﻭﺑﺖ ﺟﺪﺗﻬﺎ
« ﺍﻳﻲ ﺻﺒﻐﺘﻪ ﺍﺣﻤﺮ ﻧﺎﺭﻱ
« ﻧﺎﺭ ﻭﺷﻌﻠﺘﺞ،،،ﺷﻌﻞ ﻃﺎﻟﻌﻪ ﺟﻨﺞ
ﺻﺨﻠﻪ،،،ﺑﻴﺖ ﺑﺮﻧﻮ،،،
« ﻫﺎﺍ ﺟﺪﻩ ﺩﻋﺎﺀ ﺧﻠﺼﺖ ﻣﻦ ﻟﺴﺎﻧﺞ
ﻭﺍﺳﺘﻠﻤﺘﻨﻲ ﺍﻟﻲ،،،
« ﻭﻟﺠﻦ ﺍﻟﺰﻣﻨﻬﺎ ﺍﻟﻲ ﺧﻠﻲ ﺍﺩﻛﻬﺎ
ﺑﺎﻟﻌﺼﺎ ﻳﻮﻣﻴﻪ ﺟﺎﻳﺘﻨﺎ ﺻﺎﺑﻐﻪ
ﺷﻌﺮﻫﺎ ﻟﻮﻥ ﻭﺍﻛﻮﻟﻦ ﺷﺒﻲ ﻓﻬﻴﺪﺍﻥ
ﻣﺼﺨﻢ ﻭﻋﻴﻮﻧﻪ ﻣﺎﺗﻮﻛﻊ ﻣﻦ ﻋﻠﻴﻬﺎ
« ﭼﺎ ﺷﻤﺎﻟﺞ ﻳﺎﺟﺪﻩ ﻣﻮ ﺍﻧﺘﻲ ﻫﻢ
ﺗﺼﺒﻐﻴﻦ،،،ﺷﻌﺮﺝ،،،ﭼﺎ ﺣﻼﻝ ﻋﻠﻴﺞ
ﻭﺣﺮﺍﻡ ﻋﻠﻴﻪ ،، ﻭﺑﻌﺪﻳﻦ ﺯﻟﻤﺘﻲ
ﻭﻳﺤﺒﻨﻲ،،،ﺍﻟﻨﺎﺱ ﻟﻴﺶ،ﻣﻀﻐﻮﻃﻪ
« ﺍﻧﺠﺒﻲ ﻭﻟﺞ ﺍﻧﻪ ﻣﻀﻐﻮﻃﻪ،،ﺗﺮﻩ ﺍﻛﻮﻣﻦ ﺍﻫﻠﺴﻨﻬﺎ ﻟﻌﻄﻮﺑﺞ
ﺍﻟﻤﺘﺒﺎﻫﻴﻪ ﺑﻴﻬﻦ ﻭﺍﺧﻠﻴﻬﻦ ﺑﺎﻳﺪﺝ
ﻭﻫﺎﺍﺍ ﺍﻧﻪ ﺍﺣﻂ ﺣﻨﻪ،،،ﻣﻮﺵ ﻫﺬﺍ ﺍﻟﺼﺒﻎ ﻣﺎﻟﺘﺠﻦ ﺍﻟﻜﻞ ﻛﻤﻴﺎﻭﻱ،،
« ﻋﻮﻭﻉ ﺣﻨﻪ،،،ﻟﻮ ﺍﻣﻮﺕ ﻣﺎﺍﺧﻠﻴﻬﺎ
ﺑﺸﻌﺮﻱ
ﺭﺍﺯﻗﻴﻪ ﺷﻤﺮﺕ ﻋﺼﺎﻫﺎ ﻋﻠﻰ ﺻﻔﺎﺀ
ﻭﻫﻲ ﺷﺮﺩﺕ ﻣﻦ ﻳﻤﻬﺎ ﻭﻫﻲ ﺗﻀﺤﻚ
ﻭﺭﺍﺯﻗﻴﻪ ﻛﻤﻠﺖ
« ﻋﻮﻭﻉ ﺑﻨﺖ،،،ﺍﻋﻮﺫ ﻣﻨﻚ ﻳﺎﻟﺴﺎﻧﻲ
ﺍﻧﻪ ﺍﻋﻠﻤﺞ ﺍﻛﻀﺞ،،،، ﺍﻛﻀﺞ ﻭﻳﻦ ﺗﺮﺣﻴﻦ
ﻣﻨﻲ،، ﻳﺒﻨﺖ ﺳﺎﻟﻢ،،،
ﺍﻟﺒﻨﺎﺕ ﻭﺍﻧﻪ ﺿﺤﻜﻨﺎ،،،ﻭﺣﺘﻰ ﺩﻋﺎﺀ
ﺍﺑﺘﺴﻤﺖ ﻭﻛﺎﻣﺖ ﺗﻐﺴﻞ ﻻﺑﻨﻬﺎ،
ﻭﺍﻧﻪ ﺣﺠﻴﺖ
« ﺟﺪﻩ ﺭﺍﺡ ﺍﺳﻮﻳﻠﺞ ﺩﻭﻟﻤﻪ ﻣﺼﻼﻭﻳﻪ
ﺗﺎﻛﻠﻴﻦ ﺍﺻﺎﺑﻌﻴﺞ ﻭﺭﺍﻫﺎ
« ﺳﻮﻱ ﻳﻤﻪ،،،،ﻭﻻﺗﻨﺴﻮﻥ ﺍﻟﺸﻮﺭﺑﻪ
ﻭﻫﺎﺍ ﺳﻮﻭﻥ ﺗﺸﺮﻳﺐ ﻟﺤﻢ ﻟﺮﺿﺎ
ﺧﻠﻲ ﻳﺴﻨﺪ ﺍﻓﺎﺩﻩ ،،،
ﻭﻟﺞ ﻧﻮﺭﻩ ﺟﻴﺒﻠﻲ ﺍﻟﻌﺼﺎ،،
ﺿﺤﻜﺖ ﻻﻡ ﺭﺿﺎ،،،،،،ﻣﻦ ﻫﺰﺕ ﺭﺍﺳﻬﺎ
ﻭﻫﻲ ﻣﺒﺘﺴﻤﻪ،،،ﻭﺍﻟﺘﻬﻴﺖ ﺑﺸﻐﻞ ﺍﻟﻤﻄﺒﺦ ﻭﻳﺎﻫﺎ،،،،،،ﻟﻠﻈﻬﺮ ﻃﺐ ﺭﺿﺎ
ﻭﻛﺎﻝ،،
« ﻟﻴﻠﻪ ﺑﻴﺖ ﺣﻴﺎﻩ ﺭﺍﺡ ﻳﺠﻮﻭﻥ ﻋﻠﻰ
ﺍﻟﻔﻄﻮﺭ
ﺍﺧﺬﺕ ﻋﺒﺎﺗﻪ ﻣﻦ ﺟﺘﻔﻪ ﻭﺟﺎﻭﺑﺘﻪ
« ﺍﻳﻲ ،،،،،ﻫﻼ ﺑﻴﻬﻢ ﺑﻌﺪ ﻗﻠﺒﻲ
ﻳﻨﻮﺭﻭﻥ، ،،،،، ﺍﻟﺒﻴﺖ ﻭﺍﻫﻠﻪ
« ﻭﻳﻦ ﺩﻋﺎﺀ،،،
« ﺑﻐﺮﻓﻪ،،،ﺍﻟﺒﻨﺎﺕ،،،ﺩﺗﻨﻴﻢ ﺍﺑﻨﻬﺎ
« ﺷﻠﻮﻧﻬﺎ ﺍﻟﻴﻮﻡ،،،
« ﺍﺣﺴﻦ ﺍﻥ ﺷﺎﺀ،،،،ﺗﺴﺒﺢ ﺑﻌﺪ ﻗﻠﺒﻲ
« ﺍﻳﻲ ﻭﺍﻟﻠﻪ ﺍﻟﺤﺮ ﺫﺑﺤﻨﺎ،،ﻫﻲ ﺧﻄﻮﺗﻴﻦ
ﺑﺲ ﺍﺣﺴﻦ ﺑﺮﻭﺣﻲ ﺍﺷﺘﻌﻠﺖ،،ﺑﻨﺎﺭ
« ﺍﺳﻢ ﺍﻟﻠﻪ ﻋﻠﻰ ﺭﻭﺣﻚ،،ﻫﺴﻪ
ﺍﺟﻬﺰﻟﻚ ﺍﻟﺤﻤﺎﻡ
« ﺟﺪﺗﻲ ﺑﺪﺍﺭﻫﺎ
« ﺍﻳﻲ،،،
« ﺭﺍﺡ ﺍﺭﻭﺡ ﺍﻟﻬﺎ ﺍﻛﻌﺪ ﺷﻮﻳﻪ،،،ﻭﺍﻧﺘﻲ
ﺻﻌﺪﻱ ﺍﻟﻮﻟﺪ ﻟﻐﺮﻓﺘﻨﺎ ﺧﻠﻲ
ﺍﻣﻲ ﺗﺮﺗﺎﺡ
« ﺍﻱ ﻣﻦ ﻋﻴﻨﻲ،،
ﺭﺿﺎ ﺭﺍﺡ ﻳﻤﺸﻲ،،،،ﻟﻐﺮﻓﻪ ﺟﺪﻩ ﺭﺍﺯﻗﻴﻪ
ﻭﺍﻧﻪ ﺭﺣﺖ ﺍﺧﺬﺕ ﺷﺒﻞ ﻭﻣﺮﻳﻢ ﺷﺎﻟﺖ
ﺷﺎﻫﻴﻦ،،
« ﻫﺎ ﻳﻤﻪ ﺍﺷﻮﻓﻨﺞ ﺍﺧﺬﺗﻲ ﺷﺎﻫﻴﻦ
« ﺍﺭﺗﺎﺣﻲ ﻳﻤﻪ ﻭﻧﺎﻣﻲ ﺷﻮﻳﻪ ﻭﺍﻧﻪ ﺍﻟﻌﺼﺮ ﺍﺭﺩﻩ ﺍﻟﺞ
« ﺑﻜﻴﻔﺞ ﻳﻤﻪ،،،،
ﻃﻠﻌﺖ ﺍﻧﻪ ﻣﺮﻳﻢ،،،ﻭﺻﻌﺪﻧﺎ ﻟﻐﺮﻓﺘﻲ
ﻃﺒﻴﺖ ﻭﺧﻠﻴﺖ ﺷﺒﻞ ﻭﺍﺧﻮﻩ
ﻋﻠﻰ ﺍﻟﺠﺮﺑﺎﻳﻪ،،
« ﻣﺤﺘﺎﺟﻪ ﺷﻲ ﻟﻴﻠﻪ
