Warning ⚠️:Mature Contents (18+)
>>>>>Unicode<<<<<
ယခုတလော သျှားအိမ်စားရေးသောက်ရေး အဆင်ပြေနေသည်။ မနက်ဆို ဆိုင်လေးဖွင့် ကော်ဖီလေးဖျော်။ ဗူးလေးထဲထည့်ပြီး ချစ်သူအိမ်ကိုသွား။ နှစ်ဦးသား မနက်စာစား။ ပြီးလျှင် သျှားအိမ်က နေ့လယ်စာချိုင့်လေးဆွဲကာ ဆိုင်ကိုပြန်လာ။ လုပ်စရာရှိတာကို လုပ်။ ညနေစောင်းလျှင် တခါပြန်သွား။ ချစ်သူနှင့်အတူ ညစာအတူစား။ ဆေးခန်းရှိသည့်နေ့ဆို စောစောစား။ မရှိသည့်နေ့ဆို ၇ နာရီလောက်မှ စား။ ပြီးလျှင် ချစ်သူနှင့် တီဗီကြည့်လျှင်ကြည့်။ မကြည့်လျှင် စကားစမြည်ပြော။ ၁၀ နာရီဆိုပြန်။ ဟန်ကိုကျလို့။ ဟိုနှစ်ကောင်က ဘီယာဆိုင်သွားရအောင် ခေါ်သည်ကိုတောင် "NO" ဟု ပြတ်ပြတ်သားသားငြင်းခဲ့သည်။
အဲ... ဒီနေ့တော့ ထိုကလေးကြီးက အလုပ်သွားမည်ဟု မနေ့ကတည်းက စစ်ကြေငြာလာသည်။ ထိုသို့ စစ်ကြေငြာနေသည်မှာ သုံးရက်မြောက်ကတည်းက...။ မနည်းပင် ချော့တစ်လှည့်ခြောက်တစ်လှည့် လုပ်ထား၍ တစ်ပတ်၊ခုနှစ်ရက်မျှခံခြင်းဖြစ်သည်။
"ဒါနဲ့ အစ်ကိုသျှန်နောင်တစ်ယောက် သက်သာသွားပြီးလား Boss။"
ဆိုင်တံခါးဝကို မကြာမကြာကြည့်နေသော သျှားအိမ်ကြောင့် နှင်းနှင်း မေးခွန်းထုတ်မိပါတော့သည်။ ယခုတစ်လော Boss တစ်ယောက်ရွှင်လန်းရုံမဟုတ်။ ခေတ်စကားနှင့်ပြောရလျှင် ဖလန်းဖလန်းထနေသည်။ ကြည့်ရသည်မှာ သျှန်နောင်ဆိုသည့် အစ်ကိုကြီးနှင့် အဆင်ပြေသွားသည့်ပုံပင်။ ပြောရမည်ဆိုလျှင် ထိုနှစ်ဦး၏ အကြည့်များကို သူမ အဓိပ္ပာယ်ဖော်ပြီးသွားသည်မှာ ကြာလှပြီဖြစ်သည်။ Boss က Homoမို့ ဘယ်လိုသဘောရလဲ? ဟုတ်လား?? ဒီမေးခွန်းမေးသည့် လူများကို သူမ နားမလည်ပါ။ Boss ၏ ချစ်မှုရေးရာသည် သူမနှင့်မဆိုင်ပါ။ သူမလုပ်ရမည့်အလုပ်ကို အကောင်းဆုံးလုပ်မည်။ အလုပ်အပေါ်ရော၊ အလုပ်ရှင်ပေါ်တွင် သူမ၏ သဘောထားက ပြောင်းလဲခြင်းမရှိပါ။
"အင်း... ဒီနေ့တောင် အလုပ်သွားမယ်ဆိုပဲ။"
ထိုစဉ် မျက်လုံးထောင့်တွင် မြင်လိုက်ရသော ပုံရိပ်ကြောင့် လှည့်ကြည့်လိုက်တော့ သျှန်နောင်။ အနက်ရောင် slim fit shirt နှင့် မီးခိုးရောင် slim fit dress pants ဖြင့် သပ်ရပ်နေသည်။
YOU ARE READING
အခ်စ္တို႔ျဖင့္ အတိၿပီးေသာ...|| အချစ်တို့ဖြင့် အတိပြီးသော
General Fiction》ေဇာ္ဂ်ီ 《 ႏွလုံးသားတစ္စုံမွ ဖန္တီးပါေသာ အခ်စ္တစ္ခုအေၾကာင္း 》Unicode 《 နှလုံးသားတစ်စုံမှ ဖန်တီးပါသော အချစ်တစ်ခုအကြောင်း ○●○●○●○●○●○●○● ●《♤》Seke x Seke 《♤》○ ○●○●○●○●○●○●○●
