عشق ليليان 💥💕

💕22💕

-مهدي ديق عينيه فيها و قرر يسمعها : تفضلي
-ليليان : مرسي ... تسمحولي نعتلكم بعض التعديلات يعني بما انو اختياركم مكانش واضح فالبداية ... ( وقفة و طرحت وراق التصميم على الطابلة و بدات تشرح و تفسر و مهدي مخلوع فيها و الف سؤال في راسو )
بدلت نقاط صغيرة و حطت تعديلات على مخطط مهدي هوما يطرحو فاسئلة و هي تجاوب كانو محترفة ... كريم قعد حال فمو فيها .. و مهدي قريب طاح فالارض من الشوك هههههه ... خلصت بعد ساعة كاملة من الشرح رسمت تبسيمة صغيرة على شفايفها و شافت فيهم
- ليليان : ارائكم و نضن العرض فيه كل الشروط المطلوبة
- رجال كريم : اكييد (شاف مع كريم ) نضن نقبلو العرض و نبداو فالتنفيد فاقرب وقت ..
- كريم شاف مع مهدي : مبروك علينا ... تبسم ... عندك موظفين هايلين ...( شاف مع ليليان ) مدموزال كون جيت نقدر نسرقك لشركتنا ههههههه
- مهدي : مرسي ههه ... ( وقف صافحو و مشاو كريم و رجالو ... و رجال مهدي حتى ماريا ) اهيه الالة تقدري تفسريلي درك
- ليليان ارتابكت ما عرفتش وش تقول حشمت و خافة : ااا ... اا.. مسيوو..اسس..اسمحليي مكانش لازم ندخل فالمخطط تاعك غلطة منزيدش نعاودها
- مهدي : ههههههه وش راكي تهدري ... اقعدي درك نفطرو و فهميني منين جبتي هداك الكلام اكل
- اوكي ... نقدرو نبدلو لهيه جيهة البحر
- اوكي
راحو قعدو فطابلة جيهة البحر دومونداو و يستناو ...هي تشوف مع البحر و هو تكلم
- احم ... منين جبتي هادوك الافكار تباني خبيرة علابالك ؟
- ااه لالااا وشمن خبيرة ههههههههه ... انا قريت نفس وش قريت نتا ... يعني تقدر تقول مهندسة مي جامي خدمة ... وبالطبيعة كي شفت مخطط تاعك و سمعت الطلب تاعهم جاتني افكار كفاش ندخلو اللمسات التقليدية ... و كيما شفت صرا لي صرا
- هي تهدر و هو غايس فيها : علاش ما خدمتيش ... كنتي قادرة طلعي اسمك فالميدان بكل سهولة ... عندك ذكاء مميز
- تنهدت و شافت فالبحر : راك تحكي كانو ما تعرفش وش راني عايشة .... هههه سي سالم مستحيل يسمح بهاد الشي
- خبط الطابلة بيدو تفجعت : علاش ... علاش تخافي منو ... بواش راهو يهدد فيك
- ضيقت عينيها فيه : زعما ما تعرفش ؟ ... تنهدت... ايييه يجي وقت و تعرف ( حبت تقولو الحقيقة مي خافت منو خافت يخدعها ولا يكدب عليها...خافت يكون كيما هوما .. و يحرمها من اخر امل )