« ﻻ ﺣﺒﻴﺒﻪ ،،،ﺭﻭﺣﻲ ﺍﺭﺗﺎﺣﻲ ﻭﺍﻛﻌﺪﻱ
ﺑﺎﻻﺭﺑﻌﻪ ﻻﻥ ﻳﺎﺩﻭﺑﻨﺎ ﺍﻧﻠﺤﻚ
« ﺍﻳﻲ ﻣﻦ ﻋﻴﻨﻲ
« ﺗﺴﻠﻢ ﻋﻴﻮﻧﺞ ﺍﻟﺤﻠﻮ
ﻣﺮﻳﻢ ﻃﻠﻌﺖ،،،،ﻭﺍﻧﻪ ﺑﺪﻟﺖ ﺩﺷﺎﺩﺷﺘﻲ
ﺑﻮﺣﺪﻩ ﺍﺧﻒ ﻭﺭﺑﻊ ﺭﺩﻥ ﻭﻗﺼﻴﺮﻩ
ﻭﺭﺣﺖ ﺣﻈﺮﺕ ﺍﻟﺤﻤﺎﻡ،،،ﻟﺮﺿﺎ
ﻭﺭﺟﻌﺖ ﺷﺮﺑﺖ ﻣﻤﻪ ﻟﺸﺎﻫﻴﻦ
ﻭﻛﻌﺪﺕ ﺍﺭﺿﻊ ﺷﺒﻞ،،،
ﺷﺒﻞ ﻳﺎﺧﺬ ﺻﺪﺭﻱ،،،،،،ﻭﻣﻤﻪ ﻣﺮﺍﺕ
ﻭﺷﺎﻫﻴﻦ ﻛﻠﻪ ﻣﻤﻪ ﻻﻥ ﻳﻢ ﻋﻤﺘﻲ،،،
ﻇﻠﻴﺖ ﻋﻴﻦ،،،ﻋﻠﻰ ﺷﺒﻞ ﻭﻋﻴﻦ
ﻋﻠﻰ ﺷﺎﻫﻴﻦ،،،ﻭﻣﺎﺣﺴﻴﺖ ﺑﺮﻭﺣﻲ ﺍﻻ
ﻏﺎﻓﻴﻪ،،،
ﺻﻌﺪﺕ ﻟﻠﻐﺮﻓﺘﻲ،،،ﻭﻃﺒﻴﺖ
ﻭﻭﻛﻔﺖ ﻣﻦ ﺷﻔﺖ ﻟﻴﻠﻪ،،،،ﻧﺎﻳﻤﻪ
ﻭﺷﺒﻞ ﺑﺤﻈﻨﻬﺎ ﻭﻋﺎﻳﻒ
ﺻﺪﺭﻫﺎ ﻭﻧﺎﻳﻢ
ﻭﺷﺎﻫﻴﻦ،،،ﻫﻢ ﻧﺎﻳﻢ ﺑﺼﻔﻬﺎ
ﺩﻧﻜﺖ ﺭﺍﺳﻲ ﻭﺍﻧﻪ ﻣﺒﺘﺴﻢ،، ﻭﺣﺠﻴﺖ
ﻭﺍﻧﻪ ﺍﻣﺸﻲ ﺍﻟﻬﺎ
« ﺷﻠﻮﻥ ﻭﻳﺎﻫﺎ ﻟﺒﻨﺖ ﻋﻠﻮﺍﻥ،،،
ﺍﻻ ﺗﻔﻄﺮﻧﻲ،،،،،،ﺑﺎﻭﻝ ﻳﻮﻡ ﺑﺮﻣﻀﺎﻥ
ﺍﺧﺬﺕ ﺷﺒﻞ ﻣﻦ ﺣﻈﻨﻬﺎ
ﻭﺍﻧﻪ ﺍﺗﻬﺰﻡ ﺑﻌﻴﻮﻧﻲ
ﻭﺭﺣﺖ ﺧﻠﻴﺘﻪ ﺑﻔﺮﺍﺷﻪ،،ﻭﺭﺟﻌﺖ
ﻏﻄﻴﺘﻬﺎ
ﺑﺠﺮﺟﻒ ﻻﻥ ﻣﺎﻫﺎﻥ ﻋﻠﻴﻪ ﺍﻛﻌﺪﻫﺎ
ﺍﻋﺮﻓﻬﺎ ﺗﺘﻌﺐ ،،،،،ﺑﺎﻟﺸﻐﻞ ﻭﻭﻱ ﻭﻟﺪﻱ
ﻃﺒﻴﺖ ﺳﺒﺤﺖ ﻭﻃﻠﻌﺖ ﺗﻤﺪﺩﺕ ﻳﻢ
ﺷﺎﻫﻴﻦ ﻭﻛﻤﺖ ﺍﺑﻮﺱ ﺑﻲ
ﻭﺍﺣﺠﻲ
« ﻫﺎﺍ ﻳﺒﻌﺪ ﺍﺑﻮﻙ ﺍﻟﻴﻮﻡ ﻣﻨﻮﺭ ﻏﺮﻓﺘﻲ
ﻋﺎﻳﻨﺖ ﻋﻠﻲ ﺑﺤﻨﻴﻪ،، ﻭﻛﻤﻠﺖ
« ﻫﻼ ﺑﻴﻚ ﺑﺘﺎﻟﻲ ﺍﻟﻌﻤﺮ، ،،ﻫﻼ ﺑﻴﻚ
ﻳﺎﺣﺰﺍﻡ ﻇﻬﺮﻱ ﺍﻧﺘﻪ ﻭﺍﺧﻮﻙ
ﺷﻮﻛﺖ ﺗﻜﺒﺮ ﻭﺗﻨﺪﻫﻠﻲ ﺑﻮﻭﻳﻪ
ﺍﺭﻳﺪﻥ ﺍﺳﻤﻌﻬﺎ ﻣﻨﻚ ﻭﻣﻦ ﺍﺧﻮﻙ،،،
ﻧﺬﺭ ﻋﻠﻴﻪ ﺑﺲ ﺍﺳﻤﻌﻬﺎ ﺍﻻ ﺍﺫﺑﺤﻠﻜﻢ
ﺫﺑﻴﺤﻪ،،،
ﻇﻠﻴﺖ،،ﺍﺣﺠﻲ ﻭﻱ ﺍﺑﻨﻲ ﺍﻟﻨﺎﻳﻢ
ﺍﻟﻤﺎ ﻏﻔﻴﺖ،،،
،،،،،،،
ﺍﻟﻌﺼﺮ ﺍﺟﻪ ﺑﺴﺮﻋﻪ ﻭﺍﻟﺴﺎﻋﺎﺕ ﻛﺎﻣﺖ ﺗﺮﻛﺾ ﻭﺍﻟﺘﻬﻴﻨﺎ،،،ﺑﺎﻟﻔﻄﻮﺭ ﻭﻣﻦ ﺍﺟﻮﻱ
ﺑﻴﺖ ﺣﻴﺎﻩ ﺩﻋﺎﺀ ﻣﺎﻃﻠﻌﺖ ﺍﻟﻬﻢ
ﻭﺣﻴﺎﻩ ﻫﻲ ﺭﺍﺣﺖ ﺍﻟﻬﺎ ﻟﻠﻐﺮﻓﻪ،،ﻫﻲ
ﻭﺯﻳﻨﺐ،،
ﻭﺍﻟﻌﺘﺐ ﺍﺷﺘﻐﻞ ﻣﻦ ﻃﺮﻑ ﺍﻡ ﺭﺿﺎ
ﻭﺟﺪﻩ ﺭﺍﺯﻗﻴﻪ ﺍﻟﻲ ﺣﺠﺖ
« ﻭﻟﺞ ﺍﺑﻨﺞ ﺷﺒﻲ ﺗﺴﻮﺩﻥ ﺷﻠﻮﻥ ﻳﻄﻜﻬﺎ ﻭﻳﺸﻚ ﺭﺍﺳﻬﺎ ﺗﺎﻳﻪ ﺍﻟﻪ،،،ﻭﻣﺎﻟﻬﺎ ﺍﺣﺪ
« ﻳﺎﻳﻤﻪ ﻭﺍﻟﻠﻪ ﻣﺤﺪ ﺭﺿﺎﻟﻪ،،،ﻭﻫﻮ
ﻣﻦ ﺭﺟﻊ ﻣﺎﺣﺠﻪ ﭼﻠﻤﻪ ﻭﻳﺎﻧﺎ
،،،ﻭﻇﻞ ﺑﻐﺮﻓﺘﻪ ﻭﺣﺘﻰ
ﺳﺤﻮﺭ ﻣﺎﺗﺴﺤﺮ،
« ﺍﺑﻨﺞ ﻏﻠﻂ ﺣﻴﺎﻩ،،ﻭﺧﻠﻲ ﻳﻌﺮﻑ
ﻏﻠﻄﻪ
« ﺻﻔﺎﺀ ﺍﻧﻪ ﺍﺩﺭﻱ،،ﻫﻮ ﻏﻠﻂ
ﻭﻣﻮ ﻣﻦ ﺣﮕﻪ
ﻳﻀﺮﺑﻬﺎ ﺑﺲ . ﺍﻟﺼﺎﺭ ﺣﺰﻩ ﺷﻴﻄﺎﻥ ،،،ﺍﻟﻠﻪ ﻳﻨﻌﻠﻪ ﻭﻫﻮ ﻋﺮﻑ ﻏﻠﻄﻪ،،،ﻭﺍﻧﻪ ﺟﺎﻳﻪ
ﺍﺭﺩﻫﺎ ﻟﻠﻐﺎﻟﻴﻪ،،،ﻻﻥ ﺑﻴﺘﻲ ﺑﻠﻴﺎﻫﺎ
ﻣﻮ ﺣﻠﻮ
« ﺍﻱ ﻭﺍﻟﻠﻪ ﺍﻧﻪ ﻣﻦ ﺍﻟﺒﺎﺭﺣﻪ ﻟﻠﻴﻮﻡ ﺍﺣﺴﻦ ﺑﺮﻭﺣﻲ ﺿﺎﻳﻌﻪ،،ﻋﺒﻨﻬﺎ ﻣﻮ ﻳﻤﻲ
ﺯﻳﻨﺐ ﺣﺠﺖ ﻫﻴﺞ ﻭﺑﺎﺳﺖ ﺍﺧﺘﻬﺎ
ﺍﻟﻲ ﺣﺠﺖ
« ﻋﻤﻪ ﺍﻧﻪ ﻣﺎﺍﺭﺩ ﻭﻳﺎﺝ ﺍﻋﺬﺭﻳﻨﻲ
ﺍﻟﺴﻮﺍﻩ ﺯﺍﻫﺪ ﭼﺒﻴﺮ،،،
« ﺍﺩﺭﻱ ﻳﻤﻪ،،،ﻭﻋﻤﺞ ﻣﺎﺭﺿﺎﻟﻪ،،،
ﻭﻫﻮ ﺍﺟﻪ ﺑﻨﻔﺴﻪ ﺣﺘﻰ ﻳﺮﺩﺝ
