نسرين " وبدو يروحو لين فضى الحوش قعدت بس وفاء بايته معانا وخش كل واحد رقد اما اني سهرت مع رواد واليوم التاني نضت الصبح كالعاده ع صراخ ماما تنوض فينا صليت ولبست وطلعت وصلت سندس ثناويتها واني ووفاء مشينا الجامعه حضرنا محاضره وحده بس وطلعنا تكينا ع مقهى هدرزنا لين عيينا ......
حنين : اني نشوف الأحسن تستعجلو وديرو العرس قريب
نسرين : ايه هادا لي قاله رواد وبكرى جايين أهله بيحددو يوم بيان وفضانيه
حنين "تأشر ع خاتم لي ف إيدها": تعرفي ليا فتره نشبح للخاتم هوا ونقول علاش حرف الآر ماحطيتش ف راسي بككل انك عشقانه من ورانا ياكلبه لين قلتيلي متأخر😒
نسرين"ضحكت بقوه"
وفاء : هههه ايه بالك حتى انتي تلفي من ورانا خلااص معاش عندي ثقه فيكم
حنين "تلبكت وشبحت فيها نسرين بضحكه وأشرتلها بمعنى قوليلها": لاااا من قال
وفاء "حست زي لي قالولها قاتله حد ": به خييرك هك بصاره راني ...انشالله كلامك صح رده فعلك تقول حاجه تانيه
حنين : لااا قلت😑
نسرين : ههههههه عليك جو ..هي انوضو
حنين : انتي لي جبتيني اهني وانتي لي بتروحي بيا ماخصنيش ولد عمي قتله ماتجينيش
نسرين "وقفت": به غير نوضو بسرعه تأخرنا
وفاء"وقفت" : فوني وين
حنين "مدتلها": اهو عندي
وفاء"خذاته ولما فتحاته شهقت"
نسرين: هااا خيرك
وفاء "حاطه إيدها ع فمها": نسييت تخيليي وربي نسييت..افففف يااربي😦
حنين : شن نسيتي شن في
وفاء"بنبره خوف" : متصل بياا عشر مرات نسيت نقوله ماتجيش كيف نسيت مش عارفه كييف
حنين : مننن؟
نسرين"شبحتلها كيف خايفه": نضال صح
وفاء : فيي غييره شن ديير توو
حنين : انتي الغالطه في حد قالك خلي فونك سايلنت
وفاء : اففف يااربي ماا كنت في المحاضره ودرتاا هك ونسسيت نغيره
نسرين : ايه اتصلي بيه قوليله خذتني نسرين المره هيا وأصلا مش مره أوله خيرك خايفه يابنت انتي عاطيه الموضوع أكثر من حقه
" الفالحه كانت تتصل بيه قبل وتعطيه علم انها روحت مع نسرين يوم لي تروح فيه معاها لان مرات نسرين وحنين تكون عندهم محاضره وهيا تطلع بكري ..ومرات هما يطلعو بكري ويروحو ووفاء مزال محاضره تانيه ههههه فهمتو🤣 عالمهم بس مره هيا مشت عليها ...وربي يستر من نضال ويكون في عونها "
حنين : ابعتيله مسج قوليله روحت
وفاء "تنهدت وبعتتله رساله": انشالله خير😦
نسرين : تخافيش اني معاك تو نتصرف معاه
حنين : يااخوفي هو يبدى كي ثور الهايج عليها وانتي خط أحمر معااش تباني
نسرين "وبعد خلصنا الحساب مشينا للسياره وصلت حنين وبعدها مشيت لثانويه سندس لقيتها مروحه وع طوول للحوش ولما روحت شهقت هديك الشهقه قسسم بالله قريب خشيت في عقلي وطلعت.. الحوش فضي لي هو برا وفراشات منقوعات بميه برا حتى هم ودنياا امبحوسه لاا ماما هكي زودتهااا هلباا "
نسرين"قريب تعيط" : مااااما علاااش هكي به ..نظييف الحوش والله مافي حاجه
سالمه : نظيف عينك لينا فتره معاش نكتنا هي بسررعه خفن رواحكن غيرو لي عليكم وزودي معاي مزالنا الدنياا هو
سندس"مشت تجري فوق" : بكرى امتحان عندي كلا اني..ربي يكوون في عونكم
سالمه : وشديري ماديتيلي زممتك اهني تتفرجي
وفاء"تنحي في سبيدرويها": ع من تكذذب هادي تو
نسرين : تعااالي ورااااسك بضم معانا
سالمه"تمسح": انتي نظني في عمرها خذيتي حصتك دلعناك مافيه الكفايه خلي أختك تقرا ..وهانا وفاء معاك تعاونك
سندس"تلعلع من فوق": ششننن لي بكرى جاااين لياااا انيييي هاااا.. تحملييي لي يجيك يااعمري مزاال القداام ماشفتي شي
نسرين : بهه سكري فممك نفختيلي رااسي رانك
سندس : تراااا بعد تتزوجي مااني جااايه معااك معااش تلقيني..خوودي فرصتك وتعلمي من تو مش أحسسلك
نسرين : ماااني زييك مررخيه حتى من دحيه ماتعرف تقليها ينعبا علياااا راني
سالمه : سنننندس تعرفي كان ماتسكتي نشدك من شعرك غصب وضمي امشي بسسرعه .وغير انشالله نلقاك راقده ولا ماتقريش عاارفه شن يصيرلك بعدين
نسرين : 😏😏
سالمه : وانتيييي اسكدي بسرعه وغيري لي عليك
وفاء "شبحت لنسرين كيف قالبه وجهها ومكشره وركبت فوق وكل لي ف بالي انشالله نضال مايجيش يتأخر وينسى لي صار ..وغيرنا لي علينا ونزلنا وبدينا فيهاا ضم وغسل وكد ونشر وتنشيف وتلميع وتسييق ..إللخ🤣 وهمم مشالله حوشهم فيلا اخخخ تعببب وخلاص"
نسرين "رمت روحوها ع كنبه ووراها وفاء ": ووووه عليييك يوووم أغببر كلا اليوم
وفاء : شن قلتي علياا بالله حوشي نضم فيه بروحي
نسرين : ووه مابعدك
سالمه"طالعه من دار" : هانا اختي جايه اليوم باش تعاونا في الحار لي منوتو لغدوا دارت فينا خير ربي يفتح عليها
