عشق ليليان 💥💕

💕15💕

فاتو 4أيام  ليليان و مهدي على نفس الحالة .... كانت قاعدة فبيرو و تحكي مع مروة
- اااه يا مروة ختي والله تقول يدير فيها بالعاني ... مخلانيش نتنفس درك 6 ايام ما جيتش ل نادي
- ليليان قوليلو يخليك تخرجي بكري ليوم روحي عندو درك و قوليلو مزال الوقت و تلحقي
- ايه درك نجرب مراني خاسرة والو .... نشاله ما يشكش .... باي
خدات نفس عمييق و وقفت قدام الباب ... شافت سلمى جاية وصلت قدامها
- مرحبا مدموزال سلمى تقابلي مسيو مهدي ؟
- سلمى شافت معاها من فوق لتحت : بعدي من طريقي
- اسنايني هنا نقولو راهو مشغول
- سلمى طبعتها و فتحت الباب : مهدووشييي جيت نطل عليك ( غلقت الباب فوجه ليليان )
ليليلن سايي الدم طلع لراسها ...موحال تخليها تتهنى فقعدتها ... سلمى دخلت على مهدي و هو مخلوع فيها فقلبو ( اوووف وش جابعا هادي درك .. مهدوشيي؟ )
- سلمى وشيا هدا راني مشغول و مهدوشي هادي ما تعاوديهاش
- قدمت ليه و هو على الكرسي عنقتو : معليش شوي برك و نروح
دقدقت الباب و دخلت ... تحلو عينيها على وسعهم تشوف فيها هابطة عليه و نص صدرها برا و فخادها العريانين بين رجليه .... مزال مصدوم فوش دارت سلمى حتى شاف ليليان فتحت الباب و حبست فبلاصتها
- عينيها تعمرو دموع ريقها نشف غمضت عينيها ترجع فدموعها : احم ( سلمى وقفت تشوف معاها )
- متعرفيش دقدقي قبل ما تدخلي ...( شافت فمهدي لي مزال يشوف مع ليليان و فهم حركاتها عرف الي هي فهمتو بالغالط ) مهدوشي وشبيها هادي المتخلفة
- دقدقت و ما سمعتونيش .... مسيو مهدي حبيت نقولك لازمني نخرج درك عندي امر طارئ ...( دارت خارجة و كملت ) سمحولي قاطعتكم
- فاق من سرحتو على خبطة الباب دز سلمى من قدامو و صاح عليها : وشبيك نتيا هبلتييييي !! اخر مرة نشوفك قدامي اكي فاهمة ... فالشركة ولا الدار .... برااااا
سلمى رجليها يخبطو فبعضاهم من الخوف كانت متوقعة تغريه و يمشي معاها فالخط هزت ساكها و خرجت تجري
- تسلكها غالية يا مهدي بن جابر مزال ما خلقش لي يقاوم سلمى
بعدما خرجت من بيرو هبطو دموعها شلال تصويرة سلمى في حضنو مزالت بين عينيها ما حبتش تروح هزت بوشاتها من بيرو و خرجت من الشركة ... تمشي و تبكيي بالشهقة ركبة طاكسي و راحت لنادي