« ﺣﻴﺎﻩ ﻳﻤﻪ،،ﺍﺣﻨﺎ ﻣﺎﻟﻨﺎ ﭼﻠﻤﻪ،،،ﻣﻦ ﺑﻌﺪ ﺍﺧﻮﺝ ﻋﺪﻛﻢ ﺣﺠﻲ ﺍﺣﺠﻮ ﻭﻳﺎ،،،
ﻋﻮﻓﻮﺍ ﺍﻟﺒﻨﺖ ﺭﺍﺳﻬﺎ ﻣﺨﻴﻂ ﻭﺍﻟﻠﻴﻞ ﻛﻠﻪ ﻣﺎﻧﺎﻣﺘﻪ، ،،ﻭﻛﻮﻣﻦ ﻫﺴﻪ ﺧﻠﻲ ﻧﺤﻈﺮ
ﺍﻟﻔﻄﻮﺭ،،،ﻣﺎﺑﻘﻪ ﺷﻲ ﻭﻳﺎﺫﻥ،،
ﻭﻟﻴﻠﻪ ﻭﺣﺪﻫﺎ،، ﻫﻲ ﻭﺍﻟﺒﻨﻮﺍﺕ ﻭﺍﺧﺎﻓﻦ ﻣﺎﺗﻠﺤﻚ،،،ﺗﺨﻠﻲ ﺍﻻﻛﻞ
ﺍﻡ ﺭﺿﺎ ﺣﺠﺖ ﻫﻴﺢ ﻭﻛﺎﻣﺖ
ﻭﻭﻳﺎﻫﺎ ﺑﻨﻮﺗﻬﺎ،،،،،،ﻭﺯﻳﻨﺐ ﻇﻠﺖ ﻳﻢ
ﺍﺧﺘﻬﺎ
ﺧﻠﻴﻨﺎ ﺍﻟﻔﻄﻮﺭ،،،ﻭﻛﻤﻠﻨﺎ،،،ﻛﻠﺸﻲ
ﻭﺭﺿﺎ ﻓﻄﺮ ﻭﻱ ﺿﻴﻮﻓﻪ ﻭﻭﻟﺪ ﺣﻴﺎﻩ
ﻭﺍﺑﻮﻫﻢ ﺑﺎﻟﻤﻀﻴﻒ،،،
ﻭﺭﺩ ﻟﻠﺒﻴﺖ ﻣﻦ ﺗﺮﺧﺼﻮﺍ ﺍﻻﻭﺍﺩﻡ
ﻭﻃﻠﻌﻮﺍ،،،
ﺍﺣﻨﺎ ﺟﻨﺎ ﻛﺎﻋﺪﻳﻦ،،،ﺑﺎﻟﻬﻮﻝ ﻭﻧﺴﻤﻌﻪ
ﻳﺤﺠﻲ ﺑﺼﻮﺕ،،ﻋﺎﻟﻲ ﻭﻗﻮﻱ
ﻭﻱ ﺍﺧﺘﻪ ﻭﺍﺑﻮ ﺯﺍﻫﺪ
« ﺍﺑﻮ ﺯﺍﻫﺪ ﺍﻧﻪ ﺍﻓﺘﻬﻢ،،ﻫﻮ ﻏﻠﻂ،،
ﻭﺍﻧﺘﻮ ﺟﺎﻳﻴﻦ ﺗﺮﺩﻭﻫﺎ،،،،ﻭﺍﻋﺮﻑ ﺍﻧﺘﻮ ﺗﺤﺒﻮﻫﺎ،،،،ﻭﻏﺎﻟﻴﻪ ﻋﻠﻴﻜﻢ،،،
ﺑﺲ ﺑﻨﺘﻲ ﻣﺎﻟﻬﺎ ﺭﺟﻌﻪ،،،ﻟﺰﺍﻫﺪ
ﺍﻻ ﺗﻄﻴﺐ ﻧﻔﺴﻬﺎ،،،ﻭﺍﺩﻛﻮﻝ ﻫﻲ
ﺑﻠﺴﺎﻧﻬﺎ ﺭﺩﻭﻧﻲ ﺍﻟﻪ
« ﺷﻴﺦ ،،،ﻟﺨﺎﻃﺮ ﺟﻴﺘﻲ ﻋﻠﻴﻚ،،
ﺍﻧﻪ ﻣﺎﻟﻲ ﺧﺎﻃﺮ
« ﺧﺎﻃﺮﻙ ﺟﺒﻴﺮ،،،ﺍﺑﻮ ﺯﺍﻫﺪ،،،ﻭﺍﻧﺘﻪ
ﻏﺎﻟﻲ ﻋﻠﻴﻪ ﻭﺟﻴﺘﻚ ﺟﺒﻴﺮ ﻋﻨﺪﻱ ﺑﺲ
ﺍﺑﻨﻚ ﻣﺎﺧﻠﻪ ﺧﺎﻃﺮ ﺍﻟﻲ ﻭﻃﻚ ﺑﻨﺘﻲ
ﻭﻃﻠﻊ ﺩﻣﻬﺎ،، ﻻﻥ ﻃﻠﺒﺖ ﻣﻦ ﺷﻮﻳﻪ
ﺭﻳﻚ ﺣﻠﻮ ،،
ﺍﺑﻮ ﺯﺍﻫﺪ ﺳﻜﺖ ﻭﻋﺎﻳﻦ ﻻﺑﻨﻪ،،ﺑﻌﺘﺐ
ﻭﻟﻮﻡ،،،ﻭﻫﻮ ﺣﺠﻪ
« ﺧﺎﻝ ﺍﻧﻪ،،،،، ﺍﺭﻳﺪﻥ ﻣﺮﺗﻲ ﻭﺍﺑﻨﻲ
ﻭﻣﺎﺍﺭﺩ ﺍﻻ ﻭﻫﻢ ﻭﻳﺎﻱ
« ﻭﺑﻨﺘﻲ ﻣﺎﺗﺮﻳﺪﻙ،،،ﻳﺎﺯﺍﻫﺪ
« ﺭﺿﺎ ﺑﻐﻼﺗﻲ ﻋﻠﻴﻚ ﻻﺗﻜﺒﺮﻫﺎ ﺍﻟﻮﻟﺪ ﻋﺮﻑ ﻏﻠﻄﻪ،،،ﻭﺍﺟﻪ ﺑﺮﺟﻠﻪ ﻳﻄﻠﺐ ﺗﺴﺎﻣﺤﻪ
« ﺍﻡ ﺯﺍﻫﺪ ﻭﻏﻼﺗﺞ ﺍﻧﺘﻲ ﺍﻧﻪ
ﺍﻛﺪﺭ ﺍﺭﺩﻫﺎ ﺍﻟﻪ
ﻭﻫﺴﻪ ﻭﺑﻬﺎﻱ ﺍﻟﻠﺤﻈﻪ ﺑﺲ ﻳﺒﻌﺪ ﺍﺧﻮﺝ
ﻟﻮ ﺟﺎﻥ ﻋﻨﺪﺝ ﺑﻨﺖ ﻭﺍﺑﻨﻲ ﻃﻜﻬﺎ
ﻭﻃﻠﻊ ﺩﻣﻬﺎ ﺗﺮﺿﻴﻬﺎ ﺍﻟﻬﺎ،،، ﺗﺮﺿﺎﻫﺎ
ﻳﺒﻮ ﺯﺍﻫﺪ
« ﻻ ﻭﺍﻟﻠﻪ ﻣﺎﺍﺭﺿﻬﺎ ،،
« ﻭﻫﺎﺍﺍ ﺍﻧﻪ ﻫﺴﻪ ﺭﺍﺡ ﺍﺩﺯ ﻋﻠﻴﻬﺎ ﺍﺫﺍ ﻛﺎﻟﺖ
ﺍﻱ ﺍﺭﺩ ﺍﻧﻪ ﻣﺎﺍﻣﻨﻌﻬﺎ،،،ﻣﻦ
ﺑﻴﺘﻬﺎ ﻭﺯﻟﻤﺘﻬﺎ،،،
ﺭﺿﺎ ﺣﻪ ﻫﻴﺞ،،،،ﻭﺻﺎﺡ،ﺑﻨﺘﻪ
ﻛﻤﺖ ﻣﻦ ﻳﻢ ﻟﻴﻠﻪ ،،،ﻭﻃﺒﻴﺖ
ﻟﻠﺪﻳﻮﺍﻧﻴﻪ،،،ﻭﺍﻧﻪ ﻣﺪﻧﻜﻪ،،،
ﺳﻠﻤﺖ ﻋﻠﻰ ﻋﻤﻲ،،،ﻭﺗﺠﺎﻫﻠﺖ ﺯﺍﻫﺪ
ﻣﻦ ﻛﺎﻡ . ﻭﺭﺣﺖ ﻛﻌﺪﺕ
ﻳﻢ ﺍﺑﻮﻭﻳﻪ،،،
« ﺷﻮﻓﻲ ﻳﺒﻌﺪ ﺍﺑﻮﺝ،،،ﻋﻤﺞ ﻭﻋﻤﺘﺞ
ﻭﺯﻟﻤﺘﺞ ﺟﻠﻴﻴﻦ ﻳﺮﺩﻭﺝ ﻟﺒﻴﺘﺞ
ﺍﻧﺘﻲ ﺷﺪﻛﻮﻟﻴﻦ،،،
ﺭﻓﻌﺖ ﺭﺍﺳﻲ ﻭﻋﺎﻳﻨﺖ ﻟﺰﺍﻫﺪ
ﻭﺷﻔﺘﻪ ﺷﻠﻮﻥ ﻳﺒﺎﻭﻉ ﻋﻠﻴﻪ ﺑﻠﻬﻔﻪ
ﻭﻳﻨﺘﻈﺮ ﭼﻠﻤﺘﻲ،،،
ﺫﺑﻴﺖ ﺣﺴﺮﻩ ﻣﻦ ﮔﻠﺒﻲ،،،ﻭﺣﺠﻴﺖ
ﻭﻱ ﻧﻔﺴﻲ
« ﻟﻬﻔﺘﮓ ﻫﺴﻪ ﻧﻔﺲ،ﻟﻬﻔﺘﻲ ﻣﻦ
ﺟﻨﺖ ﺍﺭﻳﺪﻥ ﺍﺳﻤﻊ ﭼﻠﻤﻪ ﺣﻠﻮﻩ
ﻣﻨﻚ ،،،
ﺩﻧﻜﺖ ﺭﺍﺳﻲ ﻭﺩﻣﻌﺘﻲ،،،ﻧﺰﻟﺖ
ﻭﺟﺎﻭﺑﺖ ﺍﺑﻮﻭﻳﻪ
« ﺑﻮﻭﻳﻪ ﺍﻧﻪ ﻣﺎﺍﺭﻳﺪ ﺍﺭﺩﻥ،،،ﻟﺰﺍﻫﺪ
