Fatal Attraction 3: La Impostora

Chapter 17

NANG mag-angat ng tingin ang sekretarya ni Wilson at nang makilala si Sasahh ay agad itong napatayo mula sa kinauupuan. Kagalakan ang bumakas sa mukha nito.

"Mrs. Dela Fuente, kayo po pala. Magandang umaga..." Sinilip nito ang relong pambisig.

"Magandang tanghali ho," pagtatama nito sa unang sinabi.

"Magandang tanghali rin sa 'yo, Dani Girl. Nandiyan si mayor?" Daniella ang pangalan nito at dahil trending ngayon si Dani girl ng seryeng Kadenang Ginto ay iyon ang itinatawag niya sa sekretarya ni Wilson na madalas niyang makita sa tuwing pupunta ng mansiyon. Nasa edad trenta ito at mukhang paborito rin ang pula katulad ni Dani Girl, madalas niya itong makitang nakapula.

"Opo... pero..." Ang kagalakan nito ay napalitan ng pag-aaala. Tumaas ang kilay ni Sasahh nang may ma-sense na kakaiba.

"Why?"

"Nandiyan ho kasi 'yong enemy mo."

Her eyebrows furrowed. "Enemy?"

"Si Yelena po. Pero siguradong tungkol lang sa trabaho niya ang sadya. Pero syempre dahil malindi 'yon baka akit-akitin na naman si Mayor. Pero tiyak na hindi iyon papatulan ni mayor."

"I got this, Dani Girl! And oh by the way, sabi ko sa 'yo huwag mo na akong po-puin." Nakakatanda masyado. Mas matanda pa ito sa kanya, eh. Iniwan niya ang sekretarya at derederetsong pumasok ng opisina ni Wilson.

Nagkagulatan ang tatlo sa pagpasok ni Sasahh. Totoong nagulat siya at hindi inaasahan ang mapapasukan. Yelena is sitting on the armrest of Wilson's swivel at nilalaro ng mga daliri nito ang tainga ni Wilson.

Agad namang nakabawi si Sasahh sa pagkabigla at agad na kinolekta ang composure at confidence.

"Am I disturbing the love birds?"

Mabilis na tumayo si Wilson. "It's not what you think, Samantha," Wilson tried to explain himself in calm manner.

"Out!" Utos ni Sasahh kay Yelena at humakbang palapit sa desk. Si Yelena naman ay taas noong tumayo mula sa pagkakaupo sa armrest. Umarko pa ang perpektong hugis nitong kilay na halos kakulay ng Auburn nitong buhok.

Aba't ginaya pa ang kulay ng buhok niya!

"Huwag mo akong tinataasan ng kilay, Yelena, at baka ihampas ko sa pagmumukha mo itong bitbit ko!" Nag-iinit talaga ang ulo niya sa haliparot na ito.

"Yelena," mahinang tawag ni Wilson sa pangalan ng babae pero may autoridad. Yelena rolled her eyes before passing her.

"Hindo bagay sa 'yo ang buhok mo." Umismid lang ito at tumuloy sa pinto. Sinundan pa ito ni Sasahh ng tingin hanggang sa makalabas.

Inilapag niya sa desk ang dalang lutong pagkain para kay Wilson.

"What did you come here for?" He appeared  calm and didn't give a flying fuck about what she thinks or feels about his infidelity.

"Ganito pala ang nangyayari sa opisina mo. Gaano niyo kadalas gawin?" Iyon ang kanyang sinabi sa halip na sagutin ang tanong nito.

"Nothing happened, Samantha." He sat down on his swivel.

"Dahil dumating ako kaya hindi natuloy ang dapat mangyari." Pinagtagis ni Sasahh ang mga ngipin at bigla ay nag-init ang kanyang mata. Shit! Ano ba itong nararamdaman niya? Bakit siya nasasaktan? Bakit siya nagseselos? Hindi dapat!

"Pumunta lang ako para dalhan ka ng pagkain. Mauna na ako!" Tumalikod si Sasahh at tuloy-tuloy na tinungo ang pinto. Wilson sprang from his swivel and followed closely behind her and caught a hold of her wrist just as she reached the door. Pinihit siya nitong paharap.