ﺧﻠﻴﻨﻲ ﻳﻤﻚ،،
« ﺩﻋﺎﺀ . ﻳﻤﻪ ﻟﺨﺎﻃﺮﻱ،،،
ﺳﻜﺘﺖ ﻣﻦ ﺣﺠﻪ ﻋﻤﺘﻲ ،،،ﻭﻫﺰﻳﺖ ﺑﺮﺍﺳﻲ
ﺑﻼﺍﺍ ﻭﻛﻤﺖ ﻭﻭﻱ ﻛﻮﻣﺘﻲ ﺯﺍﻫﺪ ﻛﺎﻡ
ﻭﺣﺠﻪ ﺑﻌﺼﺒﻴﻪ
« ﺷﻨﻮﻭﻭ ﻣﺎﺗﺮﺩﻳﻦ ﻣﻮﻭ ﺑﻜﻴﻔﺞ ﺍﻧﺘﻲ ﺣﺮﻣﺘﻲ ﻭﺍﻡ ﺍﺑﻨﻲ،،،ﻫﺴﻪ
ﺗﻤﺸﻴﻦ ﻭﻳﺎﻱ ﻭﻏﺼﺒﺎ ﻣﺎﻋﻠﻴﺞ،
ﺭﺿﻴﺖ ﻭﻻ ﻣﺎﺭﺿﻴﺘﻲ،،
« ﺯﺍﺍﺍﻫﺪ
ﺻﺮﺧﻪ ﺭﺿﺎ ﺧﻠﺘﻨﺎ ﻧﻜﻮﻡ ﻛﻠﻨﺎ
ﻣﻦ ﻣﻜﺎﻧﻪ
ﻭﻧﺮﻭﺡ ﻟﻠﺒﺎﺏ،،،ﺍﻧﻪ ﺧﻠﻴﺖ ﺍﻳﺪﻱ
ﻋﻠﻲ ﺣﻠﻜﻲ ﻣﻦ ﺧﻮﻓﻲ ﻻﻥ ﺷﻔﺖ
ﺭﺿﺎ ﻭﺍﻛﻒ،،،،،،،،ﻭﻭﺟﻬﻪ ﺍﺣﻤﺮ ﺩﻡ
ﻭﻋﻴﻮﻧﻪ ﻣﺎﺗﺘﻔﺴﺮ ،،،،،،ﻣﻦ ﺍﻟﻌﺼﺒﻴﻪ
ﻭﺣﺠﻪ ﺑﺼﻴﺎﺡ ﻭﻫﻮ،،ﻳﺸﻮﻣﺮ ﺑﺎﻳﺪﻩ
ﻟﺰﺍﻫﺪ
« ﻏﺼﺒﺎ ﻣﺎﻋﻠﻴﻬﺎ،،،ﺗﺎﺧﺬﻫﺎ
ﻭﺗﺤﺠﻴﻬﺎ . ﻛﺪﺍﻣﻲ ﻳﺎﻟﻤﺎ
ﺗﺴﺘﺤﻲ ،،،
« ﺷﻴﺦ ﻫﺪﻱ،،،
ﺣﻴﺎﻩ ﻟﺰﻣﺖ ﺍﺧﻮﻫﺎ،،،ﻭﺍﺑﻮ ﺯﺍﻫﺪ
ﺻﺎﺡ ﺑﺄﺑﻨﻪ
« ﺷﺒﺒﻚ ﺍﻧﺘﻪ ﺗﺨﺒﻠﺖ،،،ﺷﻠﻮﻥ
ﺗﺤﺠﻲ ﻫﻴﺞ ﭼﺪﺍﻡ ﺧﺎﻟﻚ،،،
« ﺧﺎﻳﺐ ﻳﺎﺯﺍﻫﺪ ﺻﺎﻳﺮ ﻣﺎﺗﻮﺯﻥ ﻛﻼﻣﻚ ﺷﺒﻴﻚ ﺗﺴﻮﺩﻧﺖ، ،،ﺷﻠﻮﻥ ﺗﺤﺠﻲ ﻭﻳﺎﻫﺎ
ﻫﻴﺞ ﻭﭼﺪﺍﻡ ﺍﺑﻮﻫﺎ،،،
ﺭﺍﺯﻗﻴﻪ ﺻﺎﺣﺖ ﺑﺰﺍﻫﺪ،،،،
ﻭﺍﻟﺠﻮ ﺗﻮﺗﺮ ﻭﺩﻋﺎﺀ ﻃﻠﻌﺖ ﻭﻫﻲ ﺗﺒﺠﻲ
ﻭﺭﺿﺎ ﻛﻤﻞ ﺑﻌﺼﺒﻴﻪ
« ﻋﻮﻓﻲ ﺟﺪﻩ ،،،،،،، ﺍﻟﻈﺎﻫﺮ ﺍﻧﻪ
ﻣﻮ ﺑﻌﻴﻨﻪ،،،ﻭﻛﺒﺮ ﻋﻠﻰ ﺷﻴﺨﻪ
ﻭﻛﺎﻡ ﻳﻬﺪﺩ ﺑﻨﺘﻪ ،،ﭼﺪﺍﻣﻪ
« ﺷﻴﺦ ﻭﺍﻟﻠﻪ ﻣﻮ ﻗﺼﺪﻱ ﺑﺲ ﺍﻧﻪ ﺍﺭﻳﺪﻥ ﻣﺮﺗﻲ ﻣﺎﺍﺗﺤﻤﻞ ﺍﻃﺐ ﺍﻟﺒﻴﺖ
ﻭﻫﻲ ﻣﻮ ﺑﻲ
« ﭼﺎ ﻣﺎﻛﻠﺖ ﻫﺬﺍ ﻟﺮﻭﺣﻚ،،،ﻗﺒﻞ
ﻻﻃﻜﻬﺎ،،،ﻭﺗﺸﻚ ﺭﺍﺳﻬﺎ،،،
« ﺍﻧﻪ ﺍﺳﻒ ﻭﺍﻋﺘﺬﺭ،،، ﻭﺍﻟﻠﻪ ﺍﻟﺼﺎﺭ
ﻣﻮ ﻗﺎﺻﺪﻩ،،،ﻭﻏﻼﺗﻬﺎ ﻫﻲ
« ﺍﻟﺼﺎﺭ ﺻﺎﺭ ﺑﻌﺪ ﻭﺑﻨﺘﻲ ﻳﻤﻲ ﻭﺍﻧﺘﻪ ﻳﻢ ﺍﻫﻠﻚ ﻭﻛﺘﻠﻚ ﺷﻮﻛﺖ ﻣﺎﺗﻄﻴﺐ ﻧﻔﺴﻬﺎ ﻭﻛﺎﻟﺖ ﺭﺩﻭﻧﻲ ﺍﻟﻪ ﺍﻧﻲ ﺍﺟﻴﺒﻬﺎ ﺑﺎﻳﺪﻱ
ﻭﺍﺭﺩﻫﺎ ﺍﻟﻚ
« ﺧﺎﻝ،،،
ﺭﺿﺎ ﺩﺍﺭ ﻭﺟﻬﻪ ﻣﻦ ﺯﺍﻫﺪ ﻣﻦ
ﺗﻘﺪﻡ ﻋﻠﻲ ﻭﺣﺠﻪ ﻭﻱ ﺍﺑﻮﻩ
« ﺍﻋﺬﺭﻧﻲ ﺻﺎﻟﺢ،، ﺑﻨﺘﻲ ﻏﺎﻟﻴﻪ ﻋﻠﻴﻪ
ﻭﺍﻟﺴﻮﺍﻩ ﺍﺑﻨﻚ ﻛﺴﺮ ﺧﺎﻃﺮﻫﺎ،،،
ﻭﻫﺎﻥ ﻛﺮﺍﻣﺘﻬﺎ،،،،
ﺧﻠﻮﻫﺎ ﺍﻟﻤﺎ ﻳﺒﺮﺩ ﮔﻠﺒﻬﺎ ﻭﻫﻲ ﺗﺮﺩ
« ﻫﺎﻫﻴﻪ ﺷﻴﺦ،،،ﻭﺍﻋﺬﺭﻧﺎ ﻋﻠﻰ ﺍﻟﺼﺎﺭ ﻭﺍﻣﺴﺤﻬﺎ ﺑﻬﻞ ﺍﻟﻮﺟﻬﻪ
« ﻣﺤﺸﻮﻡ ﺑﻌﺪ ﺍﺧﻮﻙ ،،،ﻭﺟﻬﻚ ﺍﺑﻴﺾ
ﻭﺍﻧﺘﻪ ﻣﺎﺑﻴﻚ ﻗﺼﻮﺭ ﻻ ﺍﻧﺘﻪ ﻭﻻ ﺍﺧﺘﻲ
ﺑﺲ
ﺭﺿﺎ ﺣﺠﻪ ﻫﻴﺞ ﻭﻋﺎﻳﻦ ﻟﺰﺍﻫﺪ ﺍﻟﻲ
ﻃﻠﻊ ﺑﺴﺮﻋﻪ ،،،،،ﻭﻫﻮ ﻳﺤﺲ ﺑﺮﻭﺣﻪ
ﻣﺨﻨﻮﻙ،،،،،ﻭﻏﺼﻪ ﺻﺎﺭﺕ ﺑﮕﻠﺒﻪ
ﻣﻦ ﻭﺭﻩ
ﺭﻓﺾ ﺩﻋﺎﺀ ﺗﺮﺟﻊ ﺍﻟﻪ
،،،،،،
ﻟﺤﻜﺖ ﺩﻋﺎﺀ،،،ﻣﻦ ﻃﻠﻌﺖ ﺗﺒﺠﻲ
ﻭﻃﺒﻴﺖ ﻭﺭﺍﻫﺎ ﻟﻠﻐﺮﻓﻪ،،
ﻭﻛﻌﺪﺕ ﻳﻤﻬﺎ
ﻟﻴﻠﻪ ﻋﻤﻪ ﺻﻔﺎﺀ ﺟﺎﻥ ﻳﻨﺘﻈﺮ ﻣﻨﻲ
ﭼﻠﻤﻪ ،،،،
ﺑﻠﻬﻔﻪ ﻣﺜﻞ ﻣﺎﺍﻧﻪ،،،ﺟﻨﺖ ﺍﻧﺘﻈﺮ ﺍﻟﭽﻠﻤﻪ ﺍﻟﺤﻠﻮﻩ ﻣﻨﻪ ﺑﻠﻬﻔﻪ
« ﺩﻋﺎﺀ ﺍﺳﻜﺘﻲ ﻭﺍﺳﻤﻌﻴﻨﻲ
ﻭﺍﻋﺘﺒﺮﻳﻨﻲ ﺍﺧﺘﺞ
ﺍﻟﺠﻴﻴﺮﻩ ﻣﻮ ﻣﺮﺕ ﺍﺑﻮﺝ،،،
ﻣﺴﺤﺖ ﺩﻣﻮﻋﻲ ﻭﻋﺎﻳﻨﺖ ﻟﻠﻴﻠﻪ
ﻣﻦ ﺣﺠﺖ ﻭﻫﺰﻳﺖ ﺭﺍﺳﻲ
ﺑﺎﻱ ﻭﺟﺎﻭﺑﺘﻬﺎ
« ﺍﻟﻠﻪ ﺷﺎﻫﺪ ﺍﻧﻪ ﺍﺣﺴﺒﺞ ﺍﺧﺘﻲ
ﻣﻮ ﻣﺮﺕ ﺍﺑﻮﻭﻳﻪ ﻭﺍﺣﺒﺞ ﻋﺒﻦ ﺍﺑﻮﻭﻳﻪ ﻳﺤﺒﺞ،،،ﻭﺍﻧﺘﻲ ﺧﻠﻴﺘﻨﻲ ﻧﺤﺒﺞ،،ﻋﺒﻨﺞ
ﻃﻴﺒﻪ ﻭﻣﺎﺍﺫﻳﺘﻨﺎ،،،ﺑﭽﻠﻤﻪ،،،ﻭﻣﻠﻜﺎﺝ
ﺍﻟﻨﺎ ﺣﻠﻮﻩ
ﻭﻣﺎﻓﺪ ﻳﻮﻡ ﺿﺠﺘﻲ ﻣﻨﺎ
ﺍﺑﺘﺴﻤﺖ ﻣﻦ ﺳﻤﻌﺖ ﻛﻼﻣﻬﺎ ﻭﺟﺎﻭﺑﺘﻬﺎ
« ﺍﺫﺍ ﻫﺠﻲ ﺍﻟﺤﺠﻲ ﺳﻬﻠﺘﻲ ﻋﻠﻴﻪ
ﺍﻟﻲ ﺍﺭﻳﺪﻥ ﺍﻛﻮﻟﻪ،،
« ﻛﻮﻟﻲ ﻟﻴﻠﻪ،،
« ﺩﻋﺎﺀ ﺍﻧﺘﻲ ﻣﻦ ﻳﻄﺐ ﺯﺍﻫﺪ ﺗﺘﻠﻜﻲ
ﻭﺗﻀﺤﻜﻴﻦ ﺑﻮﺟﻬﻪ،،،،،ﻭﻣﻦ
ﺗﺼﻴﺮﻳﻦ ﻭﺣﺪﺝ ﻭﻳﺎ ﺑﻐﺮﻓﺘﻜﻢ
ﺗﺸﺎﻗﻴﻦ ﻭﻳﺎ ﺗﺪﺩﻟﻠﻴﻦ
ﻋﻠﻴﻪ،،،ﻭﺗﻠﺒﺴﻴﻦ ﺍﻟﻪ ﻣﻼﺑﺲ ﺣﻠﻮﻩ
ﻭﻣﻐﺮﻳﻪ،،
« ﻫﺎﺍﺍ،،
ﺳﻤﻌﺘﻬﺎ ﺷﺤﺠﺖ ﻭﺷﻔﺘﻬﺎ ﺷﻠﻮﻥ ﺧﺠﻠﺖ
ﻭﻋﺮﻓﺘﻬﺎ ﻣﻄﻔﻴﻪ ﻣﻦ ﺍﻟﺮﺋﻴﺴﻴﻪ
ﻭﺟﺎﻭﺑﺘﻬﺎ ﻭﺍﻧﻪ ﺍﻋﺎﻳﻦ ﻟﺼﻔﺎﺀ ﺍﻟﻲ
ﻛﺎﻣﺖ ﺗﻐﻢ ﺑﺮﻭﺣﻬﺎ
« ﻣﻦ ﺍﻟﻬﺎﺍﺍ،،،،،،ﻣﺎﻟﺘﺞ ﻋﺮﻓﺖ ﺟﻮﺍﺑﺞ
ﻭﺍﻟﻐﻠﻂ ﻣﻮ ﻣﻦ ﺯﺍﻫﺪ ﺑﺲ
ﺍﻟﻐﻠﻂ ﻣﻨﺞ ﺍﻧﺘﻲ ﻫﻢ،،،
« ﺍﺍﺍﻧﻪ ﻟﻴﻠﻪ،،،
« ﺍﻱ ﻳﺎﺧﺎﻳﺒﻪ،،،ﻣﻨﺞ ﻫﻢ،،
ﺍﻧﺘﻲ ﻣﻄﻔﻴﻪ ،،،،،ﻭﺗﺮﻳﺪﻳﻦ ﺯﺍﻫﺪ
ﻳﻔﺘﺢ،،،ﭼﺎ ﺍﺫﺍ ﻫﻮ ﺻﺨﺮ ﻣﺎﻧﻬﺰﻩ ﺑﺸﻮﻳﻪ ﺩﻻﻝ،،،
« ﻟﻴﻠﻪ ﺍﻧﻪ ﺍﺳﺘﺤﻲ،،،
« ﺑﻮﻭﻭﻳﻪ ،،،ﺍﻟﻴﻜﻮﻝ ﺍﺑﻮﺝ ﻣﻮ ﺭﺿﺎ
« ﻫﻬﻬﻬﻬﻪ ﺍﻱ ﻳﺒﻮﻳﻪ ﺷﺠﺎﺑﻬﺎ ﺍﻟﻪ
ﺍﺧﻮﻱ ﺫﻳﺐ،،،ﻭﻛﺎﺿﺞ ﺣﻴﻞ ﺑﺴﻨﻮﻧﻪ
ﺻﻔﺎﺀ ﺣﺠﺖ ﻫﻴﺞ ﻭﻛﺮﺻﺖ ﻟﻴﻠﻪ ﻣﻦ ﺧﺼﺮﻫﺎ ﻭﺩﻋﺎﺀ ﺳﺎﻟﺘﻬﻦ
ﺑﻔﻄﺎﺭﻳﻪ
« ﻫﺎﺍﺍ
« ﻣﺎﻋﻠﻴﺞ ﺑﻬﺎﻱ،،،، ﺍﻟﺴﺎﻟﻔﻪ ﺟﻨﺞ
ﻣﺎﺳﻤﻌﺘﻴﻬﺎ
ﺿﺮﺑﺖ ﻋﻠﻰ ﺍﻳﺪﻫﺎ ﻭﻛﻤﻠﺖ
« ﺷﻮﻓﻲ ﺣﺒﻴﺒﻪ،،،،ﺍﻟﺰﻟﻤﻪ ﻳﺮﻳﺪﻥ
ﻣﺮﺗﻪ ﻋﺎﮔﻠﻪ ﻛﺪﺍﻡ ﺍﻟﻨﺎﺱ، ،،،ﻭﻛﺪﺍﻣﻪ ﺗﻠﻌﺐ ﺍﻟﻬﻮﻩ ،،،،ﻳﻌﻨﻲ ﺷﻠﻮﻥ ﺍﻓﻬﻤﻬﺎ ﺍﻟﺞ
ﻫﺎﺍﺍ ﻳﻌﻨﻲ،،،،،، ﻣﻦ ﻳﻄﺐ ﻳﺮﻳﺪﻫﺎ
ﻻﺑﺴﻪ ﺍﻟﺤﻤﺮ ﻭﺍﻟﺪﻟﻊ،،،ﻭﻓﺎﻟﻪ
ﺷﻌﺮﻫﺎ ﻭﺧﺎﻟﻪ ﻋﻄﺮ
ﻣﻮﺵ ﺍﻭﻝ ﻣﺎﻳﻄﺐ ﻳﺸﻮﻓﻬﺎ
ﻻﺑﺴﻪ ﺩﺷﺎﺷﻪ ﺍﻟﺒﻴﺖ، ،،ﻭﺗﺸﻜﻰ
ﻳﻤﻪ،،،ﺗﻌﺒﺎﻧﻪ ﻭﻫﻠﻜﺎﻧﻪ،،،
« ﺑﺲ ﺍﻧﻪ ﺍﻟﺒﺲ ﺩﺷﺎﺷﻪ،، ﺧﻔﻴﻔﻪ
ﺑﻐﺮﻓﺘﻲ
« ﻳﻌﻨﻲ ﻣﺎﺗﻠﺒﺴﻴﻦ ﺳﻴﺖ ﻧﻮﻡ
ﻫﺰﻳﺖ ﺭﺍﺳﻲ ﺑﻼﺍﺍﺍﺍ ﻭﺍﻧﻪ ﺧﺠﻼﻧﻪ
« ﭼﺎ ﺍﺫﺍ ﻣﺎﺗﻠﺒﺴﻴﻬﻦ ﻫﺴﻪ ﺷﻮﻛﺖ ﺗﻠﺒﺴﻴﻬﻦ ﻣﻦ ﺗﺼﻴﺮﻳﻦ ﻋﺠﻮﺯ ﻭﺍﺩﻛﻮﻣﻴﺒﻦ ﺗﺤﻨﻨﻴﻦ
ﺍﻟﻪ،،،
ﺿﺤﻜﺖ ﻣﻦ ﺣﺠﺖ ﺻﻔﺎﺀ ﻫﻴﺞ
ﻭﺟﺎﻭﺑﺘﻬﺎ
« ﺍﻳﻲ ﻭﺍﻟﻠﻪ ﻭﻫﻲ ﺍﺩﻛﻮﻡ
ﺗﺮﻛﺾ ﻭﺭﺍﻩ
« ﻫﻬﻬﻬﻪ ﻳﻤﻪ ﺑﻄﻨﻲ،،،ﻛﺎﻣﺖ ﺗﻮﺟﻌﻨﻲ
ﻭﺭﺍﺡ ﺍﺯﻭﻋﻦ ﺍﻟﻔﻄﻮﺭ
ﺩﻫﺮ ﺻﺎﺑﺞ،،،ﺍﺳﻜﺘﻲ ﻻﺗﻠﻌﺒﻲ
ﻧﻔﺴﻲ ،،،،ﻭﺧﻠﻴﻨﺎ،، ﺑﻬﺎﻱ ﺍﻟﻤﻄﻔﻴﻪ
ﺍﻛﻮﻟﻦ ﺑﺲ ﻻﺍﺧﺘﺞ ﻣﺜﻠﺞ،،،
« ﻻ ﻋﻴﻨﻲ،،،ﻫﺬﻳﺞ ﻛﻞ ﭼﻢ ﻳﻮﻡ ﺗﺨﺎﺑﺮﻧﻲ
ﻭﺗﻮﺻﻴﻨﻲ ﻋﻠﻰ ﺷﻐﻼﺕ ﻣﻦ ﺑﻐﺪﺍﺩ
ﻭﺣﺘﻰ ﺗﺴﺎﻟﻨﻲ،،،ﻣﻦ ﻣﺎﺗﻌﺮﻑ ﺷﻲ
ﺩﻧﻜﺖ ﺭﺍﺳﻲ ﻭﺟﺎﻭﺑﺖ ﻋﻤﺘﻲ ﻭﻟﻴﻠﻪ
ﺑﺨﺠﻞ
« ﺯﻳﻨﺐ ﻣﻮ ﻣﺜﻠﻲ ﺟﺮﻳﺌﻪ ﻋﺒﻦ ﻋﻠﻲ
ﻳﺤﺒﻬﺎ،،،،،ﻭﻣﺪﻟﻠﻬﺎ،،،
« ﺧﺎﻳﺒﻪ ﻭﺯﺍﻫﺪ ﻫﻢ ﻳﺤﺒﺞ،،،ﻭﻻ ﻣﭽﺎﻥ
ﻭﻛﻒ ﺑﻮﺟﻬﻪ ﺍﺑﻮﺝ ﻗﺒﻞ ﺷﻮﻳﻪ
ﺳﻜﺘﺖ ﻭﺍﺟﻪ ﻛﺪﺍﻣﻲ، ،،،ﻣﻦ ﻭﻛﻒ
ﻭﺣﺠﻪ ﺑﻌﺼﺒﻴﻪ،،،ﻭﻫﺪﺩﻧﻲ
ﻛﺪﺍﻡ ﺍﺑﻮﻭﻳﻪ
« ﻭﻟﺞ،،،ﺩﻋﺎﺀ ﻭﺩﺍﻋﻪ ﺭﺿﺎ،،،ﺑﺲ ﻋﻮﻓﻲ
ﭼﻢ ﻳﻮﻡ ﻭﺍﺣﺮﻛﻲ ﻗﻠﺒﻪ،،،ﻭﺭﺩﻱ
ﺑﺲ ﺷﻨﻮﻭ ﺭﺩﻱ ﻋﺰﻳﺰﻩ،،،ﻭﻣﺎﺗﺤﺠﻴﻦ ﻭﻳﺎ
ﻭﺍﺩﻟﻠﻲ ﺑﻤﺸﻴﺘﺞ ﻛﺪﺍﻣﻪ ﻭﻓﻠﻲ ﺷﻌﺮﺝ
ﻫﺬﺍ ﺍﻻﺳﻮﺩ ﺍﻟﭽﻨﻪ ﻟﻴﻞ ﻭﻫﻮ ﻳﺴﻮﺩﻥ
ﻭﺍﻟﻨﺎﺭ ﺍﻟﻄﺎﻓﻴﻪ ﺑﻲ،،،ﺗﺸﺘﻌﻞ
ﻭﺗﻮﺟﺮ،،،ﻭﺗﺸﻮﻓﻲ ﺻﺎﺭ ﻭﺍﺣﺪ ﺛﺎﻧﻲ
« ﺍﻳﻲ ﺧﺎﻳﺒﻪ،،،،،ﺍﺣﺮﻛﻲ ﺑﻤﭽﺎﻧﻪ
،،،ﻭﺑﺎﻟﺞ
ﺗﻀﻌﻔﻴﻦ ﻛﺪﺍﻣﻪ،،،،،،ﻭﻛﻮﻟﻲ ﺍﻟﻪ
ﺍﻧﻪ ﺭﺩﻳﺖ ﻟﺨﺎﻃﺮ ﺍﺑﻨﻲ،،،ﻭﻋﻤﻲ
ﻭﻋﻤﺘﻲ ﻣﻮ ﻟﺨﺎﻃﺮﻙ
ﻛﻼﻡ،،،ﻟﻴﻠﻪ ﻭﻋﻤﺘﻲ ﺣﺴﻴﺘﻪ ﺻﺪﮒ،،،
ﻻﻥ ﺍﻧﻪ ﻋﻤﺮﻱ ﻣﺎﺗﻘﺮﺑﺖ ﻣﻨﻪ ﻭﻻ ﺑﺴﺘﻪ
ﻭﻻ ﻟﺒﺴﺖ ﺷﻲ ﺣﻠﻮ ﺍﻟﻪ،،،
ﻃﺒﻌﻲ ﺧﺠﻮﻝ،،ﻭﻣﺎﺍﻋﺮﻑ ﻫﺎﻱ ﺍﻟﺴﻮﺍﻟﻒ
ﻭﻳﻤﻜﻦ ﺍﻟﺨﻄﺄ ﺑﻴﻨﺎ ﺍﺛﻨﻴﻨﻪ،،،
« ﻫﺎﺍ ﺍﺷﻮﻓﻨﺞ ﺻﻔﻨﺘﻲ،،
« ﻻﻥ ﻛﻼﻣﺞ ﺻﺤﻴﺢ،،،ﻭﻫﻲ
ﻋﺮﻓﺖ ﻏﻠﻄﻬﺎ
ﻭﺭﺍﺡ ﺗﺼﺤﺤﻪ،،،ﻭﺍﻧﻪ ﺭﺍﺡ ﺍﺳﺎﻋﺪﺝ
ﺑﺎﺟﺮ ﺍﺭﻭﺣﻦ ﻟﻠﺴﻮﮒ ﻭﺍﺷﺘﺮﻱ ﺍﻟﺞ،،
ﻣﻼﺑﺲ ﻧﻮﻡ ﻭﻣﻜﻴﺎﺝ ﺟﺪﻳﺪ،،،ﻭﺷﻐﻼﺕ
ﺣﻠﻮﻩ،،،،ﻭﺍﻋﻠﻤﺞ ﺷﺴﻮﻳﻦ،،،ﻭﻳﺎ
ﻛﻤﺖ ﻣﻦ ﻳﻤﻬﻦ ﻭﺍﻧﻪ ﺍﺿﺤﻚ ﻭﺟﺎﻭﺑﺖ
ﺻﻔﺎﺀ
« ﺍﻫﺎﺍﺍ ﺍﺟﺘﺞ ﺍﻟﺨﺒﺮﻩ ﺍﺗﻌﻠﻤﻲ ﻣﻨﻬﺎ
« ﭼﺎ ﻭﺍﻧﺘﻲ ﻣﻮﻭ ﺧﺒﺮﻩ
« ﺍﻟﻲ ﻋﻨﺪﻩ ﻣﺜﻞ ﺍﺧﻮﺝ،،،ﺗﺨﺮﺝ
ﻭﺻﺎﺭ ﺍﺳﺘﺎﺫ ﻭﻏﻠﺒﻪ،،،ﻻﺳﺘﺎﺫﻩ
« ﻫﻬﻬﻬﻪ ﺍﻧﺰﻭﻝ ﻋﻠﻴﺞ،،،ﻟﻮ ﻳﺴﻤﻌﺞ
« ﺧﻠﻲ ﺍﺭﻭﺣﻦ ﺍﻟﻪ ﻻﻳﻄﻠﻊ ﺣﺮﻛﺘﻪ ﺑﻲ
ﺣﺠﻴﺖ ﻫﻴﺞ ﻭﻃﻠﻌﺖ ﻣﻦ ﻳﻤﻬﻦ
ﺗﻤﺸﻴﺖ ﻟﻠﻐﺮﻓﻪ ﺍﻣﻪ ﻭﺷﻔﺖ
ﻭﻟﺪﻱ ﻧﺎﻳﻴﻤﻴﻦ
ﻭﺭﺩﻳﺖ ﻟﻠﻬﻮﻝ ﻭﺷﻔﺘﻪ ﻛﺎﻋﺪ ﻭﻱ ﺟﺪﺗﻪ
ﻭﺍﻣﻪ ﻭﻳﺸﺮﺏ ﺟﺎﻱ،،،،،
،،،،،،،،،
ﻓﻄﺮﺕ ﺷﻠﻮﻥ ﻣﭽﺎﻥ،،،ﻭﻛﻤﺖ ﻃﻠﻌﺖ
ﻣﻦ ﻳﻢ ﺍﻫﻠﻲ،،،ﻭﺭﺣﺖ ﺍﺗﻤﺸﻪ ﺑﺎﻟﺒﺴﺘﺎﻥ
ﺧﻠﮕﻲ ﺿﺎﮒ،،،ﻭﻧﻔﺴﻴﺘﻲ ﺗﻌﺒﺖ
ﻣﻦ ﺳﻤﻌﺖ، ،،ﺯﻫﺎﺀ ﻛﺎﻟﺖ
ﺍﻧﻪ ﻣﺨﻄﻮﺑﻪ ﻭﻋﺎﻗﺪﻩ،،،،
ﺍﻟﺒﺎﺭﺣﻪ،،،،،،ﺭﺟﻌﺖ ﺍﻣﺸﻲ ﻛﻮﻩ،،
ﻭﺍﻧﻪ ﺍﺟﺮ ﺍﻟﻨﻔﺲ،،ﺑﺜﮕﻞ،،،
ﻭﺍﻭﻝ ﻣﺎﺷﻔﺖ ﺍﻣﻲ ﺳﺎﻟﺘﻬﺎ،،،
« ﻳﻤﻪ،،،ﺑﻨﺖ ﺭﺿﺎ ﺯﻫﺎﺀ ﻣﺨﻄﻮﺑﻪ
« ﺍﻳﻲ ﻳﻤﻪ ﻣﺨﻄﻮﺑﻪ ﻻﺑﻦ ﺟﻤﺎﻝ
ﺳﻜﺘﺖ،،،ﻭﺩﺭﺕ ﻭﺟﻬﻲ،،،،
ﻭﻣﺎ ،،،،،ﻭﻛﻔﺖ ﻣﻦ ﺍﻣﻲ ﺻﺎﺣﺘﻨﻲ،،،
ﺟﻨﺖ ﺍﺭﻳﺪﻥ ﻫﻮﻩ،،،ﺍﺭﻳﺪﻥ ﻣﭽﺎﻥ
ﺍﻛﻌﺪ ﺑﻲ ﻟﻮﺣﺪﻱ،،،ﺣﺘﻰ ﻣﺤﺪ ﻳﺸﻮﻑ
ﺣﺰﻧﻲ ﻭﻳﺤﺲ ﺑﻜﺴﺮﻩ ﮔﻠﺒﻲ،،
ﻭﻛﻔﺖ ﻭﻋﺎﻳﻨﺖ ﻟﻠﺴﻤﺎ،،،،ﻭﺷﻔﺘﻬﺎ ﺑﻴﻬﺎ
ﺫﺑﻴﺖ ﺣﺴﺮﻩ ﻣﻦ ﮔﻠﺒﻲ،،،ﻭﻣﺸﻴﺖ
ﻭﺍﻧﻪ ﺍﺭﺩﺩ ﻭﻱ ﺭﻭﺣﻲ
« ﭼﺎ ﻳﺎﮔﻠﺒﻲ ﻣﺎﺣﺒﻴﺖ ﺍﻻ ﻫﻲ
ﻣﺎﺩﮔﻴﺖ ﺍﻻ ﺍﻟﻬﺎ،،،،،ﻋﻔﺖ ﺑﻨﺎﺕ ﺑﻐﺪﺍﺩ
ﻭﮔﺮﺍﻳﺒﻚ،،،ﻭﻫﻮﻳﺖ ﻭﺣﺪﻩ ﻣﻮ ﺍﻟﻚ
ﻭﺣﺪﻩ ﻣﻜﺘﻮﺑﻪ ﺑﺎﺳﻢ ﻏﻴﺮﻙ
ﻋﺬﺍﺏ ﺑﻮﻭﻭﻳﻪ ﻫﺬﺍ ﻋﺬﺍﺏ،،،ﺍﻟﺼﺎﺭ ﺑﻲ
ﻭﺷﻠﻮﻥ ﺍﻛﺪﺭ ﺍﺧﻠﺺ ﻣﻨﻪ،،
ﻫﻤﺖ ﻋﻠﻰ ﻭﺟﻬﻲ ﻭﺍﻧﻪ ﺍﺣﺠﻲ
ﻭﻱ ﺭﻭﺣﻲ ﻣﺜﻞ ﺍﻟﻤﺨﺒﻞ،،،ﻭﺍﻟﺴﺎﻋﺎﺕ
ﻣﺮﺕ ﻭﺍﻧﻪ ﻣﺎﺍﺣﺲ ﺑﻴﻬﻦ ،،
ﻭﻓﺠﺎﻩ ﺑﺪﺩ ﺳﻜﻮﻥ ﺍﻟﻠﻴﻞ ﺻﻮﺕ
ﺟﻬﺎﺯﻱ ﻣﻦ ﺩﻙ
ﻛﻠﺖ ﺍﻣﻲ ﻇﻞ ﺑﺎﻟﻬﺎ ﻭﺩﻛﺖ ﻋﻠﻴﻪ
ﻣﻦ ﺍﻟﺒﻨﻮﺍﺕ،،،
ﻃﻠﻌﺘﻪ ﻣﻦ ﺟﻴﺒﻲ،،،ﻭﺷﻔﺖ،،،
ﻟﻴﻠﻪ ﻣﺘﺼﻠﻪ ﺍﻧﻪ ﺍﻋﺮﻓﻪ ﺭﻗﻢ ﺍﻟﺸﻴﺨﻪ
ﻋﺒﻦ ﻟﻴﻠﻪ ﺗﺨﺎﺑﺮﻧﻲ ﻣﻨﻪ،،،ﻭﻭﺳﺠﻠﺘﻪ
ﺑﺎﺳﻤﻬﺎ،،،،،،،، ﺭﺩﻳﺖ ﻭﺍﻧﻪ ﻋﺪﺍﻟﻲ
ﻭﺍﺣﺪ ﻣﻦ ﻭﻟﺪﻫﺎ ﺑﻴﻬﻢ ﺷﻲ
« ﻫﺎﺍﺍ ﻟﻴﻠﻪ ﺑﻴﺞ ﺷﻲ
ﺳﻤﻌﺖ ﺻﻮﺕ ﻧﻔﺲ،،،ﻭﻭﺍﺣﺪ
ﺗﻨﻬﺪ،،،،، ﺑﺼﻮﺕ ﻗﻮﻱ
،ﮔﻠﺒﻲ ﺭﺟﻒ،،،ﻭﻋﻠﻤﻨﻲ
ﻫﺎﻱ ﺯﻫﺎﺀ،،،،ﻭﺣﺠﻴﺖ ﺑﻠﻬﻔﻪ،،،
« ﺯﻫﺎﺀ، ،،،،
ﺳﻜﻮﻭﺕ،،،ﻟﻠﺤﻈﻪ ﻃﻮﻳﻠﻪ
ﻭﺍﻧﻪ ﻟﺰﻣﺖ ﺟﻬﺎﺯﻱ ﺑﻘﻮﻩ،،،،ﻭﻋﺪﺕ
ﻛﻼﻣﻲ
« ﺍﻧﺘﻲ ﺯﻫﺎﺀ ﻣﻮﻭ
« ﺍﻳﻲ،،،ﺣﺴﻴﻦ ﺍﻧﻪ ﺯﻫﺎﺀ،،ﺷﻠﻮﻥ
ﻋﺮﻓﺖ
ﺫﺑﻴﺖ ﺣﺴﺮﻩ ﻣﻦ ﮔﻠﺒﻲ ﻭﺟﺎﻭﺑﺘﻬﺎ
« ﭼﺎ ﻭﺍﺣﺪ ﻣﺎﻳﻌﺮﻑ ﮔﻠﺒﻪ ﻭﻫﻮ
ﺑﺼﺪﺭﻩ ﻳﺪﻙ،،،
ﺳﻜﺘﺖ ﻭﺩﻣﻌﺘﻲ ﻧﺰﻟﺖ، ،ﻭﺟﺎﻭﺑﺘﻪ
« ﺣﺴﻴﻦ ﺍﻧﻪ ﻣﺎﺃﺭﻳﺪﻥ ﻣﺤﻤﺪ ﻋﺒﻨﻪ
ﻣﻮ ﺧﻮﺵ ﺯﻟﻤﻪ،،،ﻭﻋﺒﻨﻪ ﻛﺎﻝ ﻋﻠﻴﻪ ﺍﻧﻪ ﻣﻮ ﺣﻠﻮﻩ ﻭﻣﻮ ﻣﺜﻘﻔﻪ،،،،،
« ﺍﻋﻤﻰ ﻧﻈﺮ ،،،ﻣﻦ ﺣﺠﻪ ﻋﻠﻴﺞ
ﻫﻴﺞ،،،
« ﺣﺴﻴﻦ،،،ﺍﻧﺘﻪ ﺗﺸﻮﻓﻨﻲ ﺣﻠﻮﻩ
« ﻣﻦ ﺍﻭﻝ ﻣﺮﻩ ﺷﻔﺘﺞ ﻭﺑﺎﻟﻤﻄﺒﺦ،،،
ﻋﺠﺒﺘﻨﻲ،،،ﻭﺳﻤﻴﺘﺞ ﺍﻟﻬﻨﺪﻳﻪ
ﺍﺑﺘﺴﻤﺖ،،،،ﻭﻋﺎﻳﻨﺖ ﻟﻠﺒﺎﺏ ﺑﺨﻮﻑ،،
ﻭﺟﺎﻭﺑﺘﻪ
« ﺍﻳﻲ ﺍﻫﻠﻲ ﻫﻢ ﻳﺴﻤﻮﻧﻲ ﺍﻟﻬﻨﺪﻳﻪ
ﺑﺲ،،
« ﺷﻨﻬﻲ ﺍﺣﺠﻲ
« ﺍﻧﺘﻪ ﺻﺪﻙ ﺗﺤﺒﻨﻲ،،
« ﺍﻳﻲ ﺯﻫﺎﺀ ﺍﺣﺒﺞ،،،ﺑﺲ ﺷﻨﻬﻲ ﺍﻟﻔﺎﻳﺪﻩ
ﺍﻧﺘﻲ ﻣﺮﺕ ﺭﺟﺎﻝ ﻏﻴﺮﻱ،،،
ﻭﻫﺴﻪ ﺣﺠﻲ ﻭﻳﺎﺝ،،،ﻏﻠﻂ ﺑﻐﻠﻂ،،،
« ﺣﺴﻴﻦ ﺍﺭﻭﺣﻦ،،ﺍﺫﺍ ﻣﺎﺗﺮﻳﺪ ﺗﺤﺠﻲ
ﻭﻳﺎﻱ
ﺳﻜﺘﺖ ﻣﻦ ﺣﺠﺖ ﻫﻴﺞ،،،،،ﻭﻋﮕﻠﻲ
ﻳﻜﻮﻝ ﺍﻳﻲ،،،ﻭﮔﻠﺒﻲ ﻳﻜﻮﻝ ﻻﺍﺍ
« ﺣﺴﻴﻦ،،،،
« ﻳﺎﮔﻠﺐ ﺣﺴﻴﻦ ﻭﺭﻭﺣﻪ
« ﺍﺭﻭﺣﻦ،،،
ﻫﺰﻳﺖ ﺑﺮﺍﺳﻲ ﺑﻼﺍﺍ،،،ﻭﺍﻧﻪ ﺍﺗﺨﻴﻠﻬﺎ ﻛﺪﺍﻣﻲ
ﻭﺟﺎﻭﺑﺘﻬﺎ ﺑﺘﻨﻬﻴﺪﻩ،،،
« ﻻ ﺯﻫﺎﺀ، ،،،ﻻﺗﺮﻭﺣﻴﻦ
ﻗﺮﺍﺭ ﺍﺗﺨﺬﺗﻪ،،،،ﺑﻠﺤﻈﻪ ﺿﻌﻒ
ﻭﺣﺒﻲ ﺍﻟﻬﺎ ﺧﻼﻧﻲ ﺍﻣﺸﻲ ﻭﻳﺎﻫﺎ ﺑﺪﺭﺏ
ﻏﻠﻂ،،،،ﻭﻣﺎﺣﺴﺒﺖ،،،ﺷﺮﺍﺡ ﻳﺼﻴﺮ
ﺑﻌﺪﻳﻦ،،،،،،،،ﺣﺒﻲ ﺍﻟﻬﺎ ﻋﻤﻪ ﻋﮕﻠﻲ
ﻭﺧﻼﻧﻲ ﺍﺳﺘﻤﺮ ﻭﻳﺎﻫﺎ ﻭﺍﺗﺼﻞ ﻳﻮﻣﻴﻪ،،
ﺑﻠﻴﻞ ﻋﻠﻴﻬﺎ ،،،
ﻟﺤﻈﺎﺕ ﺟﻨﺎ ﻧﺴﺮﻗﻬﺎ ﻣﻦ ﺍﻟﺰﻣﻦ
ﻭﻣﻦ ﻋﻴﻮﻥ
ﺍﻟﻨﺎﺱ ﻋﻴﺸﺘﻨﺎ ﺑﻘﺼﻪ ﺣﺐ ﺣﻠﻮﻩ
ﺑﺲ ﻧﻬﺎﻳﺘﻬﺎ ﻣﺎﻓﻜﺮﻧﺎ ﺑﻴﻬﺎ ﺻﺢ
،،،،،،،،،،
« ﻋﻠﻲ ﺍﻧﻪ ﻣﻘﻬﻮﺭﻩ،،،ﻋﺒﻦ ﺩﻋﺎﺀ
ﻣﺎﺭﺟﻌﺖ ﻭﻳﺎﻧﺎ
ﺑﺴﺖ ﺯﻳﻨﺐ ﻣﻦ ﺟﺘﻔﻬﺎ،،،ﺍﻟﻄﺎﻟﻊ
ﻭﺟﺎﻭﺑﺘﻬﺎ، ،،
« ﻣﺎﻋﺎﺵ ﺍﻟﻲ ﻳﻘﻬﺮﺝ،،،ﻳﺒﻌﺪ ﮔﻠﺒﻲ
ﺣﺠﻴﺖ ﻫﻴﺞ ﻭﺟﺮﻳﺘﻬﺎ ﻟﺤﻈﻨﻲ
ﻭﻛﻤﻠﺖ
« ﺑﺲ ﺗﺪﺭﻳﻦ ﺍﻧﻪ ﻓﺮﺣﺖ ﻋﺒﻨﻬﺎ ﺭﻛﺒﺖ ﺭﺍﺳﻬﺎ ﻭﻣﺎﻗﺒﻠﺖ ﺗﺮﺟﻊ ﻟﺰﺍﻫﺪ
ﻭﺧﺮﺕ ﻣﻦ ﻋﻠﻲ،،،ﻭﺳﺎﻟﺘﻪ ﺑﺬﻫﻮﻝ
« ﻳﺎﺍﺍ ﻟﻴﺶ،،،
« ﻭﻟﺞ ﺧﺎﻳﺒﻪ ﺧﻠﻲ ﻳﺘﻠﻮﻉ ﺷﻮﻳﻪ ﺧﻠﻲ ﻳﻨﺠﻮﻱ ﺑﻨﺎﺭﻩ ﺷﻮﻳﻪ ﻭﻳﻀﻮﻙ ﺍﻟﻲ ﺟﺎﻥ ﻳﺴﻮﻱ ﺑﺎﺧﺘﺞ ﺍﻟﻔﻘﻴﺮﻩ
« ﺍﻱ ﺍﻧﻪ ﺍﺩﺭﻱ ﻫﻮ ﺻﻌﺐ ،،ﻭﺭﻳﻜﻪ ﻳﺎﺑﺲ ﻭﻳﺎﻫﺎ ﺑﺲ ﻭﺍﻟﻠﻪ ﻛﺴﺮ ﮔﻠﺒﻲ ﻣﻦ ﺷﻔﺘﻪ ﻭﺍﻛﻒ ﻳﻢ ﺑﺎﺏ ﻏﺮﻓﺘﻪ ﻭﺧﺎﻝ ﺭﺍﺳﻪ
ﺍﻟﺒﺎﺏ
« ﺍﻳﻲ، ،،ﺯﺭﻉ ﻭﺧﻠﻲ ﻳﺤﺼﺪ
ﭼﻢ ﻣﺮﻩ ﻛﺘﻠﻪ، ،،،ﺯﺍﻫﺪ ﺧﻒ ﺷﻮﻳﻪ ﻋﻠﻰ ﺍﻟﺒﻨﻴﻪ،،،ﻭﻻﺗﻈﻞ ﺗﺰﻛﺢ ﻭﺗﺼﻴﺢ ﺑﻴﻬﺎ
ﻛﺪﺍﻣﻨﺎ،،،،،ﻭﺟﻨﺖ ﻣﻦ ﺍﺧﺬ ﺍﻟﺞ ﺣﻠﻮﻳﺎﺕ
ﻟﻮ ﻫﺪﻳﻪ ﺍﻛﻠﻪ ﺍﺧﺬ ﺍﻟﻬﺎ ﻭﻫﻮ
ﺍﺫﻥ ﻣﻦ ﻃﻴﻦ ﻭﺍﺫﻥ ﻣﻦ ﻋﺠﻴﻦ
ﻭﻟﺞ ﺍﺧﺘﺞ ﻃﻜﺖ،،،ﻭﺑﻌﺪ ﻣﺎﺗﺘﺤﻤﻞ
ﻭﺣﻘﻬﺎ ﻳﺒﻮﻭﻳﻪ،،،ﺍﺧﻮﻱ ﺟﻤﺎﺩ ﺣﺠﺮ
ﻭﻳﺨﻠﻲ ﺍﻟﻮﺍﺣﺪ،،،،ﺗﻄﻚ ﻣﺮﺍﺭﺗﻪ
ﻣﻦ ﻭﺭﻩ ﻗﻬﺮﻩ
« ﺍﻳﻲ ﻭﺍﻟﻠﻪ ،،،ﺑﺲ ﺍﺭﺟﻊ ﻭﺍﻛﻮﻝ ﺧﻄﻴﻪ
« ﺑﻮﻭﻳﻪ ﺍﻧﻪ ﺍﻟﺨﻄﻴﻪ ﺩﺗﻌﺎﻟﻲ
ﻳﺒﻌﺪ ﻋﻠﻲ،،،،،ﺷﻼﺑﺴﻪ ﺍﻟﻴﻮﻡ،
ﻛﻠﻪ ﻟﻴﺮﺍﺕ ﻭﻳﻀﻮﻥ،،،،،،،
ﺣﺠﻴﺖ ﻫﻴﺞ،،،ﻭﺻﺮﺕ
ﻓﻮﻛﺎﻫﺎ ﻟﺰﻳﻨﺐ
« ﻫﻬﻬﻪ ﺣﺒﻲ ﻣﻮﺯﻳﻦ ﺍﻟﺪﻛﺘﻮﺭﻩ ﻛﺎﻟﺖ
ﻣﻮ ﻫﺴﻪ،،،
« ﺍﻛﻮﻟﻦ ﺑﺪﻟﻴﻬﺎ ﻟﻬﺎﻱ ﺍﻟﺪﻛﺘﻮﺭﻩ
ﻳﻤﻜﻦ ﻣﺎﺗﻔﺘﻬﻢ،،،
ﺳﻜﺘﺖ ﻭﻣﺎﺟﺎﻭﺑﺖ ﻣﻦ ﻛﺎﻡ ﻳﺒﻮﺱ ﺑﻲ
ﻭﺿﻌﺖ ﺑﻴﻦ ﺍﻳﺪﻩ،،،،،ﻭﺍﻟﻲ ﺭﺍﺩﻩ
ﺍﺧﺬﻩ ،،،،،ﺑﻠﻬﻔﻪ،،،
،،،،،،،
ﺯﺍﻫﺪ ﻣﺎﺳﻜﺖ،،،ﻭﻇﻞ ﻳﺠﻲ
ﻭﻳﺮﻳﺪ ﺩﻋﺎﺀ،،،،،ﻭﺍﺑﻮﻩ ﻫﻢ،،،
ﻭﺑﻴﻮﻡ ﺩﻋﺎﺀ ﻻﻥ ﻗﻠﺒﻬﺎ،،،،ﻭﺭﺩﺕ ﻭﻳﺎ
ﺑﻨﺺ ﺭﻣﻀﺎﻥ،،، ﻭﺑﻨﻔﺲ ﺍﻟﻴﻮﻡ
ﺳﻤﻌﻨﺎ ﺧﺒﺮ ﻣﻮﺯﻳﻦ
ﻣﻦ ﻃﺐ ﺭﺿﺎ ﻋﻠﻴﻨﺎ ﺑﺴﺮﻋﻪ،،،ﻭﻛﺎﻝ
« ﻳﻤﻪ ﻟﻴﻠﻪ ﺣﻈﺮﻭﺍ ﻧﻔﺴﻜﻢ ﺑﺴﺮﻋﻪ
ﺍﻡ ﺟﻤﺎﻝ ﺣﺮﻣﻪ ﺟﺪﻱ ﻃﺎﻟﺐ ﺍﻧﻄﺘﻜﻢ ﻋﻤﺮﻫﺎ ﻭﻳﻨﻬﺎ ﺟﺪﺗﻲ ﺧﻠﻲ
ﺗﺠﻲ ﻭﻳﺎﻧﺎ
« ﻳﺎﺩﺍﺩﻩ،،،ﻳﺎﺍﻡ ﺟﻤﺎﻝ،،
ﺍﻡ ﺭﺿﺎ ﻟﻄﻤﺖ ﺧﺪﻫﺎ،،،،ﻭﺍﻧﻪ
ﺳﺎﻟﺘﻪ
« ﺷﻠﻮﻥ ﻣﺎﺗﺖ
« ﺳﻜﺘﻪ ﻗﻠﺒﻴﻪ،،،ﺍﺟﻮﻱ ﻋﻠﻴﻬﺎ
ﻭﻱ ﺍﻟﺴﺤﻮﺭ ﻭﻟﻜﻮﻫﺎ ﻣﻴﺘﻪ ﺑﻔﺮﺍﺷﻬﺎ
ﻣﺸﻴﺖ ﻭﺭﺍﻩ ،،،ﻭﺻﻌﺪﺕ ﻟﻐﺮﻓﺘﻲ
ﻟﺒﺴﺖ ﺛﻮﺏ ﺍﺳﻮﺩ ،،،،ﻭﻧﺰﻟﺖ
ﻭﻭﺻﻴﺖ ﺍﻟﺒﻨﻮﺍﺕ ﻭﺻﻔﺎﺀ ﺍﻟﻲ ﻇﻠﺖ ﻳﻤﻨﺎ ﻋﺒﻦ ﻓﻬﺪ ﺑﺎﻟﺪﻭﺍﻡ ،،،ﻭﻃﻠﻌﺖ ﻭﻱ
ﺭﺿﺎ ﻭﺍﻣﻪ ﻭﺟﺪﺗﻲ ،،،،ﻟﺒﻴﺖ
ﺟﺪﻱ ﻃﺎﻟﺐ،،،
ﻳِّﺘّﺒِﻊٌ
#روووعه
أنت تقرأ
هدية عمر
Romance"انة الشيخ رضا ابن الشيخ سالم عمري ب الاربعين وحبيت وحدة خذت العقل والراي هدية هداها ابوها اليه. وصارت هديه عمري وسنيني " للكاتبة اوتار حزينة
